Mata 27:32 - Bible Zulgo

³² Aləka i təv ana ti de a ya ka, tàa lə̀ma aà vatwa nda gà wele duwa, zləm ŋgar Simun. Wele ata ka, gà Kirene. Gà sliwdze ata ti de a à Yesuw a, ta hitse à ŋgat, ta fàr aaka ndzəɗa aà mazla dizl ata ti ti ndwendwey ahər a Yesuw a.

Mata 27:32 ပူးပေါင်းရင်းမြစ်များ

Mata 16:24

Aləka i dəba ŋa ya asa, Yesuw a gwaɗa a gà ɓəzla mazazama ŋgat: «Na aka sàs a wura aà medìɗè aka iye ka, ma dzala ba ŋgar asa tsa, ma zla dizl magə̀làwà ŋana kəla pat, kamala ana iye i ti zle a mba ya, dite ma dara, ma zazam iye kuɗa.

Mata 5:41

Na wura aka fàr aka kər ndzəɗa, aka gwaɗak, ŋgizliŋeha à dukw gà naha mibe ŋa zaakwa te ka, ka ti niw ahər tsa, ŋgəzlar dərraha, ma za i gər a biy ŋgar ata ya.

Markus 15:21

Aləka i təv ana ti de a ya ka, tàa lə̀ma aà vatwa nda gà wele duwa a dere a i dala ya, zləm ŋgar Simun, tsir gà Aleksandire nda Rufus. Wele ata ka, gà Kirene. Gà sliwdze ata ti de a à Yesuw a, ta hitse à ŋgat, ta fàr aaka ndzəɗa aà mazla dizl ata ti ti ndwendwey ahər a Yesuw a.

Luka 23:26

Aləka i təv ana tar riŋ ti de a à Yesuw a təv ana ti ndwendwey a ŋgat a ka, tàa lə̀ma aà vatwa nda gà wele duwa, gà Kirene, tə zalar Simun. Ŋgat a riŋ à mère a i dala ya. Gà sliwdze ata ta hitse à ŋgat, ta fàr aaka ndzəɗa aà mazla dizl ata ti ndwendwey ahər a Yesuw a, dite ma zazam dərraha Yesuw i dəba ya.

Yuhana 19:17

Ti tiker dizl ata aà gər, dite ma zla. Tə da akabara i huɗ kwite ya, tsikw a tə̀vəməŋa a riŋ tə zalar ndaka ahəm gà Yahuda ka, Gwalgwata, kamala megweɗe ya ka, atasl gər.

Gà Ɓəzla Meslire 11:20

Ama a ta megeha i dəba ŋa ya, gà asiŋ gà ɓəzla magəsa Mbulum ŋgiɗ ana i gà kwite Kipurus nda Kirene ya ka, tə da a kwite Antakiya, dite ti tsikewa ŋgwal bazlam ana a ɗif à Yesuw BATSAH kwa ŋa ya, a gà mburma ana tar gà Yahuda tsiye mbaŋa.

Gà Ɓəzla Meslire 13:1

Akahər ata ka, gà ɓəzla məma à guma Mbulum riŋ nda gà ɓəzla mesìnìkè à bazlam Mbulum a mburma i liwiŋ gà mburma ana ta gəs Mbulum i kwite Antakiya ya. Tə zal a gà mburma ata ka, Barnabas nda Simeyun ana tə zalar lìviŋ lìviŋ mburma ya, dite nda Lukiyus gà Kirene, nda gà Manayan ana ta gəl akaba tar nda Əbay *Hiridus məma ya, dite nda ga Sawul asa ya.

Gà Ɓəzla Meslire 2:10

ika gà ahəɗ Firigiya nda Pamfiliya, ika gà ahəɗ Ezipt nda biy Libiya ana bise nda Kirene. Gà mburma ana tə dara i Ruma ya, tar ɗa i faha mbaŋa.

Gà Ɓəzla Meslire 6:9

Ama ka, gà asiŋ ŋa ta gəs bazlam ŋgar tsa. Tar ka, gà na i ga Mbulum ana tə zalar «ga Mbulum gà ɓele ana tàa pəl à tar a. » Ta gaw ba nda gà Yahuda ana tə dara i Kirene ya əŋgal, dite gà na tə dara i Aleksandiriya ya əŋgal asa, dite nda gà asiŋ gà Yahuda ana tə dara i Kilikiya ya, nda gà na ika ahəɗ Asiya ya mbaŋa. Tə dza ba aà mimbètsèba ahəm nda gà Etiyen.

Gà Ɓəzla Meslire 7:58

Ta sapara ŋgat i huɗ kwite ata ya, tə da à ŋgat ndàra a dala ŋana. Tə daha, tə ndzək ikaba gà petek tar a, tə dza ba aà makàlàwà ŋgat nda kur. Ta waya makə̀ɗà ŋgat a biye. Gà taŋa ta kalawa ŋgat a, ta miyak aba à gà petek tar a fata a təv wele duwa a riŋ gawla ŋa, zləm ŋgar Sawul, dite aà makàslà a tar.