Mata 4:12 - Bible Zulgo

¹² Akahər ata ka, ta gəs Yuhana, gədzə̀zl ti tike ŋgat a daŋgay. I dəba ŋa ya, Yesuw a tsaraka ta gwa là, tàa gəs Yuhana ka, a hitsera i fataya, a mah ba, a da aka ahəɗ Galile.

Mata 4:12 ပူးပေါင်းရင်းမြစ်များ

Mata 11:2

Akahər ata ka, Yuhana metsìlwìɓè à mburma a yam a riŋ i ga daŋgay. Ama a tsaraka meɗè zləm megemir Yesuw ana a gewa ya, ta gwa là, ŋgat ka, *Kiristi, mala məmbə̀là à mburma ana Mbulum a gwa, i slir a kurumehe a ya ka, a slər gà asiŋ gà ɓəzla mazazama ŋgat a təv ŋgar.

Mata 14:3

Hiridus a tsik kataya ka, aɗaba ŋgat na a gəs Yuhana piŋŋe, a dzaw ŋgat, a tike ŋgat a ga daŋgay a. A tike aɗəm ŋgat ka, agəra ana a palar ahəm aà mazla *Hirudiya məkəs damər ŋgar Filip ana a zlaba ihər a ya.

Markus 1:14

Akahər ata ta gəs Yuhana, ti tike ŋgat a daŋgay gədzə̀zl. I dəba ŋa ya, Yesuw a tsaraka tàa gəs Yuhana ka, a mbəɗaha gər aka ahəɗ Galile. A daha ka, a dza ba aà metsìkè bazlam ŋgwal ŋa ana a da dərra i təv Mbulum a, a mburma. A gwaɗawa a tar:

Markus 6:17

Hiridus a tsik kataya ka, aɗaba ana ŋgat na a gəs Yuhana, a kəɗ ŋgat i ga daŋgay a. A tike aɗəm ŋgat ka, agəra ana a palar ahəm aà mazla *Hirudiya, məkəs damər ŋgar Filip ana a zlaba ihər a ya.

Luka 23:5

Ama ta gwaɗar aaka nda magala hinne asa: «A beye à gà gwala mər a dala nda guma ŋgar tiye wele. A dza ahər ba ka, ika ahəɗ Galile, dite araha, a zazəɗ dərra aka ahəɗ Yuda ya. I dəba ŋa ya ka, a ndze dərra a faha ya asa ana, meme?»

Luka 3:20

I dəba ŋa ya ka, Hiridus a ge bakal batsah ŋa asa, aɗaba ana a gəs Yuhana, a tike ŋgat a daŋgay a.

Luka 4:14

I dəba ŋa ya, Yesuw a mbəɗ gər aka ahəɗ Galile ka, maràhà ŋa nda gà ndzəɗa Mezite Mesife Mbulum i ba ŋgar hinne. Gà mburma tə dza ba aà maɗə̀vàr zləm i gà kwite ana i fataya.

Luka 4:31

Aləka i dəba ŋa ya, Yesuw a da i fataya ka, a da riŋ a Kafarnahum ika ahəɗ Galile i fata. A daha a fata ka, a dza ba aà metsìkè guma ŋgar a gà mburma i ga mahàmà a Mbulum i fata, a pat mesìfìkà ba.

Yuhana 1:43

Ndidwe ŋana ka, Yesuw a waya à mbìɗ a gər aka ahəɗ Galile. I təv ana a riŋ a de a ya ka, tə lə̀ma nda Filip. A gwaɗar: «Zezem iye, kà tama.»

Yuhana 2:11

Yesuw a lah mege dukw mene aà mburma ata ka, i kwite Kana, ika ahəɗ Galile. Kərga taŋa ya, a pàt à ndzəɗa mezlibe ŋgar ana a za duwa tserdze ya. Aɗaba taŋa na gà ɓəzla mazazama ŋgat ta gəs ŋgat nda gəzləŋ tar a.

Yuhana 3:24

Akahər ata ka, tàa gəs Yuhana, tàa tike ŋgat a daŋgay zukw tsa.

Yuhana 4:43

Yesuw a ndza i fata mehinne sula ka, a mah ba i fataya, a de a aka ahəɗ Galile ana kwite ŋgar iɗəm a.

Yuhana 4:54

Dukw ata a ge ba ka, i dəba na Yesuw a dara ika ahəɗ Yuda ya, a mbəɗ gər aka ahəɗ Galile ya. Taŋa na a ne dukw mene aà mburma ana masula ŋa a ge i fataya.