Mata 5:1 - Bible Zulgo

¹ Aləka i təv ana Yesuw a fə̀r aà gà asiŋ gà mburma ana hinne ti dehe a a təv ŋgar a ka, tə tsala a gər kwite nda gà ɓəzla mazazama ŋgat. Tə daha ka, a ndza a bəɗ a fata. I təv ana a ndza a bəɗ tsara ya ka, gà mburma ŋgar ata ti sìrìkaha a təv ŋgar ndiɓ bise.

Mata 5:1 ပူးပေါင်းရင်းမြစ်များ

Mata 13:2

Gà mburma ta ŋgatar, a da a fata ka, ti yahabaha gər a təv ŋgar hinne. Aɗaba taŋa, a daha, a tsəl a slə̀làh yam duwa a riŋ à gùva duluv ata ika gər yam, a ndza aɗəm a fata. Gà mburma ata tə daha a təv ŋgar tserdze ya ka, ti sìrìkaha a təv ŋgar. Tə daha ka, ta hitse aà gìgìze ŋana.

Mata 15:29

Aləka i dəba ŋa ya, Yesuw a hitse i fataya asa, a da ndaà gùva duluv Galile. A daha, a tsəl aka dìyes duwa a riŋ i fata. A ndzeha a fata ka, a ndza a bəɗ.

Mata 4:25

I dəba ŋa ya, gà mburma mbə̀rzə̀zza hinne tə dawaha a təv ŋgar, tə zazamawa ŋgat, i Galile i fata, tsikw ara aka ahəɗ ana gà kwite iɗəm kurwa ya, dite nda gà na i Yeruzalem a, nda gà asiŋ ŋa ana a riŋ ika ahəɗ Yuda ya, nda gà mburma ana ika lìdè dulwa Yurdan a tserdze.

Mata 5:2

A dza ba aà metsìkè a tar guma ŋgar.

Markus 3:13

I dəba ŋa ya, Yesuw a hitse i fataya, a tsəl aka dìyes duwa a riŋ i fata. A zal a gà mburma ana a sasar a.

Markus 3:20

Aləka i dəba ŋa ya, Yesuw a tarra ika dìyes ata ya, tə da a ma nda gà ɓəzla meslire ŋgar. Tə daha ka, gà asiŋ gà mburma hinne tə dara a təv ŋgar a asa. Aləka gà Yesuw ka, tə sər akaba vatwa aà mazəma dukw mezime nda gà ɓəzla meslire ŋgar asa tsa.

Markus 4:1

A pat duwa, Yesuw a mbəɗ gər aà gùva duluv Galile asa. A waya metsìkè guma ŋgar a mburma. Gà mburma hinne virisìkw tə daha a təv ŋgar. Aɗaba taŋa, a daha, a tsəl a slə̀làh yam duwa a riŋ aà gùva duluv ata ika gər yam. A sìrìk dər aà gìgìze ya aka gər yam zaakwa. A ndza aɗəm a fata. Gà mburma mandza ŋa ɗa ika gìgìze.

Luka 6:12

Akahər ata ka, Yesuw a tsəl aka gər dìyes duwa, aà mahàmà a Mbulum. A daha, a həna a bəra, aà mahàmà a Mbulum i fata.

Luka 6:17

Aləka gà Yesuw nda gà ɓəzla mazazama ŋgat tə tarra i dìyes ata ya, ti ndze aka dàlàbə̀rà duwa fehhè lele ka, tàa le aà gà ɓəzla mazazama ŋgat ŋgiɗ a fata hinne. Gà asiŋ gà mburma ŋgiɗ riŋ i fata hinne asa mbaŋa. Ama i liwiŋ gà mburma ata ka, gà asiŋ ŋa tə dara i Yeruzalem a. Gà biy ŋgiɗ ibam, tə dara i gà asiŋ gà kwite ŋgiɗ ana a riŋ ika ahəɗ Yuda ya, dite nda gà na tə dara i gà kwite Tirus nda Sidun ana aà gùva duluv a.

Luka 6:20

Aləka i dəba ŋa ya, Yesuw a mbəɗ aba a təv gà ɓəzla mazazama ŋgat ata, a gwaɗa a tar: «A kurum gà ɓəzla matawak, ŋgayum ba, aɗaba ki ti ndzwim a nda gà Mbulum i mekwere ŋgar.

Luka 9:28

A ge kwaskwa ilik i dəba mifefile ŋgar ata ya ka, Yesuw a ndzək gà Piyer nda Yuhana, nda gà Zakup. Tə tsəl a kwite aà meheme riŋ i fata.

Yuhana 6:15

Yesuw a səraba, gà mburma ata ti dere a, ti tike a ŋgat aà mene Əbay tar nda ndzəɗa ka, a mbəɗ gər, a tsəlaba aka dìyes ata à gər ŋgar.