Mata 4:23 - Bible Zulgo

²³ Aləka i dəba ŋa ya, Yesuw a suwaya ika ahəɗ Galile tserdze. A tsikewa guma ŋgar a mburma i gà ga mahàmà a Mbulum. A tsikewa a tar bazlam ŋgwal ŋa ana biy mekwere Əbay Mbulum a asa mbaŋa. A mbala à gà ɓəzla dukw məməta, nda gà mburma ana gà magàha a bəɗ ŋa ya fit dze.

Mata 4:23 ပူးပေါင်းရင်းမြစ်များ

Mata 11:5

Gwaɗumar ka, gà ɓəzla guluf tàa ŋgat are tar, dite gà ɓəzla magàha a bəɗ ibam, ti de a lele, nda gà ɓəzla mbəlak ba tekeɗe, suwuɗ suwuɗ tàa mbala. Gà ɓəzla mandakazləm tekeɗe ibam asa, pìɗek tàa tsaraka zləm, nda gà məməta ibam asa, hùrùm tàa mbalara i məməta ya. Gà ɓəzla matawak mbaŋa, tàa tsaraka bazlam ŋgwal ŋa ana i tsik a ya.

Mata 12:9

Aləka Yesuw a hitse i fataya, a da a ga mahàmà a Mbulum tar.

Mata 13:19

Ama gà mìsle ŋgiɗ ka, tə tsaraka bazlam Əbay Mbulum ana a ta kwere a ya. Tàa dzar zləm, ama tàa tsaraka tsa. Əbay sitene a dehe a, ndzìkeɗ ndzìkeɗ a ndzehe a bazlam ata tə dzar zləm a. Tar ti ndzikiɗ ba ka, wur daw ata a dza aka vatwa ya.

Mata 13:54

A da a kwite ana a gəl iɗəm ba ya. A daha ka, a da a ga mahàmà a Mbulum tar. I fata ka, a dza ba aà medzeŋge bazlam Mbulum a mburma. Bazlam ŋgar ata gà mburma tə tsaraka ka, a ge aà tar kamala dukw mene aà mburma ya. Ta gwaɗaba ika magər tar: «Yweh yweh, a ŋgatara metsehe ata dze ana, i ŋga ya? Meme na a sle aà mege gà dukw mene aà mburma ata pampam kamala taŋa ya?

Mata 14:14

Aləka i təv ana tsìm a ndzeha a fata, a tarra i slə̀làh yam a, a fə̀r ikaba ya ka, gà mburma viyèw tàa làhar a bəɗ a fata hinne, ta veve a ŋgat. A fə̀r aà tar ka, ti ndzer are tsehe hinne. A daha, a mbala à gà ɓəzla dukw məməta tar ana tə ndzakaha ya.

Mata 24:14

Ama gər ahəɗ à ndìv a kəla ka, ti tsik a bazlam *mekwere Mbulum aaha ŋgwal ŋa ya a gà slala gà mburma ika gər ahəɗ pampam tserdze dzekwiŋ, ku weke a sle a aà metsereke, na dite à ndìv a ya.»

Mata 3:2

A gwaɗawa a tar ka: «Mbəɗum à madzala gà gər kurum a təv Mbulum, aɗaba mekwere ŋgar aka à mendzera.»

Mata 9:35

I dəba ŋa ya, Yesuw a sùwaya i gà kə̀sà gà bàba ŋana nda gà ɓəza gà kwite fit dze. A ɗif à metsehe a gà Yahuda ana mayahaba gər ŋa i gà ga mahàmà a Mbulum tar a. A tsik a tar bazlam ŋgwal ŋa ana biy mekwere Əbay Mbulum a. A mbala à gà ɓəzla dukw məməta, nda gà mburma ana gà magàha a bəɗ ŋa ya fit dze.

Markus 1:14

Akahər ata ta gəs Yuhana, ti tike ŋgat a daŋgay gədzə̀zl. I dəba ŋa ya, Yesuw a tsaraka tàa gəs Yuhana ka, a mbəɗaha gər aka ahəɗ Galile. A daha ka, a dza ba aà metsìkè bazlam ŋgwal ŋa ana a da dərra i təv Mbulum a, a mburma. A gwaɗawa a tar:

Markus 1:21

I dəba ŋa ya, gà Yesuw nda gà ɓəzla mazazama ŋgat tə da a kwite Kafarnahum. A pat mesìfìkà ba ana a ndzera ya ka, a da a ga mahàmà a Mbulum. A daha, a tsik guma ŋgar a mburma.

Markus 1:39

Yesuw a tsik aba ya kataya ka, a mah ba, a da. A daha, a sùwaya ika ahəɗ Galile tserdze. A ləm aka kwite ata i fataya à bazlam ata. A tsikewa guma ŋgar a gà mburma tserdze i ga mahàmà a Mbulum ana ika ahəɗ ata ya. A dalawuwa gà sitene aà mburma ya mbaŋa.

Markus 3:10

A ge dər kataya ka, gà ɓəzla dukw məməta ana a riŋ i fataya, tə tsaraka Yesuw aka mbala à gà mburma hinne i dukw məməta ya ka, ta waya mimbèreha, aà malə̀mà ahər, dite ka, mə mbala à tar i dukw məməta tar a te.

Markus 6:2

A pat mesìfìkà ba ka, a da a ga mahàmà a Mbulum. A daha ka, a dza ba aà medzeŋge bazlam Mbulum a mburma. Bazlam ŋgar ata gà mburma tə tsaraka ka, a ge aà tar kamala dukw mene aà mburma ya. Ta gwaɗaba ika magər tar: «Yweh yweh, a ŋgatara madzala gà gər ata dze ana, i ŋga ya? Na naha, a geye a gà dukw mene aà mburma, nda metsehe ŋgiɗ pampam hinne asa ya? Weke na a vəlar metsehe ata dze ya?

Markus 6:6

Aɗaba bazlam tar ata ka, a ge ahər kamala dukw mene aà mburma ya hinne, agəra ana ta gəs ŋgat nda gəzləŋ tsiye. A hitse dər i fataya tsara, a da a kwite ana a riŋ bise nda kwite ata ya. A daha, a tsik bazlam ŋgar a mburma i fata.

Luka 10:9

Mbalum à gà ɓəzla dukw məməta ana i kwite ata ya. Gwaɗum a gà mburma ana i fataya ka: <*Mekwere Mbulum aka à mendzera a təv kurum a.>

Luka 13:10

A pat duwa, Yesuw a riŋ a tsik a guma ŋgar a mburma a pat mesìfìkà ba. Bazlam ata a tsik a ya ka, i ga Mbulum gà Yahuda ana ta hamawa iɗəm a.

Luka 16:16

Tə zazam məpala ahəm Musa nda bazlam gà ɓəzla məma à guma Mbulum, haa a təv ana Yuhana metsìlwìɓè à mburma a yam a dza ahər ba ya. Daga aà gər ata ya, ti tsikewa bazlam ŋgwal ŋana biy mekwere Əbay Mbulum ana a ta kwere a ya a mburma, dite i dəba ŋa ya, ku weke tekeɗe, gə̀də̀bəllà ta waya mada a *mekwere Mbulum ata nda ndzəɗa.

Luka 20:1

A pat duwa ka, Yesuw a riŋ a dzeŋge a guma ŋgar i ga Mbulum batsah ŋana. A tsik a ter a bazlam ŋgwal ŋana. I təv ana a riŋ a tsik a ya ka, gà Əbay gà ɓəzla mandəva kuɗa a Mbulum nda gà ɓəzla medzeŋge məpala ahəm Mbulum nda gà bàba gà mburma ana ta kwere a gà Yahuda ya, tə daha a təv ŋgar,

Luka 4:14

I dəba ŋa ya, Yesuw a mbəɗ gər aka ahəɗ Galile ka, maràhà ŋa nda gà ndzəɗa Mezite Mesife Mbulum i ba ŋgar hinne. Gà mburma tə dza ba aà maɗə̀vàr zləm i gà kwite ana i fataya.

Luka 5:17

A pat duwa, Yesuw a riŋ ihər a tsik a guma ŋgar a gà mburma. Gà *Farisa nda gà ɓəzla medzeŋge məpala ahəm Mbulum a riŋ mandza ŋa i ga i təv ŋgar bise. Ama gà mburma ata ka, tə dayara ka, i Yeruzalem a nda gà i gà asiŋ gà kwite ŋgiɗ ana ika ahəɗ Yuda ya, nda gà ika ahəɗ Galile ya mbaŋa. Ama ka, ndzəɗa Əbay Mbulum a riŋ nda Yesuw, a zlàkawa ŋgat aà məmbàlà à gà ɓəzla dukw məməta.

Luka 6:17

Aləka gà Yesuw nda gà ɓəzla mazazama ŋgat tə tarra i dìyes ata ya, ti ndze aka dàlàbə̀rà duwa fehhè lele ka, tàa le aà gà ɓəzla mazazama ŋgat ŋgiɗ a fata hinne. Gà asiŋ gà mburma ŋgiɗ riŋ i fata hinne asa mbaŋa. Ama i liwiŋ gà mburma ata ka, gà asiŋ ŋa tə dara i Yeruzalem a. Gà biy ŋgiɗ ibam, tə dara i gà asiŋ gà kwite ŋgiɗ ana a riŋ ika ahəɗ Yuda ya, dite nda gà na tə dara i gà kwite Tirus nda Sidun ana aà gùva duluv a.

Luka 6:6

A pat mesìfìkà ba ŋgiɗ duwa asa ka, Yesuw a da a ga mahàmà a Mbulum. A daha, a dza ba aà metsìkè guma ŋgar a mburma. Ama wele duwa a riŋ i ga ata makula ahər mezime ŋa.

Luka 7:21

I təv ana tə daha, ti tsiker bazlam ata ya ka, Yesuw a riŋ a mbele a à gà ɓəzla dukw məməta nda gà ɓəzla magàha a bəɗ, nda gà ɓəzla sitene hinne, a hendeke a ika are a gà ɓəzla guluf a hinne dukw ŋgar.

Luka 7:22

I dəba ŋa ya, a gwaɗa a gà ɓəzla mazazama Yuhana ata: «Mbəɗum gər, ti tsikwim a Yuhana, na dukw ana kə̀ ŋgatumar a, ndəna kà tsarakum a. Gwaɗumar ka: Gà ɓəzla guluf tàa ŋgat are tar. Dite gà ɓəzla magàha a bəɗ ibam, ti de a lele, nda gà ɓəzla mbəlak ba tekeɗe, suwuɗ suwuɗ tàa mbala. Gà ɓəzla mandakazləm tekeɗe ibam asa, pìɗek tàa tsaraka zləm, nda gà məməta ibam asa, hùrùm tàa mbəlara i məməta ya. Gà ɓəzla matawak mbaŋa, tàa tsaraka bazlam ŋgwal ŋa ana i tsik a ya.

Luka 8:1

Aləka i dəba mendze zaakwa ya ka, Yesuw a daya aà kwite aà kwite, mege a batsah kwite, mege a kəla ŋana tekeɗe. A ləm aaka à bazlam ŋgwal ŋa ana biy *mekwere Mbulum a fit. A tsikewa a gà mburma. Gà ɓəzla mazazama ŋgat ana kurwa gəra sula ya, tə dəɗ aaka mbaŋa.

Luka 9:11

Aləka gà asiŋ gà mburma aaha tə sər aaba, tàa da ka, tə zazamaha tar a fata mbaŋa. Ti ndzeha a fata tsara ka, Yesuw a gwaɗa a tar: «Dumara a təv ga ya.» Tə daha ka, a tsik a tar bazlam mekwere Əbay Mbulum. A mbala à gà mburma i dukw məməta tar a tserdze.

Luka 9:60

Yesuw a gwaɗar aaka: «Sifek məsak à gà məməta, ti leye ba tar dukw tar. Ama kər ka, ti tsik bazlam *mekwere Mbulum a gà mburma.»

Yuhana 18:20

Yesuw a gwaɗar aaka: «I fàfəlawa ka, ndərzayya, ika miɗ mburma tserdze. I tsikewa guma gà i ga Mbulum batsah ŋana nda gà i gà ga mahàmà a Mbulum tserdze, kamala megweɗe ya ka, i təv ana gà Yahuda ti yahawaba aɗəm gər a. Yàa tsik duwa nda akəl ilik tsidze.

Yuhana 6:59

Yesuw a tsik guma ŋgar ata ka, i ga mahàmà a Mbulum gà Yahuda ana i kwite Kafarnahum a.

Yuhana 7:1

I dəba ŋa ya, Yesuw a sùwaya riŋ ika ahəɗ Galile tserdze. A sasar mede aka ahəɗ Yuda tsa, aɗaba ana a sàs a gà bàba gà Yahuda aà makə̀ɗà ŋgat a.

Gà Ɓəzla Meslire 10:38

Kàa tsarakum, meme na Mbulum a rah à Mezite Mesife nda ndzəɗa ŋgar aka gər Yesuw gà Nazaret a. Ama ka, Yesuw a sùwayawa ika ahəɗ gà Yahuda tserdze nda mege ŋgwal ŋa a mburma, a mbala à gà na Əbay sitene a kwere a tar a tserdze mbaŋa, aɗaba ka, Mbulum a riŋ nda gà ŋgat.

Gà Ɓəzla Meslire 18:4

Pul a dawa a ga mahàmà à Mbulum gà Yahuda kəla pat mesìfìkà ba. Na aka daha ka, a tsikewa bazlam Mbulum a gà Yahuda, dite nda gà Girek asa. A waya, na dite ta gəs bazlam ata ya.

Gà Ɓəzla Meslire 20:25

Iye i sər, Yàa ndəv à mendze gà ika magər kurum a, a kurum ana i tsik a kurum bazlam Əbay Mbulum a. Ama kəla ka, ki ŋgetwimiŋ a ɗa ika magər kurum asa tsa.

Gà Ɓəzla Meslire 28:31

A tsikewa bazlam mekwere Mbulum ana a ta kwere a aka miɗ mba ya. A dzeŋgewa a tar, a gwaɗawa a tar ka, weke na Yesuw Kiristi ya, nda dukw ana Yesuw a gewa ya tserdze, parakkà lele. Wura a peler a ahəm tsa, a ziwe a gər ŋgar.

RUMA 10:15

Dite dze ana, na gà mburma Yesuw tàa slər mburma a təv tar tsəna, dite meme na gà ɓəzla meslire ata ta wile a aka mede aà metsike a tar a? Ama ka, tàa slər tar dukw ŋgar. Aka ge ba kamala ana a riŋ mewetse ŋa i wakita Mbulum ka, ta gwa: «Samata kwaŋ, na gà ɓəzla meslire na tə dara a təv tar, ti tsik a ter a bazlam ŋgwal ŋana ka, dite zayya a ŋgeye a ter a ba i gəzləŋ a.»*fe*