Mata 3:10 - Bible Zulgo

¹⁰ Iye ihər i gweɗe a kurum a asa: Ku kinehe tekeɗe, zlaba a riŋ matasla ŋa hapəpəpa, na tì ses a dər dizl ɗaf a. Aɗaba taŋa dizl ana a we a ŋgwal ŋa tsiye ka, tì sèsere a i biye ya nda zlile ŋa dze, dite ta wene a nda akwa, kamala megweɗe ya ka, seriye Mbulum à gis a gà na ta ge a dukw ana ŋgwal ŋa tsiye.

Mata 3:10 ပူးပေါင်းရင်းမြစ်များ

Mata 21:19

Aləka a ŋgataha a dizl dukw duwa ndàhàk à gər ŋgar, a ndza kamala gùrùv a, aà gùva vatwa. A da aà huɗ ŋa. A ta medeha ka, mawà ŋa tsa. A ŋgataha ka, a slàmbah ŋa ɗekɗek pəra. A vəl mezelme a dizl ɗaf ata tsara. A gwaɗar: «Ki ta we a ilik asa tsidze, daga à kinehe ya haa aà biybiy.» Yesuw a tsiker kataya tsara ka, dizl ɗaf ata suraŋ a kula.

Mata 7:19

Ama dizl ɗaf ana a we a ŋgwal ŋa tsiye ka, ti sese a iɗəm a, ta wene a nda akwa.

Luka 23:31

Na ti ses a dizl ɗaf ana dzìn ŋa ya, aà mede dər duwa kataya ana, dite meme na ti ta ge a nda gà makula ŋana seyiŋ a?»

Luka 3:9

Iye ihər i gweɗe a kurum a asa: Ku kinehe tekeɗe, zlaba a riŋ matasla ŋa hapəpəpa na tì ses a dər dizl ɗaf a. Aɗaba taŋa, dizl ana a we a lele tsiye ka, tì sèsere a i biye ya nda zlile ŋa dze, dite ta wene a nda akwa, kamala megweɗe ya ka, seriye Mbulum à gis a gà na ta ge a dukw ana ŋgwala tsiye.»

Yuhana 15:2

Ahər ana a we a lele tsiye ka, a ses a ihər a. Ama ahər ana a we a ya ka, a tìrìtser a ahəm pəra, dite ka, ma zlala ahər, ma wa lele.

Yuhana 15:6

Wele ana ŋgat i təv ga tsiye ka, Mbulum a niw a ŋgat. A ne a kamala ahər dizl ɗaf ana tə sàs ihər a, tì yè a a dala, dite a kwile a ya. Na aka kula ka, ti yeher a gər, dite tì dzer a akwa, a weniŋa.

IBƏRANIKWA 12:25

Aɗaba taŋa, gwim metsehe, ka ti niwim Yesuw ana a riŋ à fèfil a kurum a kinehe ya tsa. Aɗaba gà mburma ana akahər ata tar mandza ŋa aà sik kwite Sinay a ka, ti niw bazlam wur ana a tsik a tar bazlam Mbulum ika gər ahəɗ a, a waya mibe a tar à ɗaf a. Ama ka, tàa beye tsa seyiŋ ana, sakwàn nda kwa ana kinehe ka, kwa riŋ ki tserekikwe a bazlam wur ana a dara i gər ŋa ya ya? Meme na ki ta beyekwe a ya, na kàa niwekwa bazlam ŋgar dze ya?

IBƏRANIKWA 6:8

Ama na bəla gùvàh ŋa a slil a mèhìrɓiɓe nda kwizir ana ŋgwala tsiye ana, a ge a ŋgulum a? Awaŋ, Mbulum a viler a mezelme, a wene a iɗəm a birɗek, a ndze a hinne tsa.