Mata 26:41 - Bible Zulgo

⁴¹ I dəba ŋa ya, a gwaɗa a tar asa: «Ndzum nda metsehe, kà hamum a Mbulum, dite ka tə də̀ɗum aka məbàzà za Əbay sitene tsa. Ama kurum ka, kàa wayum lele, ba kurum na a sle a aà magəsa ŋa tsiye pəra.»

Mata 26:41 ပူးပေါင်းရင်းမြစ်များ

Mata 24:42

Aɗaba taŋa, ndzum ka, nda metsehe, tsəka, ki sirwim a pat ana Batsah kurum ŋa a dere a ya tsa.

Mata 25:13

Aɗaba taŋa, Yesuw a gwaɗa a tar kuɗa: «Ama kurum ka, ndzum nda metsehe lele, tsəka, ki sirwim a pat ŋa tsa, kige tsa ler ŋa ka, ki sirwim a tsidze.»

Mata 26:38

A gwaɗa a gà ɓəzla mazazama ŋgat aaha makər a: «Gəzləŋ ga ka, aka rah nda məməta ana a ŋgeɗits a iye ya. Ndzum a faha. Ama ki ndzekwe a kəla ka, nda metsehe lele.»

Mata 6:13

Kasla mər lele ika vatwa yak a, aɗaba Əbay sitene ma dzik a mər, ma ta bana mər a bakal tsa.> {Aɗaba kər ka, Əbay, mala ndzəɗa ana a kwere a gà duwa, mburma tì zlibe à kər a tserdze aà biybiy a. *Amin.»}

Markus 14:38

I dəba ŋa ya, a gwaɗa a tar asa: «Ndzum nda metsehe, ka hamum a Mbulum, dite ka tə də̀ɗum aka məbàzà Əbay sitene tsa. Ama kurum ka, kàa wayum lele, ba kurum na a sle aà magəsa ŋa tsiye pəra.»

Luka 11:4

Pəl a mər à bakal mər, aɗaba mər tekeɗe ka, mìi pìl a dər a gà mburma ana tserdze, ta ge a mər a dukw ana ŋgwal ŋa tsiye. Kasla mər lele i təv gà na ta bene a mər zləmana ya, dite ka, mì dəɗ a bakal tsa.»

Luka 21:36

Ka ndzwim are tsa, hamum kəla pat, dite ka, ka ŋgatum ndzəɗa aà mibe dər i təv gà dukw ata tserdze ti dere a ya. I dəba ŋa ya, ki ta hitswim a aka miɗ gà lele, iye, *wur ana a dara i təv Mbulum a kuɗa.»

Luka 22:40

Ti ndzeha a fata ka, a gwaɗa a tar: «Hamum a Mbulum, dite medzike ana ti dzik à kurum a ya ka, ka ti dzeywim iɗəm a tsa.»

Luka 22:46

A gwaɗa a tar: «Aàmala na kà ndzwim are ya? Ŋgulum hitswim, ka hamum a Mbulum. Dite medzike ana ti dzik à kurum a ka, ka ti dzeywim iɗəm a tsa.»

Luka 8:13

Gà biy ŋgiɗ pam asa, ti ndzikiɗ ba wur daw ata a dza aà sik kuvəl a. Ta gis a bazlam ata a gəzləŋ tar nda gà maŋgayaba tsara. Ama bazlam ata a ŋge a zlile aà mendze i gəzləŋ tar tsa. Zàkwayiya, mesewere are a dere a, a dzik à ter a tsara ka, ta miyek a à bazlam ata ta gəs a gəzləŋ tar a.

RUMA 8:3

Məpala ahəm Musa ka, a sle aà məvəla kwa mesife tsa, aɗaba ana kwa ka, gà mburma taf masakəŋa, ndzəɗa kwa a riŋ tsiye. Kwa ka, kà mbàkwa aà magəsa ahər ahəm tsa. Ama dukw ana məpala ahəm ata a sle aà mege ŋa tsiye ka, Mbulum nda ahər ŋgar ŋa aka ge. A ge taŋa ka, nda maslə̀rà Kəla ŋgar ana a slərra aka gər ahəɗ a, a ne mburma kamala kwa ya ya. Tàa dzik à ŋgat aà mege bakal kamala kwa mburma ya mbaŋa, ama ka, aka ge tsa. Dite i dəba ŋa ya ka, a mət aɗaba bakal kwa. Kamala taŋa ya na Mbulum a ge seriye bakal ana mburma a gewa ya.

1 Kurintiya 10:13

Dukw ana Əbay sitene a dzik a dər à kurum a ka, a riŋ a dzik a à mburma tserdze dukw ŋgar. Ama Mbulum ana ŋgat mala ndzer a ka, à zlèk a kurum kamala ana a tsik a. Na bəla Əbay sitene a sasar a dzik a à kurum nda dukw ana a za ndzəɗa kurum a ka, Mbulum a viler a vatwa tsidze. Seyiŋ tsa, medzike ana ti dzik a à kurum, a le aà kurum a ya ka, Mbulum a vile a kurum a ndzəɗa, dite na ki mirwim a aba ya. A zlèk a kurum, na dite ka, Əbay sitene a bene a kurum asa tsiye.

1 Kurintiya 16:13

Ndzum ka, nda metsehe lele. Dite megìse kurum ana kə̀ gəsum ŋgwal bazlam ata nda gəzləŋ ilik a ka, ka dum dər aka miɗ aka miɗ. Arəv ma da aà kurum a tsa, gəzləŋ kurum ma ndza ka, ɓəŋɓəŋ lele.

1 Kurintiya 9:27

I gìzl a ba gà nda ahər gà ŋa, dite na à gis aà iye a ahəm a. Aɗaba a sèsiŋ ka, iye na i zal a bəɗ aà mege dukw ata ya, dite ka, i ndze a iɗəm a bəɗ a ka, a ge a ba tsa. Kamala taŋa ya, a pat seriye Mbulum ka, ma ta mà à iye a dəba tsa, na iye ana i ɗif à bazlam ŋgar a mburma ya.

GALATIYA 5:24

Aɗaba gà mburma ana tar gà biy *Kiristi ya ka, ti niw gà dukw ana ŋgwal ŋa tsa, meèweke ba tar a waya ya. Ar ka, kamala ana tə ndwandway gà dukw ata aà dizl magə̀làwà ŋa ya.

EFESIYA 6:18

Hamum a Mbulum nda gəzləŋ ilik kəla pat, dite gwimer kamkam nda ndzəɗa Mezite Mesife ŋgar. Ka ti ywim ba tsa, ndzum nda metsehe, hamum a Mbulum kəla pat agəra gà asiŋ gà mburma ŋgar ŋgiɗ.

1 PIYER 4:7

Ama kinehe ka, pat mandəvandəv gər ahəɗ aka à mendzera. Gwim metsehe, kaslum ba kurum lele, dite na ki slwim a aà mahàmà a Mbulum a.

1 PIYER 5:8

Kaslum ba kurum, ka ndzum nda metsehe lele asa. Aɗaba Əbay sitene, mala mene are kurum a riŋ à sìweye a ika magər kurum kamala azil ana à ŋgìrìz a, a yehe a dukw mezime ya.

2 Piyer 2:9

Gà dukw ata ta geye ba akahər ata ya ka, ti ɗif a kwa dər ka, Mbulum a səraba dukw ŋgar, meme na a ta mbele a à gà mburma ŋgar i mesewere are tar ana tì sèwèr a ya. Ama a ɗif a kwe a dər asa ka, a sər dər, meme na a ta vile a mesewere are a gà na ta ge a dukw ana ŋgwal ŋa tsiye ya. A veve a dər haa a pat ana a ta ge a ter a seriye ya.

Sunwa Yuhana 16:15

Yesuw a gwa: «Gwim metsehe, tsarakum, aɗaba i ti dere a ka, sèrèh kamala mala akəl a. Ama maŋgayaba ika gər wele ana petek ika ba ŋgar a, dite ka, a ndze a are tsa asa ya. Aɗaba Yàa dara ka, ma tə da kataya sàgùrɗùmma kataya ze petek, dite ka, hwarwa a ger a ika miɗ mburma ya tsa.»

Sunwa Yuhana 3:10

Kurum ka, kàa gəsum aà iye ahəm, kàa mərum aba i təv gà mesewere are ya, kamala ana i tsik a kurum a. Aɗaba taŋa, i kesle a kurum a pat gà mesewere are ana ti ti dere a ika miɗ mba ya. Ama ti dere a ka, aka gər gà mburma ana ika gər ahəɗ a tserdze, aà medzìkè à tar.