Mata 4:24 - Bible Zulgo

²⁴ I dəba ŋa ya, mege dukw ŋgar ata a ɗe zləm tsikw aka ahəɗ Siriya ana a mbeha a Galile ata ya. Tə tsaraka kataya ka, tə daha, tə ndzakaha gà ɓəzla dukw məməta ŋgiɗ pampam a təv ŋgar, gà na ndelèɓ ndelèɓ ti sèwèrewa are hinne i dukw məməta tar a, nda gà na sitene i ba tar a, dite nda gà na a beye à tar a dala ya, nda gà ɓəzla videl tserdze, a mbala à tar.

Mata 4:24 ပူးပေါင်းရင်းမြစ်များ

Mata 12:22

Aləka i dəba ŋa ya, tə daha à wele duwa a Yesuw. Wele ata ka, sitene i ba ŋgar, a ge à ŋgat mandək ŋa nda guluf. Yesuw a mbəl à ŋgat, tsam ka, a fàfəl lele, a ŋgat a vatwa lele asa mbaŋa.

Mata 14:1

Akahər ata ka, *Hiridus ŋgat batsah Əbay ana ika ahəɗ Galile ya, a tsaraka meɗè zləm Yesuw ana a riŋ a geye a gà dukw mene aà mburma pampam a.

Mata 15:22

I fata ka, məkəs gà Kananiya duwa a riŋ a ndzawa ika ahəɗ ata. Ŋgat ka, dəm gà Yahuda tsa. I təv ana Yesuw a ndzeha a fataya ka, a dza ba aà madaha a təv ŋgar. A zezem a ŋgat. A hemer a dərraha aà vatwa ya hinne. A gwaɗaraha: «Əbay Yesuw, gwala Dawda, kamkam, i ndzek are tsehe ti tsiye. I hamak ka, aɗaba dəm gà duwa a riŋ i ma, sitene a gasawa ŋgat, a sèwèrewer are hinne.»

Mata 17:15

A gwaɗar: «Əbay ga, mbəl à kəla gà duwa naha te, a ndzek are tsehe ti tsiye? Aɗaba a riŋ i dukw məməta, mahuruvuv a gasawa ŋgat, a sèwèrewer are hinne. I təv ana dukw ata aka dza ahər ba ya ka, a dzawuwa à ŋgat a akwa nda yam asa mbaŋa.

Mata 17:18

Gà mburma ata tə daha à kəla ata a təv ŋgar a fata. A daha, a kwara akaba sitene ata nda magala hinne, dite a dara i ba kəla ata ya kuɗa, a mbəl tsara.

Mata 4:23

Aləka i dəba ŋa ya, Yesuw a suwaya ika ahəɗ Galile tserdze. A tsikewa guma ŋgar a mburma i gà ga mahàmà a Mbulum. A tsikewa a tar bazlam ŋgwal ŋa ana biy mekwere Əbay Mbulum a asa mbaŋa. A mbala à gà ɓəzla dukw məməta, nda gà mburma ana gà magàha a bəɗ ŋa ya fit dze.

Mata 8:28

I dəba ŋa ya, gà Yesuw ti ndze aka lìdè duluv ŋgiɗ aka ahəɗ gà Gadara tsara ka, gà wele duwa sula, duwa a gasawa tar, mburma a ge a tar magəɗa hìriɓiɓɓe hinne, wura a sle a aà mede ndaka vatwa ata tsa. Tə dara ika magər gà dive ya, aà malə̀mà nda gà Yesuw.

Mata 8:33

Gà ɓəzla makəva gà wèdèlìŋ ata ibam, swiyèh tə tə̀z a huɗ kwite. Tə daha ka, tə ɗama labara ana a ge ba nda gà wèdèlìŋ ana ta mata a yam a, dite i dəba ŋa ya, tə ɗama dukw ana a ge ba nda gà wele aaha sitene a gasawa tar a mbaŋa.

Mata 8:6

A gwaɗar: «Əbay, i dara a təv yak a ka, aɗaba mala meslire gà duwa a riŋ mahə̀nà ŋa magàha a bəɗ ŋa i ma, ŋgwala tsa, a wir ahər a hinne.»

Mata 9:26

Ama dukw ata Yesuw a ge a ya ka, a ɗe zləm ika ahəɗ ata i fataya fit dze.

Mata 9:35

I dəba ŋa ya, Yesuw a sùwaya i gà kə̀sà gà bàba ŋana nda gà ɓəza gà kwite fit dze. A ɗif à metsehe a gà Yahuda ana mayahaba gər ŋa i gà ga mahàmà a Mbulum tar a. A tsik a tar bazlam ŋgwal ŋa ana biy mekwere Əbay Mbulum a. A mbala à gà ɓəzla dukw məməta, nda gà mburma ana gà magàha a bəɗ ŋa ya fit dze.

Markus 1:28

I dəba ŋa ya bise tsara, gà mburma ana ika ahəɗ Galile ya, ti ɗewa zləm à Yesuw hinne.

Markus 1:32

Aləka pat a dəɗ ndaàwa ŋana ka, gà mburma ata i fataya, tə ndzakaha gà ɓəzla dukw məməta nda gà ɓəzla sitene a təv Yesuw.

Markus 2:3

I təv ana a riŋ a tsik a ter a ya ka, gà mìsle ŋgiɗ pam asa, tə dara a təv ŋgar a. Tə darra à mala magàha a bəɗ duwa ya, gà gawla faɗ ika magər gà mburma ata tə zlara.

Markus 2:4

Ama ti sle a aà mipètè dər a Yesuw tsa, aɗaba gà mburma ana riŋ hinne ika biye hərmaga ata Yesuw iɗəm a. Tə daha, tə tsala aka ga ata, ŋgər tə təm gər ga, ser aka Yesuw. Tə zla mala magàha a bəɗ ata madzàwà ŋa aà slə̀làh. Ta gasa i liɓir a, ta vəlaraha.

Markus 2:9

Magwàɗà a mala magàha a bəɗ: , nda bazlam masakəŋa ka, a wur ba tsa, kige tsa: ka, taŋa ka, a wur ba.

Luka 2:2

Taŋa na a ne malahalah maɗàmà mburma ana ika ahəɗ Ruma ya. Akahər ata ka, Əbay ŋgiɗ a riŋ, batsah Əbay ata a tike aɗəm ŋgat, zləm ŋgar Kwiriniyus. A riŋ a kwere a gà Siriya ika ahəɗ Ruma mbaŋa.

Luka 4:14

I dəba ŋa ya, Yesuw a mbəɗ gər aka ahəɗ Galile ka, maràhà ŋa nda gà ndzəɗa Mezite Mesife Mbulum i ba ŋgar hinne. Gà mburma tə dza ba aà maɗə̀vàr zləm i gà kwite ana i fataya.

Luka 4:38

Aləka i dəba ŋa ya, Yesuw a da i ga mahàmà a Mbulum ata ya, a da a bəra Simun. A daha ka, dzìdze Simun a riŋ mahə̀nà ŋa ika slə̀làh, màràɓàraɓ a geriŋa. Gà mburma ana i fataya, ta gwaɗa a Yesuw: «Mbəl à ŋgat te.»

Luka 5:15

Tsaatsa ivaɗ, wele ata a mbəɗ ba, a neye ŋgat. Meɗè zləm Yesuw a ɗe zləm i fata hinne. Gà mburma hinne ti yahawa ba gər aà matsaraka dukw ana a tsik a ya, ta waya, dite mə mbala à tar i dukw məməta tar a.

Luka 5:24

Ama a sèsiŋ ka, sərum dər, iye, *wur ana a dara i təv Mbulum a, iye riŋ nda gà ndzəɗa aà məpəla à bakal a mburma ika gər ahəɗ.» I dəba ana Yesuw a tsik a tar kataya ya tsara ka, a gwaɗa a mala magàha a bəɗ ata: «Iye i gwaɗak, hitse, ka zla slə̀làh yak, ka daba a ma.»

Luka 7:17

Aləka gà mburma ana ika ahəɗ Yuda ya, nda gà na i gà kwite ana ta mberaha ya fit, tə tsaraka dukw ata Yesuw a ge ya.

Yuhana 10:21

Gà mìsle ŋgiɗ ta gwa asa: «Wele ana sitene i ba ŋgar a ka, a sle aà mifefile a kataya tsa. Wànà sitene a sle a aà mahə̀ndə̀kà ika are ya a mala guluf a?»

Gà Ɓəzla Meslire 10:38

Kàa tsarakum, meme na Mbulum a rah à Mezite Mesife nda ndzəɗa ŋgar aka gər Yesuw gà Nazaret a. Ama ka, Yesuw a sùwayawa ika ahəɗ gà Yahuda tserdze nda mege ŋgwal ŋa a mburma, a mbala à gà na Əbay sitene a kwere a tar a tserdze mbaŋa, aɗaba ka, Mbulum a riŋ nda gà ŋgat.

Gà Ɓəzla Meslire 15:23

Ta wetse a tar wakita ata a ahər, tə da dər. Kamala ana ta wetse ya ka, ta gwa: «Mər mi ge a kurumaha wusa, a kurum gà damər mər ana gà Yahuda tsiye, kurum riŋ mandza ŋa i gà kwite Antakiya nda gà i Siriya, dite nda gà i Kilikiya ya. Na a wetse a kurumaha wakita aaha ka, mər gà ɓəzla meslire Mbulum nda gà bàba ŋa ana ika magər gà mburma Mbulum ana i faha ya.

Gà Ɓəzla Meslire 15:41

Tə daha ka, tə da ndaka ahəɗ Siriya. Tə zazəɗ ika ahəɗ ata ya, tə da aka ahəɗ Kilikiya asa. Ta màwaha à arəv a gà mburma Mbulum ana tàa le aà tar i fataya tserdze.

Gà Ɓəzla Meslire 28:9

Ama gà asiŋ gà ɓəzla dukw məməta ana i kwite ata ya, tə tsaraka kataya tsara ka, tə dayaha a təv Pul, dite ta mbala mbaŋa.

Gà Ɓəzla Meslire 8:7

Aɗaba gà sitene tàa dara i ba mburma ya, nda gà Mewideye ya hinne, dite gà ɓəzla magàha a bəɗ nda gà ɓəzla metsilgeɗe tàa mbala mbaŋa.