Mata 4:19 - Bible Zulgo

¹⁹ Yesuw a gwaɗa a taraha aɗəm: «Dumara, tàkwa, zazamum iye. I ne à kurum a gà ɓəzla mayahara mburma i luvuŋ a, kamala kilif aaha kurum riŋ ihər ki geswimere a i yam a, dite ka, gà mburma ata ibam, tə dara a təv dzaydzay ŋa ya.»

Mata 4:19 ပူးပေါင်းရင်းမြစ်များ

Mata 16:24

Aləka i dəba ŋa ya asa, Yesuw a gwaɗa a gà ɓəzla mazazama ŋgat: «Na aka sàs a wura aà medìɗè aka iye ka, ma dzala ba ŋgar asa tsa, ma zla dizl magə̀làwà ŋana kəla pat, kamala ana iye i ti zle a mba ya, dite ma dara, ma zazam iye kuɗa.

Mata 19:21

Yesuw a gwaɗar: «Na a sàsak magəsa Mbulum nda ndzer ka, daha, ka dzawa à gà dukw yak fit, dite kà dzaya siŋgwe ŋa a gà ɓəzla matawak. Na kàa ge dər kataya ka, ki ŋget a limana ana batsah ŋa, à ndìv a tsa i təv Mbulum a. I dəba ŋa ya ka dara, ka zezem iye kuɗa.»

Mata 4:18

I dəba ŋa ya, Yesuw a da aà gùva duluv Galile. A sùwaya i fata ka, aka le aà gà wele duwa sula nda damər ŋgar. I ŋgiɗ ka, Simun ana ti ɗer Piyer a, tar nda damər ŋgar Andire. Tar riŋ ta pìl a à ndzàràwà tar a yam a duluv ata, aɗaba megemir tar ka, magàsà kilif.

Mata 4:20

I dəba bazlam ŋgar ata ya tsara ka, gà wele ata ta məsak aba à gà ndzàràwà tar a fataya, tə zazam ŋgat.

Mata 8:22

Yesuw a gwaɗar aaka: «Kər ka, dara, zazam iye, sifek məsak à gà məməta, ti leye ba tar dukw tar.»

Mata 9:9

I dəba ŋa ya, Yesuw a mah ba i fataya. I təv ana tar riŋ ti de a ika vatwa ya ka, a ŋgat a wele duwa a riŋ mandza ŋa i ga duwan, zləm ŋgar Mata. Aɗaba ŋgat ka, mala duwan. Yesuw a daha a təv ŋgar, a gwaɗar: «Dara, zezem iye.» Mata a tsaraka kataya tsara ka, a hitsera i fataya, a zazam ŋgat.

Markus 2:14

I dəba guma ŋgar ata ya ka, a hitse i fataya, a dza ba aà mede. A təv ana a riŋ a de a ya ka, aka ŋgataha a Levi, kəla Alfayus, a riŋ mandza ŋa i ga dùwan, aɗaba ŋgat ka, mala dùwan. Yesuw a daha a təv ŋgar, a gwaɗar: «Dara, zezem iye.» Levi a tsaraka kataya tsara ka, a hitsera i fataya, a zazam ŋgat, tə da a ma ŋgar.

Luka 5:27

Aləka i dəba ŋa ya, Yesuw a dara i ga ata ya, a daba. I təv ana a riŋ a de a ya ka, a ŋgat a mala duwan duwa, zləm ŋgar Levi, a riŋ mandza ŋa i ga duwa i təv megemir ŋgar. Yesuw a daha, a gwaɗar: «Dara, zezem iye.»

Luka 9:59

I fataya ka, Yesuw a gwaɗa a mìsle ŋgiɗ pam: «Dara, zezem iye.» Ama wele ata a gwaɗar aaka: «Əbay, iye ka, viliŋ vatwa, a təv ana tsir gà aka mət a ka, i le a aba ya dzekwiŋ.»

Yuhana 1:43

Ndidwe ŋana ka, Yesuw a waya à mbìɗ a gər aka ahəɗ Galile. I təv ana a riŋ a de a ya ka, tə lə̀ma nda Filip. A gwaɗar: «Zezem iye, kà tama.»

Yuhana 12:26

Na aka sàs a wura aà megiŋ meslire ka, say ma zezem iye. Ŋgat ka, a ti ndze a i təv ana i ti ndze aɗəm a ya. Aɗaba wur ana a giŋ a meslire ya ka, Tsir gà a ti zlibe a à ŋgat mbaŋa.»

Yuhana 21:22

Yesuw a gwaɗar aaka: «Na i gwa kinehe ka, ma ndza aà bəra haa a pat ana Yàa màra ya ana, əla yak tiye? Kər ka, zezem iye pəra kwaŋ.»

2 Kurintiya 12:16

Kurum kà sərum, iye ka, Yàa gwaɗa a kurum: «Zlakum iye nda dukw mezime» ka, Yàa tsik a kurum tsa. Wànà kataya tsiye? Ama gà mìsle ŋgiɗ ika magər kurum ka, ta gwa: «Biy tsa, Pul a bene a mburma nda wirwir hinne, a bene a aà kwa siŋgwe ya.»