Mata 26:3 - Bible Zulgo

³ Akahər ata ka, gà bàba gà ɓəzla mandəva kuɗa a Mbulum nda gà bàba ŋa ana ta kwere a gà Yahuda ya, ti yahabaha gər a bəra *batsah mala mandəva kuɗa a Mbulum duwa, zləm ŋgar Kayafas.

Mata 26:3 ပူးပေါင်းရင်းမြစ်များ

Mata 26:69

Piyer ka, ŋgat a riŋ mandza ŋa i bəɗ ika varavada i ga ata hiywe mba. Zàmma tsəka, daala duwa a riŋ ilik a gewa megemir i bəra *batsah mala mandəva kuɗa a Mbulum ata. A ŋgataha a Piyer, a gwaɗaraha: «Kər tekeɗe ka, mburma Yesuw aaha a dara i Galile ya dìgiy?»

Mata 27:27

I dəba ŋa ya, gà sliwdze Pilatus, mala sik Əbay gà Ruma ata, tə da à Yesuw aka varavada a huɗ ga a ma ŋgar. Dite tə zal ahəraha a gà asiŋ gà sliwdze tserdze a fata.

Markus 14:54

Aləka i dəba ŋa ya, megìse ana ta gəs, ti de a dər a ka, Piyer a zazam ŋgat i sik a i sik a, i dəba ya diriŋ, tsìm a bəra batsah mala mandəva kuɗa a Mbulum ata. A daha, a pəts a ga, a ndza a bəɗ aà akwa, aka varavada i huɗ ga. Tə ndza ahər a fata nda gà ɓəzla makàslà ga wele ata tserdze.

Markus 14:66

Piyer ka, ŋgat a riŋ mandza ŋa i bəɗ ika varavada i ga ata hiywe, i təv akwa ana ndeɗiŋa a ndza ahər a. Daala duwa a riŋ ilik i liwiŋ gà na ta gewa mege megemir a *batsah mala mandəva kuɗa a Mbulum ata ya. A daha a fata.

Markus 15:16

I dəba ŋa ya, gà sliwdze Pilatus, mala sik Əbay gà Ruma ata, tə da à Yesuw aka varavada a huɗ ga a ma ŋgar. Dite tə zal ahəraha a gà asiŋ gà sliwdze tserdze a fata.

Luka 22:55

Ti ndzeha a fata ka, Piyer a daha, a pəts a ga, a ndza a bəɗ aà akwa a riŋ məvata ŋa ika varavada i huɗ ga. A ndza aà akwa ata ka, a tsaka gà asiŋ gà mburma na tar riŋ ta vèt a ba a akwa ata ya.

Luka 3:2

Gà Hanas nda Kayafas ka, tar gà bàba gà ɓəzla mandəva kuɗa a Mbulum. Akahər ata Yuhana kəla Zakari ka, a ndzawa ka, i kusak. I dəba ŋa ya, Mbulum a dara, a zalar, a slər ŋgat aà metsìkè bazlam ŋgar a mburma.

Yuhana 11:57

Aɗaba gà Əbay gà ɓəzla mandəva kuɗa a Mbulum, nda gà Farisa ta gwa: «Na wura aka sər təv ana Yesuw iɗəm a ka, ma ɗif dər,« ta gis a ŋgat.

Yuhana 18:24

I fataya ka, Hanas a slər ŋgat a təv Kayafas, batsah mala mandəva kuɗa a Mbulum ata, tsàmbaɗùkkwa madzàwà ŋa hiywe.

Yuhana 18:28

Aləka aka mbulum ana a də̀v i mèkwède ya ka, ta mah ba i bəra Kayafas a, tə da à Yesuw a ga a bəra Pilatus, mala sik Əbay gà Ruma duwa. Aləka ti ndzeha a fata ka, gà Yahuda tàa pəts a ga a bəra wele ata tsa, aɗaba na tàa da aɗəm ka, tàa wisl aba tar i təv mazəma ɗaf Paska ana ti zim a dər akaba ya.