Mata 27:12 - Bible Zulgo

¹² Tsaatsa i huɗ bazlam tar ata ya ka, gà Əbay gà ɓəzla mandəva kuɗa a Mbulum nda gà bàba gà mburma ana ta kwere a gà Yahuda ya, tàa ŋgawa gər a Yesuw nda pàrsa hinne. Ama Yesuw ka, aka fàfəl a tar aaka tsidze.

Mata 27:12 ပူးပေါင်းရင်းမြစ်များ

Mata 26:63

Ama Yesuw aka fàfəlar aaka tsidze, a ndza ba ɗikɗik. I dəba ŋa ya, batsah mala mandəva kuɗa a Mbulum ata gwaɗar asa: «Iye ihər i wiz aà kər a duwa nda zləm Mbulum ana a riŋ nda gà mesife aà biybiy a, tsikiŋ wur bazlam ilik kwaŋ: Wànà kər ana, *Kiristi Kəla Mbulum kaɗəŋ a?»

Mata 27:13

I dəba ŋa ya, Pilatus a tsam ahər asa, a gwaɗar: «Aàla na kà fàfəl a tar aaka tsiye? Fə̀r aà maŋgawa gər ana ta ŋgewek a ya kwaŋ.»

Mata 27:14

Ama Yesuw ka, mbə̀rə̀ts mbə̀rə̀ts mendzeba, a gəs mifèfiler aaka ɓav tsa asa. Taŋa mendze ŋgar ata ka, a ge aà Pilatus kamala dukw mene aà mburma ya.

Luka 23:9

Aka wiz ahər gà bazlam pampam hinne. Ama Yesuw aka fàfəlar aaka tsidze.

Gà Ɓəzla Meslire 8:32

Ama dukw ana a dzeŋge ya ka, naha: «A ne kamala təmaŋ ana ta gis a a təv mezle ɗa gà duwa ya. A ne kamala təmaŋ ana tì ses a ihər gasgas a ka, a tiwe a tsiye. Indwe, aka hə̀ndə̀k ika bazlam ŋgar a tsidze.

1 PIYER 2:23

Ku mege ti tsik aà ŋgat dukw ana ŋgwal ŋa tsiye tekeɗe ka, aka mà a tar aɗəm à bakal ŋa tsa. Ti sèwèrer are hinne tekeɗe, aka dza aà tar magəɗa nda bazlam ɓav tsa asa. Ama a vəl ba ŋgar a ahər ka, a Mbulum ana ŋgat mala masàsà ikaba seriye bakal nda ndzer ŋa ya.