Mata 26:53 - Bible Zulgo

⁵³ Wànà kər dze ana, kà sər ti tsiye, na i hama a Mbulum Tsir gà, i gwaɗar ka, mà zlèk iye, dite ka, ma sliriŋara gà gawla ŋgar a, màdzànàpa ŋa à zè a kurwa gər sula tsara ana, a sle a tsiye?

Mata 26:53 ပူးပေါင်းရင်းမြစ်များ

Mata 25:31

I dəba ŋa ya, Yesuw a gwaɗa a tar asa: «Aka təv ana iye, *wur ana a dara i təv Mbulum a, i mère a ya ka, i mère a nda ndzəɗa Mbulum ana a viliŋ a hinne, mər nda gà gawla Mbulum a tserdze. Dite ka, i ndze a aka təv mendze Əbay gà kuɗa.

Mata 4:11

Əbay sitene ata a tsaraka kataya tsara ka, ŋgwìɗik a məsak à ŋgat, a da i təv ŋgar a. Tsam ka, gà gawla Mbulum tə dara a təv ŋgar a, ta ger gər lele kuɗa.

Markus 5:15

Ti ndzeha a təv ŋgar ka, ta ŋgat a wele ana ndeɗiŋa gà sitene i ba ŋgar a. A riŋ mandza ŋa, petek ikəka nda gà ba ŋgar tiywìm tiywìm lele. Madzala gà gər ŋgar ibam, lele kuɗa. Gà mburma ata ta ŋgatar ka, ta ge magəɗa hinne.

Markus 5:9

Dite Yesuw a gwaɗa a wele ata: «Zləm yak weke?» Wele ata a gwaɗar aaka: «Zləm gà ka, Twìɗèkìkke, aɗaba mər ka, hinne.»

Luka 8:30

I dəba ŋa ya, Yesuw a gwaɗar: «Zləm yak weke?» Wele ata a gwaɗar aaka: «Zləm gà ka, Twìɗèkìkke.» A tsiker kataya ka, aɗaba gà sitene ana i ba ŋgar a ka, hinne.

Yuhana 10:18

Wura a sle a aà mezle aà iye mesife gà ata ya nda ndzəɗa tsa. Ama iye ŋa i dzeye a à mesife gà. Dite ndzəɗa gà a riŋ aà maŋgata aɗəm asa. Kamala taŋa ya, i ge a ka, dukw ana Tsir gà a gweɗiŋ, ge ya.»

Yuhana 18:36

Yesuw a gwaɗar aaka: «Iye ka, Əbay ana ɗa ika gər ahəɗ a tsa. Na mege kataya ka, gà ɓəzla meslire gà ta ge a gùvəl hinne, aɗaba iye, wura à gis a iye a gà bàba gà Yahuda tsa. Ama iye ka, Əbay ana ɗa ika gər ahəɗ a tətsà.»

2 TESALUNIKE 1:7

Dite kurum ana kinehe kurum ihər ki sèwèrwim a are ya ka, a ta vile a kwe akaba a mandza zayzay lele. Dukw ata a ta ge a ba ka, aka təv ana Yesuw Kiristi BATSAH kwa ŋa a dere a i gər ŋa i mbulum a ya. Tar nda gawla ŋgar ana gà ndzəɗa tar a riŋ hinne ya, na ti lekere a ŋgat a ya.

Yuda 1:14

Akahər ata piŋŋe ka, Anuhu ana ta wa ŋgat i gwala Adama matəsəla ŋa ya ka, aka tsik bazlam aà medzibe gà mburma ata mbaŋa. A gwa: «Araha, BATSAH kwa ŋa a dere a nda gà gawla ŋgar a hinne, a ɗeme a ba tsa.