Mata 27:54 - Bible Zulgo

⁵⁴ Ama gà Əbay gà sliwdze gà Ruma, nda gà mburma ŋgar, tar riŋ ihər ta kesle a Yesuw i fata hiywe. I təv ana ta ŋgat a ahəɗ ata a ɓazla nda gà dukw ana pampam a ge i təv tar i fataya ka, ta ge magəɗa hinne kuɗa. Ta gwa: «Yweh, wele aaha ka, Kəla Mbulum kaɗəŋ ndzer.»

Mata 27:54 ပူးပေါင်းရင်းမြစ်များ

Mata 26:63

Ama Yesuw aka fàfəlar aaka tsidze, a ndza ba ɗikɗik. I dəba ŋa ya, batsah mala mandəva kuɗa a Mbulum ata gwaɗar asa: «Iye ihər i wiz aà kər a duwa nda zləm Mbulum ana a riŋ nda gà mesife aà biybiy a, tsikiŋ wur bazlam ilik kwaŋ: Wànà kər ana, *Kiristi Kəla Mbulum kaɗəŋ a?»

Mata 27:36

Dite i dəba ŋa ya, tə ndza riŋ i fata aà makàslà ŋa.

Mata 27:40

Ta gwaɗawar: «Naha ana, kər ana kù gwa ka, i mbezle a à ga Mbulum batsah ŋana, dite i huɗ mehinne makər a i zlèzle a dər biy ŋgiɗ pam a ibam a? Mbəl à ba yak kuɗa tsiye, dite ka ndàbara aà dizl magə̀làwà ŋa aaha, na kù gwa ka, iye Kəla Mbulum a?»

Mata 27:43

Aɗaba a ge magəɗa a Mbulum, a gwaɗawa: ka, say ma dara, mə̀ mbəl à ŋgat kinehe na kige a waya ŋgat a.»

Mata 27:51

I təv ana a mət tsara ya ka, petek duwa a riŋ i ga Mbulum batsah ŋa ata zùbəl ŋa ya, madànà ŋa aà mbulum, a tayara ba ikaba i gər ŋa ya kwàŋŋa kalkal tsikw a bəɗ. Dite asa ka, ahəɗ ata a ɓazla hinne, gà bàba gà gùrum ibam, tə tazla ba ikaba ya.

Mata 4:3

Əbay sitene a samata kataya ka, a sìrìkaha a təv ŋgar. A daha, a gwaɗar: «Na kù gwa, iye Kəla Mbulum ka, gwaɗa a kur aaha ma ne ɗaf, dite ka zəm.»

Mata 8:5

I dəba ŋa, Yesuw a da a kwite Kafarnahum. Zàmma tsəka, batsah gà sliwdze gà Ruma duwa a daha a təv ŋgar, a hamar hinne.

Markus 15:39

Əbay gà sliwdze gà Ruma duwa a riŋ i fata, mehìtsè ŋa i təv Yesuw. A ŋgat a Yesuw ana a wideye, dite meme na a mət tsara ya ka, a gwa: «Yweh, wele aaha ka, Kəla Mbulum kaɗəŋ ndzer.»

Luka 22:70

Tar ata tserdze ya, tə tsaraka kataya ka, ta gwaɗar: «Kər kinehe ka, Kəla Mbulum kaɗəŋ a?» A gwaɗa a tar aaka: «Kamala ana kà tsikwim a, iye ka, Kəla ŋgar kaɗəŋ.»

Yuhana 19:7

Gà Yahuda ata ta gwaɗar aaka: «Mər ka, kamala biy ana a sàs a məpala ahəm mər a ka, say makə̀ɗà ŋgat ilik pəra. Aɗaba a gwa ka, iye Kəla Mbulum.»

Gà Ɓəzla Meslire 10:1

Wele duwa, zləm ŋgar Kwarney, i kwite Kaysariya. Ŋgat ka, Əbay gà sliwdze gà Ruma duwa. Tə zal a mayahaba gər gà sliwdze ana ŋgat iɗəm a ka, «gà sliwdze Italiya. »

Gà Ɓəzla Meslire 2:37

Gà mburma ata tə tsaraka bazlam ata tsara ka, arəv a da aà tar a, ta ge magəɗa hinne. Ta gwaɗa a gà Piyer nda gà asiŋ gà ɓəzla meslire Mbulum ŋgiɗ: «Gà damər mər, dite mìi ge a dze ana, meme?»

Gà Ɓəzla Meslire 21:32

a ndzək gà bàba gà sliwdze nda gà asiŋ gà sliwdze ŋgiɗ, dite ka, ta val a təv gà mburma ata tar riŋ ta ge a bazlam a. Ta ŋgat a gà Əbay nda gà sliwdze ata ti sìrìkaha a təv Pul a ka, ta miyak à ŋgat. Tàa lakar asa tsa.

Gà Ɓəzla Meslire 23:17

Pul a tsaraka kataya tsara ka, a zal a batsah sliwdze ilik. A gwaɗar: «Laka kəla aaha a təv Əbay kurum kwaŋ, aɗaba a sasar a ta fefilekiŋa.»

Gà Ɓəzla Meslire 23:23

I dəba ŋa ya, Əbay gà sliwdze ata a zal a gà bàba gà sliwdze sula tsara. A gwaɗa a tar: «Yahum gər a gà sliwdze dərməka sula, gà mburma ana nda gà piris a, dzik təsəla, dite gà mburma ana nda gà suwal a, dərməka sula mbaŋa, dite kà màhum ba kurum ata tserdze ya, nda ndzemde tswiɗ ŋa ndaàvəɗ aaha kinehe ya. Ka dum à Pul a kwite Kaysariya, a bəra Əbay Filikus.

Gà Ɓəzla Meslire 27:1

I dəba ŋa ya, Əbay a tike a mər pat məpàslà ahər mada aka ahəɗ Italiya nda slə̀làh yam. Aləka i təv ana pat ŋa a ndze aɗəm a ka, ta vəl Pul a ahər a batsah sliwdze duwa. Tə dzar ahər gà asiŋ gà ɓəzla daŋgay ŋgiɗ, dite ma da à tar a Ruma. Zləm sliwdze ata ka, Yuliyus. Ŋgat ka, batsah ŋa i liwiŋ gà asiŋ gà sliwdze ana ta mbewaha a batsah Əbay gà Ruma ya.

Gà Ɓəzla Meslire 27:43

Ama batsah tar ŋa a pala tar ahəm, aɗaba a sasar na ta kiɗ a Pul a tsa. A gwaɗa a tar: «Ku weke ma yaha vatwa aà matsəla iɗəm a.» Dite a daha, a gwaɗa a gà mburma ana tə sər mezlìzlìŋe ya: «Ndabayum a yam, ka tsalum aka gìgìze.»

RUMA 1:4

Ama i təv ana Mbulum a mbəlara à ŋgat i məməta ya, a ɗif dər ka, Kəla ŋgar ana a vəlar ndzəɗa aka gər gà duwa tserdze ya.

Sunwa Yuhana 11:13

I fataya tsara ka, ahəɗ a ɓazla wàkit wàkit hinne. Tsèke batsah kwite ŋgiɗ ilik ika magər gà kurwa ŋa ata ya, bìrìm a mbazla fit. Kwite ata a mbazla ya ka, a bats mburma dəbuw təsəla. dite gà asiŋ gà mburma ana ti zeha ya ka, ta ge magəɗa hinne, tə zàmbaɗa à Mbulum ana i gər ŋa, mala makwàrà gà duwa tserdze ya.