Mata 27:1 - Bible Zulgo

¹ Aləka aka mbulum ana a də̀v i mèkwède ya ka, gà bàba gà ɓəzla mandəva kuɗa a Mbulum nda gà bàba gà mburma ana ta kwere a gà Yahuda ya tserdze, tə dza akaba ahəm, ta ge metsehe aà makə̀ɗà Yesuw.

Mata 27:1 ပူးပေါင်းရင်းမြစ်များ

Mata 23:13

«A kurum gà ɓəzla medzeŋge məpala ahəm Mbulum aaha nda gà *Farisa ya, kurum ka, gà ɓəzla mimbèhè are. Ama ka, tuwum ba kurum, aɗaba ana kà handakum a vatwa a gà mburma ana ta waya ti de a a *mekwere Mbulum a. Aɗaba kurum kà gəsum mada a fata tsa, dite wur ana a waya mada a fataya ka, gədzə̀zlzla kurum i vatwa, ki vilwimer a vatwa aà mada aɗəm tsa.

Markus 15:1

Aləka aka mbulum ana a də̀v i mèkwède ya ka, gà bàba gà ɓəzla mandəva kuɗa a Mbulum, nda gà bàba gà mburma ana ta kwere a gà Yahuda ya, nda gà ɓəzla medzeŋge məpala ahəm Mbulum tserdze, ti yaha ba gər aka seriye ŋa. Tə dza akaba dukw ana ta ge a à Yesuw a. I fataya ka, tə daha, tə dzaw ŋgat tez tsara. Tə da à ŋgat a bəra Pilatus, mala sik Əbay ana a kwere a ahəɗ gà Ruma ya.

Luka 13:1

Akahər ata ka, gà mburma duwa tə daha a təv Yesuw, tə daha ka, ta gwaɗar: «Pilatus aka bats gà Galile duwa i təv ana ta riŋ i təv batsah ga Mbulum, ta vile a dukw masakəŋana a Mbulum a. Məmbəz gà dukw ata ta bats a, a gaw ba akaba nda biy tar a təv ilik ŋa.»

Luka 22:66

Aləka mbulum a də̀v ka, gà bàba gà mburma ana ta kwere a gà Yahuda ya, nda gà Əbay gà ɓəzla mandəva kuɗa a Mbulum, nda gà ɓəzla medzeŋge məpala ahəm Mbulum tserdze ti yaha ba gər. Tə daha à Yesuw aka miɗ tar aà megèr seriye.

Yuhana 18:28

Aləka aka mbulum ana a də̀v i mèkwède ya ka, ta mah ba i bəra Kayafas a, tə da à Yesuw a ga a bəra Pilatus, mala sik Əbay gà Ruma duwa. Aləka ti ndzeha a fata ka, gà Yahuda tàa pəts a ga a bəra wele ata tsa, aɗaba na tàa da aɗəm ka, tàa wisl aba tar i təv mazəma ɗaf Paska ana ti zim a dər akaba ya.

Gà Ɓəzla Meslire 5:21

Gà ɓəzla meslire Mbulum ata ta gəs mifefile gawla Mbulum ata tsara. I mèkwède hedwe ka, tə da a ga Mbulum batsah ŋa ata. Tə daha, tə dza ba aà metsìkè bazlam ata a gà mburma. Zàkwayiya ka, gà mala mandəva kuɗa a Mbulum ata nda gà mburma ana ta gəs bazlam ŋgar a, tə zal a gà asiŋ gà bàba gà Yahuda ana ta kwere a mburma ya. Ti yahaba gər. Ta fàfəl ika magər tar. Aləka i dəba ŋa ya, tə slər gà mburma aka gà ɓəzla meslire Mbulum ata i ga daŋgay a.