Mata 27:51 - Bible Zulgo

⁵¹ I təv ana a mət tsara ya ka, petek duwa a riŋ i ga Mbulum batsah ŋa ata zùbəl ŋa ya, madànà ŋa aà mbulum, a tayara ba ikaba i gər ŋa ya kwàŋŋa kalkal tsikw a bəɗ. Dite asa ka, ahəɗ ata a ɓazla hinne, gà bàba gà gùrum ibam, tə tazla ba ikaba ya.

Mata 27:51 ပူးပေါင်းရင်းမြစ်များ

Mata 27:54

Ama gà Əbay gà sliwdze gà Ruma, nda gà mburma ŋgar, tar riŋ ihər ta kesle a Yesuw i fata hiywe. I təv ana ta ŋgat a ahəɗ ata a ɓazla nda gà dukw ana pampam a ge i təv tar i fataya ka, ta ge magəɗa hinne kuɗa. Ta gwa: «Yweh, wele aaha ka, Kəla Mbulum kaɗəŋ ndzer.»

Mata 28:2

Ti ta medeha tsara ka, wìwik wìwik ahəɗ a riŋ ihər a ɓezle a hinne, agəra gawla Mbulum ana a tarra i mbulum i gər ŋa ya. Gawla Mbulum ata a daha, a tàpàsl batsah beliŋ ata aà dive ŋa ya. A daha, tuŋ a ndza aaka.

Markus 15:38

I təv ana a mət tsara ya ka, petek duwa a riŋ i ga Mbulum batsah ŋa ata zùbəl ŋa ya, madànà ŋa aà mbulum, a tayara ba ikaba i gər ŋa ya kwàŋŋa, kalkal tsikw a bəɗ.

Luka 23:47

Əbay gà sliwdze gà Ruma ana ti tike aà makàslà Yesuw a, a ŋgat a dukw ana a ge ba ya ka, a zàmbaɗa a Mbulum. A gwa: «Wele aaha ka, ŋgwal mburma ndzer kaɗəŋ.»

IBƏRANIKWA 6:19

Dukw ata ki vevekwe a nda gəzləŋ ilik a ka, à gis a kwa lele, na dite gəzləŋ kwa à gìrìv a ika miɗ ŋgar asa tsiye. Aɗaba taŋa na ki tèkwe a a təv ŋgwal ŋa ata tsəɗaŋŋa, Mbulum iɗəm a. Suɓtùh ki pìtsekwe a nda liwiŋ petek ata a kaha biye hərmaga ata ŋgwal ŋa ya, aà mendze nda gà ŋgat i fata.

IBƏRANIKWA 9:3

Ika biye hərmaga mada a dzə̀ɓər masula ŋana ka, petek a riŋ madànà ŋa aà mbulum, tsikw a ndzera a bəɗ a mbaŋa. Dzə̀ɓər ga ata ka, təv ana tə zalar tsəɗaŋŋa biy Mbulum a, a za dər biy ŋgiɗ aaha.

Sunwa Yuhana 11:13

I fataya tsara ka, ahəɗ a ɓazla wàkit wàkit hinne. Tsèke batsah kwite ŋgiɗ ilik ika magər gà kurwa ŋa ata ya, bìrìm a mbazla fit. Kwite ata a mbazla ya ka, a bats mburma dəbuw təsəla. dite gà asiŋ gà mburma ana ti zeha ya ka, ta ge magəɗa hinne, tə zàmbaɗa à Mbulum ana i gər ŋa, mala makwàrà gà duwa tserdze ya.

Sunwa Yuhana 11:19

I dəba ŋa ya, gà bàba ŋa ata ta fàfəl aba ya ka, ga Mbulum batsah ŋana i gər ŋa i mbulum a, a hə̀ndə̀k ba iɗəm a tùwaŋ. Sahər duwa a riŋ iɗəm i fata.*fb* Sahər ata ka, wakita ana a ɗif à masəra ba gà Mbulum ana nda gà mburma ya, iɗəm i fata. Sahər ata ka, ku mege weke a ŋgataraha ɗazlzlà lele kuɗa. I fataya ka, mbulum a dza ba aà mewìtiɗe wùtəɗ wùtəɗ nda malaka mbulum ana a lekeye a gùɗùm gùɗùm a. Dite gər ahəɗ a ɓazla wàkit wàkit hinne asa. Gà aləndza ibam, gwidiɓiɓiɓe tə dzara i mbulum a.