Mata 4:25 - Bible Zulgo

²⁵ I dəba ŋa ya, gà mburma mbə̀rzə̀zza hinne tə dawaha a təv ŋgar, tə zazamawa ŋgat, i Galile i fata, tsikw ara aka ahəɗ ana gà kwite iɗəm kurwa ya, dite nda gà na i Yeruzalem a, nda gà asiŋ ŋa ana a riŋ ika ahəɗ Yuda ya, nda gà mburma ana ika lìdè dulwa Yurdan a tserdze.

Mata 4:25 ပူးပေါင်းရင်းမြစ်များ

Mata 12:15

Ama Yesuw a sər ka, tàa mà akaba à bazlam aka gər ŋgar ka, a hitsera i fataya, a da. I təv ana a riŋ a de a ya ka, gà mburma hinne tə zazam ŋgat. A daha, a mbala à gà ɓəzla dukw məməta ana i liwiŋ gà mburma ata ya tserdze.

Mata 19:2

Gà mburma hinne tə zazamaha ŋgat a fata. A daha, a mbala à gà ɓəzla dukw məməta ana i liwiŋ tar a.

Mata 4:15

«A kurum gà mburma ana ika ahəɗ gà Zabulun nda Naftali, nda gà na mandza ŋa aà gùva vatwa mada a duluv batsah ŋana ya, dite nda gà na ika lìdè dulwa Yurdan a. A kurum ata mandza ŋa ika ahəɗ Galile ya tserdze, dite asa ka, kà sərum Mbulum tsiye.

Mata 5:1

Aləka i təv ana Yesuw a fə̀r aà gà asiŋ gà mburma ana hinne ti dehe a a təv ŋgar a ka, tə tsala a gər kwite nda gà ɓəzla mazazama ŋgat. Tə daha ka, a ndza a bəɗ a fata. I təv ana a ndza a bəɗ tsara ya ka, gà mburma ŋgar ata ti sìrìkaha a təv ŋgar ndiɓ bise.

Mata 8:1

Aləka i təv ana gà Yesuw tə tarra i kwite ata ya tsara ka, gà mburma hinne tə dəɗ aaka.

Markus 5:20

Wele ata a daba a ma kaɗəŋ. A daha ka, a dza ba aà maɗàmà dukw ana Yesuw a ge aɗaba ŋgat a. A sùwayawa à bazlam ata aà kwite aà kwite ika ahəɗ kwite kurwa ata. Gà na tə tsaraka bazlam ata ya tsara ka, a ne aka tar dukw mene aà mburma.

Markus 6:2

A pat mesìfìkà ba ka, a da a ga mahàmà a Mbulum. A daha ka, a dza ba aà medzeŋge bazlam Mbulum a mburma. Bazlam ŋgar ata gà mburma tə tsaraka ka, a ge aà tar kamala dukw mene aà mburma ya. Ta gwaɗaba ika magər tar: «Yweh yweh, a ŋgatara madzala gà gər ata dze ana, i ŋga ya? Na naha, a geye a gà dukw mene aà mburma, nda metsehe ŋgiɗ pampam hinne asa ya? Weke na a vəlar metsehe ata dze ya?

Markus 7:31

I dəba ŋa ya, Yesuw a hitse ika ahəɗ Tirus a asa. A mah ba, a da nda kwite Sidun. A da i fataya ka, ndaà gùva duluv Galile. A da aka ahəɗ kwite kurwa.

Luka 6:17

Aləka gà Yesuw nda gà ɓəzla mazazama ŋgat tə tarra i dìyes ata ya, ti ndze aka dàlàbə̀rà duwa fehhè lele ka, tàa le aà gà ɓəzla mazazama ŋgat ŋgiɗ a fata hinne. Gà asiŋ gà mburma ŋgiɗ riŋ i fata hinne asa mbaŋa. Ama i liwiŋ gà mburma ata ka, gà asiŋ ŋa tə dara i Yeruzalem a. Gà biy ŋgiɗ ibam, tə dara i gà asiŋ gà kwite ŋgiɗ ana a riŋ ika ahəɗ Yuda ya, dite nda gà na tə dara i gà kwite Tirus nda Sidun ana aà gùva duluv a.

Luka 6:19

Gà mburma tserdze ti yahawa vatwa aà malə̀mà ahər, aɗaba ndzəɗa ana a dawara i ba ŋgar a ka, a mbalawa à tar fit dze.