Mata 28:9 - Bible Zulgo

⁹ Metìze tar ata tə tə̀z a ka, pəzlàŋ Yesuw a dara i təv a ya tsara, tə lə̀ma aà vatwa. A gwaɗa a tar: «Wusa kurum, ndzum zayzay lele.» Gà məkəs aaha ti sìrìkaha a təv ŋgar. Tə daha, tə dza gurmits a biye aka miɗ ŋgar a fata. Ta gəs ŋgat i sik a.

Mata 28:9 ပူးပေါင်းရင်းမြစ်များ

Mata 14:33

Ama gà asiŋ gà ɓəzla mazazama ŋgat aaha i slə̀làh yam a, ta ŋgatar kataya ka, tə dzar gurmits a bəɗ lele. Ta gwaɗar: «Kər ka, Kəla Mbulum kaɗəŋ ndzer.»

Mata 23:7

Na tàa da a liwiŋ mburma ibam, a sàs a tar mburma ta ge a tar wusa ka, say nda mazàmbàɗà à tar ɗekɗek. Ta waya ti zel a ter a ka, gà Əbay gà ɓəzla medzeŋge a mburma.

Mata 28:10

I dəba ŋa ya, Yesuw a gwaɗa a tar: «Ki gwim magəɗa tsa, dum, ta gwaɗum a gà na ti ne gà damər gà ya ka, tə da aka miɗ a Galile, ti ta ŋgetiŋ a ka, i fata.»

Mata 28:17

Aləka, ti ndzeha a fata ka, tàa ŋgat a Yesuw kuɗa. Tə daha, tə dza gurmits a biye ika miɗ ŋgar. Ama gà mìsle ŋgiɗ ika magər tar tsavəvvà ti ndze a ka, ta gəs nda gəzləŋ tar kalkal tsa.

Mata 28:8

Tə tsaraka bazlam gawla Mbulum ata tsara ka, tə tə̀zara i dive ata ya, nda gà medzedzere, dite nda gà maŋgayaba hinne asa mbaŋa. Tə tə̀zara i fataya tsara, aà mede tsikeye bazlam ata a gà ɓəzla mazazama ŋgat.

Luka 1:28

Gawla Mbulum ata a daha, a da a təv dəm ata. A daha, a gwaɗar: «Wusa yak Mariya, ŋgaya ba, aɗaba ana Mbulum a zla kər aà dukw ana ŋgwal ŋa ya. BATSAH kwa ŋa ka, a riŋ i təv yak.»

Luka 24:52

Gà ɓəzla mazazama ŋgat ta ŋgatar, a da aà tar a ka, tə dza gurmits a bəɗ, tə zàmbaɗa aà ŋgat. I dəba ŋa ya, ta mbəɗ gər a Yeruzalem nda gà maŋgayaba hinne.

Luka 7:38

A daha, a dza dər aà dəba a Yesuw aà gùva sik ŋgar. Ŋgat ŋa a dza ba aà tuwa. Tuwa ŋgar ata a bara dəba sik Yesuw. Məkəs ata a tàpàɗ ihər a nda ambəz ŋgar a. A gəs aaba sik Yesuw, a ndzìwìɗer ahəm, dite a dza ahər à wirdè ata kuɗa.

Yuhana 12:3

I fataya ka, Mariya a zla wirdè ana a ze hwaŋŋà lele, tsakala ŋa hinne, à sìkim a ba tsiye. Wirdè ata ka, zlile dukuməŋa a riŋ tə zalar *nardin, tsìsl maràhà ŋa i kwalaba. A daha, a dzaya aka sik Yesuw. I dəba ŋa ya, a tàpàɗ ihər nda ambəz ŋgar a. Ga ata ka, hwaŋŋà a rah nda meze wirdè ata fit.

Yuhana 20:19

Aləka i hawa ŋana a pat ladà ata ka, gà ɓəzla mazazama Yesuw ti yahaba gər a ga duwa, ta hə̀ndə̀kaha aaba nda lèkilè, aɗaba ta ge magəɗa a gà bàba gà Yahuda, agəra ana ta kəɗ Batsah tar ŋa ya. I dəba ŋa ya, tə sər aaba ka, dzìŋgìrzlìk Yesuw a riŋ ika magər tar i ga ata. A gwaɗa a tar: «Mandza zayzay ma ge i təv kurum.»

Yuhana 20:28

Tumas a gwaɗar aaka: «Tsaka kər kaɗəŋ Batsah ga ŋa, kər ka, Mbulum ana i gewar meslire ya.»

2 Kurintiya 13:11

Gà damər gà, kinehe ka, bazlam gà aka ndəv a faha. Ndzum zayzay lele. Gəsum ahəm aà dukw ana i tsik a kurum a lele, dite ka simwim aba ika vatwa Mbulum. Bazlam kurum ma ge ka, ilik pəra. Ndzum ika magər kurum ka, zayzay lele. Na ki ndzwim a kataya ka, Mbulum ana ŋgat mala mawàyà kwa ya, nda məvəla a kwa matasla yam a gəzləŋ a ka, a ndze a i təv kurum mbaŋa.

Sunwa Yuhana 3:9

Dzwìmiŋ zləm lele. Araha na dukw ana i ta ge a nda gà mburma ata ti zezem a Əbay sitene ya, tar ta gwaɗawa, làŋa mər ka, gà Yahuda ya, tsaatsa tar ka, ti zezem a dukw gà Yahuda ŋa nda ndzer ɓav tsa, tar ka, gà ɓəzla pàrsa masakəŋa taf: Ama i slirehe a tar a təv kurum. Ti dehe a, tì zlibe a à kurum nda mandza gurmits a bəɗ aka miɗ kurum, dite na ti sir a dər ka, iye riŋ i waya kurum a.