Mata 3:5 - Bible Zulgo

⁵ Akahər ata ka, gà mburma ana i Yeruzalem a, nda gà na a riŋ ika ahəɗ Yuda ya, dite nda gà na ta mbera a dulwa Yurdan a tserdze, te dawaha a təv ŋgar.

Mata 3:5 ပူးပေါင်းရင်းမြစ်များ

Mata 2:1

Ta wa Yesuw ka, i kwite Betelehem ika ahəɗ Yuda, akahər ana *Hiridus ŋgat batsah Əbay ana i fataya. I təv ana ta wa ŋgat a ka, gà ɓəzla metsiɗike gər a gà mawusawus ana ti de a aà gəza mbulum a, tə dara ika tsèke pat ana à mbizera a ya. Tə da a Yeruzalem.

Mata 4:25

I dəba ŋa ya, gà mburma mbə̀rzə̀zza hinne tə dawaha a təv ŋgar, tə zazamawa ŋgat, i Galile i fata, tsikw ara aka ahəɗ ana gà kwite iɗəm kurwa ya, dite nda gà na i Yeruzalem a, nda gà asiŋ ŋa ana a riŋ ika ahəɗ Yuda ya, nda gà mburma ana ika lìdè dulwa Yurdan a tserdze.

Markus 1:5

Akahər ata ka, gà mburma ana i Yeruzalem a, nda gà na a riŋ ika ahəɗ Yuda ya tserdze, tə dawara a təv Yuhana ya. Ti ɗifewa à bakal tar aka miɗ mburma tserdze, dite Yuhana a tsilwiɓewa à tar a yam i dulwa Yurdan i fata.

Luka 16:16

Tə zazam məpala ahəm Musa nda bazlam gà ɓəzla məma à guma Mbulum, haa a təv ana Yuhana metsìlwìɓè à mburma a yam a dza ahər ba ya. Daga aà gər ata ya, ti tsikewa bazlam ŋgwal ŋana biy mekwere Əbay Mbulum ana a ta kwere a ya a mburma, dite i dəba ŋa ya, ku weke tekeɗe, gə̀də̀bəllà ta waya mada a *mekwere Mbulum ata nda ndzəɗa.

Luka 3:3

Dite Yuhana a dza ba aà meɗìfè dər i gà kwite ana ta mbeha a dulwa Yurdan a. A gwaɗawa: «Mbəɗum à madzala gà gər kurum, dite i tsilwiɓ à kurum a a yam. Mbulum tekeɗe, à pìl a à bakal kurum.»

Luka 3:7

Aləka i dəba ŋa ya, gà mburma hinne tə dawaha a təv Yuhana aà ma tsilwiɓ à tar a yam. A gwaɗawa a tar: «A kurum gà palas aaha, weke na a gwaɗa a kurum ka, ki ta beywim a i matsəɓatsəɓ Mbulum ana a dere a mba ya seyiŋ a?

Yuhana 3:23

Yuhana tekeɗe, a tsilwiɓewa à mburma a yam i kwite Aynun, bise nda kwite Selim mbaŋa, aɗaba yam a riŋ i fata ka, hinne. Gà mburma tə dawaha a təv ŋgar, dite a tsilwiɓewa à tar a yam.

Yuhana 5:35

Akahər ata Yuhana a ne ka, dzaydzay kamala lalampa ana à div a ya. Kàa gəsum bazlam ŋgar zaakwa, kàa ŋgayum ba i təv dzaydzay ŋgar ata ya mbaŋa.