Mata 27:2 - Bible Zulgo

² Tə daha, tə dzaw ŋgat tez tsara. Tə da à ŋgat a bəra Puntiyus Pilatus, mala sik Əbay ana a kwere a ahəɗ gà Ruma ya.

Mata 27:2 ပူးပေါင်းရင်းမြစ်များ

Mata 20:19

Ama ta vile a iye a ahər a gà slele ana i fata tə sər Mbulum tsiye. Gà mburma ata ti sewle aà ìyeŋa, ta gìzl a iye nda megwiymbiɗ hinne mbaŋa asa. Dite ti ndwendwey a iye aà dizl magə̀làwà ŋa kuɗa. Ama i huɗ mehinne makər a ka, i mbilere a i məməta ya.»

Mata 28:14

Na Əbay mala sik gà Ruma aaha aka tsaraka kataya ka, a tsik a kurum a duwa tsa. Mər mìi sir a bazlam ana mìi tsiker a ya. Mìi beye a à kurum a i mesewere are ana a vile a kurum a ya.»

Luka 13:1

Akahər ata ka, gà mburma duwa tə daha a təv Yesuw, tə daha ka, ta gwaɗar: «Pilatus aka bats gà Galile duwa i təv ana ta riŋ i təv batsah ga Mbulum, ta vile a dukw masakəŋana a Mbulum a. Məmbəz gà dukw ata ta bats a, a gaw ba akaba nda biy tar a təv ilik ŋa.»

Luka 20:20

I dəba ŋa ya, tə dza ba aà mayaha manəsa bazlam i təv Yesuw a. Tə slər gà ɓəzla məbànàra bazlam aà mburma i gər a, a təv ŋgar. Gà mburma ata ka, ta ge aba kamala ana tar ka, gà ɓəzla ndzer ŋa ya. Dite ka, ta gə̀saraha ahəm aà are, nda mewize ahər duwa. A sàs a tar məvəla ŋgat ahər mala sik Əbay ana a kwere a ahəɗ gà Ruma ya.

Luka 23:1

Aləka i dəba ŋa ya, tar ata gà bàba ŋa tserdze ya, ta hitse aà mbulum, tə da à Yesuw a təv Pilatus, mala sik Əbay ana a kwere a ahəɗ gà Ruma ya.

Luka 23:12

I fataya tsara ka, gà Hiridus nda Pilatus ti ne nda masla, aɗaba piŋŋe ka, tə sər ba tsa, ti ne ba are hinne.

Luka 3:1

Akahər ata Yuhana a pàt à ba ŋgar ka, Tiberiyus ŋgat batsah Əbay ana a kwere a ahəɗ gà Ruma ya. Aka ve iɗəm kurwa gəra ə̀zləm. Ŋgat na a tike aɗəm Puntiyus Pilatus ana a kwere a ahəɗ gà Yuda ya. *Hiridus i ŋgar ka, ŋgat a riŋ a kwere a ahəɗ Galile. Damər ŋgar Filip ibam, a riŋ a kwere a gà ahəɗ gà Ituriya nda Tərakunitis. Lisaniyas i ŋgar, Əbay gà mburma ana ika ahəɗ Abilen a.

Yuhana 18:12

I dəba ŋa ya, Əbay gà sliwdze, nda gà mburma ŋgar, dite nda gà ɓəzla makàslà ga Mbulum batsah ŋa ata, tə daha, ta gəs Yesuw, tə dzaw tez.

Yuhana 18:24

I fataya ka, Hanas a slər ŋgat a təv Kayafas, batsah mala mandəva kuɗa a Mbulum ata, tsàmbaɗùkkwa madzàwà ŋa hiywe.

Yuhana 18:28

Aləka aka mbulum ana a də̀v i mèkwède ya ka, ta mah ba i bəra Kayafas a, tə da à Yesuw a ga a bəra Pilatus, mala sik Əbay gà Ruma duwa. Aləka ti ndzeha a fata ka, gà Yahuda tàa pəts a ga a bəra wele ata tsa, aɗaba na tàa da aɗəm ka, tàa wisl aba tar i təv mazəma ɗaf Paska ana ti zim a dər akaba ya.

Gà Ɓəzla Meslire 12:6

Aləka həvəɗ a ge, dite ndidwe ŋa ana *Hiridus a zle a Piyer, a ger a seriye aka miɗ mburma ya ka, gà sliwdze sula tə daha, ti tike ŋgat aka magər tar lele. Tə dzaw ŋgat nda tsitsirɓe sula. Ama ŋgat ka, a riŋ ika mendze are i liwiŋ gà mburma ata, dite gà ɓəzla makàslà ŋgat ŋgiɗ a riŋ ika biye hərmaga daŋgay ata asa.

Gà Ɓəzla Meslire 21:33

Əbay sliwdze ata a gəs Pul, a gwaɗa a gà mburma ŋgar: «Dzawum ŋgat nda tsitsirɓe sula.» Dite i dəba ŋa ya, a wiz dukw ana Pul a ge ya, aà gà mburma ata. A gwaɗa a tar: «Naha ana, weke? A ge dze ana, meme?»

Gà Ɓəzla Meslire 22:25

Gà mburma ata tə da dər a ga ata, tə daha, tə dzaw ŋgat. Aha ŋana ti leker a ya ka, a gwaɗa a batsah sliwdze ana i fataya: «Wànà ki slwim a aà magə̀zlà wele ana gà Ruma ya mbaŋa ya, dite ka, na seriye aka gəs ŋgat tsiye dər akaba ya?»

Gà Ɓəzla Meslire 22:29

Gà mburma ana ndeɗiŋa ta gìzl a ŋgat, ta gwa, mə̀ fàfəl ndzer ŋa zləmana ya, ti lèlekw i təv ŋgar a, ta miyak à ŋgat tsara. Əbay gà sliwdze ata tekeɗe, a ge magəɗa hinne, aɗaba ana a tsaraka Pul ka, gà Ruma ya, dite ka, aka mbər medzewe ŋgat nda tsitsirɓe ndeɗiŋa asa ya.

Gà Ɓəzla Meslire 24:27

Kərga taŋa ya, tàa ndza mive sula hiywe kataya. Aləka i dəba ŋa ya, tə zla iɗəm Filikus i fataya, ti tike aɗəm Purukiyus Festus, a mbəɗ ba aà makwàrà mburma i fata. I təv ana Filikus a dara iɗəm a ka, a miyak à Pul i daŋgay i fata. A sasar məpəla dər tsəka, dite gà Yahuda ta waya ŋgat hinne.

Gà Ɓəzla Meslire 28:20

Taŋa na i wiz kurum aà metsìkè a kurum a zləm kurum te ya. Iye ihər i zle a tsitsirɓe aaha ka, aɗaba iye ihər i ge a meslire wele ana gà mburma Isərayel tə dzalawa a təv ŋgar a.»

Gà Ɓəzla Meslire 3:13

Mbulum gà batsah gà tsir kwa Abəraham nda gà Izak, nda gà Zakup na a vəl ndzəɗa a mala meslire ŋgar Yesuw, na dite tì zlibe a à ŋgat a. Ama kurum kàa gəsum ŋgat a gà bàba ŋa ana ta kwere a mburma ya. Kàa gwim ahər seriye ika miɗ Pilatus, ku mege i təv ana a sasar à məpəla dər a.

Gà Ɓəzla Meslire 4:27

I huɗ meheme tar ata ya hiywe, ta gwa asa: «Kaɗəŋ, ar ka, kamala Mezite Mesife yak ana ka tsik ahər akahər ata ya. Aɗaba gà *Hiridus nda Puntiyus Pilatus ta gaw ba i kwite aaha nda gà slele, dite nda gà Yahuda, aà magàwà aà Kəla yak Yesuw ana kà slərra kamala mala məmbàlà à mər a.

Gà Ɓəzla Meslire 9:2

a daha, a wiz ihər wakita ana a de a dər a təv gà Yahuda gà bàba ŋa ana i Damas a, dite ka, a gese a dər gà ɓəzla magəsa bazlam awiya ŋa ata ta gwa biy Yesuw a. I huɗ bazlam ata ta wetser a ka, kamala megweɗe ya: Na kàa daha ka, kàa le aà gà na ta gəs Yesuw a ka, ku gà asləka nda gà məkəs tserdze, gasara tar a Yeruzalem a.

1 TIMUTE 6:13

Iye ihər i gweɗek a nda zləm Mbulum, mala məvəla mesife a gà dukw ana tserdze ya, dite nda zləm Yesuw Kiristi, wele ana a tsik dukw ana ndzer a, ika miɗ Əbay Puntiyus Pilatus akahər ata ya:

2 TIMUTE 2:9

Aɗaba ŋgwal bazlam ata na iye ihər i sèwèr a are, tə dàn iye i daŋgay nda tsitsirɓe gədzə̀zlzla, kamala ana iye mala bakal a ya. Ama bazlam Mbulum kə̀la ka, tsitsik tsitsik ti sle aà meŋgete a, dite ta gis a a daŋgay tsidze.

IBƏRANIKWA 13:3

Dzalum gà gər aka gà mburma ana i daŋgay a, kamala ana kurum ka, gà ɓəzla daŋgay i təv ilik ŋa nda gà tar a mbaŋa. Dzalum gà gər aka gà mburma ana ta ge a ter a matawak a, kamala ana kurum tekeɗe ka, ta ge a kurum a matawak i təv ilik ŋa nda gà tar a mbaŋa asa.