Mata 26:26 - Bible Zulgo

²⁶ Aləka i dəba ya ŋa, tar riŋ aà mazəma ɗaf tar ata hiywe. Yesuw a zla ɗaf ata, a ge dərraha kəkaaha a Mbulum, dite a sasa ikaba ya. A dzaya a gà ɓəzla mazazama ŋgat. A gwaɗa a tar: «Ndzəkum, ka zəmum. Aɗaba taŋa ka, slu ba gà.»

Mata 26:26 ပူးပေါင်းရင်းမြစ်များ

Mata 14:19

Dite a gwaɗa a gà mburma ata: «Ndzayum a bəɗ aka kwizir.» Dite i dəba ŋa ya, a daha, a ndzək gà ɗaf ata nda kilif aaha sula ya, akahər ŋgar. A fə̀r dər a gəza mbulum, a ge dərraha kəkaaha a Mbulum. Aləka a sasa ikaba ɗaf ata ya. A vəl a gà ɓəzla mazazama ŋgat ata. Dite gà mburma ata tə daha, tə dzaya a gà asiŋ gà mburma kuɗa.

Mata 26:27

I dəba ŋa ya, a zla kivit meɗwìtsè mawà dukw duwa iɗəm makwàsà ŋa. A ge dərraha kəkaaha a Mbulum asa, dite a vəl a tar. A gwaɗa a tar: «Sum tserdze.

Markus 6:41

I dəba ŋa ya, Yesuw a ndzək gà ɗaf ata nda kilif aaha sula ya, akahər ŋgar. A fə̀r dər a gəza mbulum, a ge dərraha kəkaaha a Mbulum. Aləka a sasa ikaba ɗaf ata ya. A vəl a gà ɓəzla mazazama ŋgat ata, dite gà mburma ata tə daha, tə dzaya a gà asiŋ gà mburma ata i fataya tserdze. A ndzək kilif aaha, a dzaya a tar aaka tserdze asa mbaŋa.

Luka 22:17

A zla kup meɗwìtsè mawà dukw duwa iɗəm makwàsà ŋa. A ge dərraha kəkaaha a Mbulum, a gwaɗa a tar: «Zlum dukw aaha, kà mə̀ndzərum tserdze ika magər kurum, udzùɓ udzùɓ udzùɓ.

Luka 24:30

I dəba ŋa ya, tə ndza aà ɗaf a təv ilik ŋa tserdze. I təv ana tar riŋ ti zim a ya ka, Yesuw a zla ɗaf ata akahər, a ge dərraha kəkaaha a Mbulum. Dite a sasa ikaba ya, a dzaya a tar.

Gà Ɓəzla Meslire 2:46

Kəla pat ti yahawaba gər a təv ilik ŋa i ga Mbulum batsah ŋa na. Ti yahawaba gər aà mazəma ɗaf i gà ma tar ilik ilik tserdze. Tə zəmawa ka, nda gà maŋgayaba nda gəzləŋ ilik.

Gà Ɓəzla Meslire 20:7

A pat səbədà i hawa ka, mì yahaba gər, aà mazəma dukw mezime matəkəra dər aà məməta Yesuw. Pul a fàfəl a mburma ana mayahaba gər ŋa ya. A tsik a tar aba bazlam Mbulum a, haa a da tsikw a magər həvəɗ, aɗaba ana a ndze a i təv tar asa tsa, ndidwe ŋana a de a à tar a ya.

1 Kurintiya 10:4

Dite tə saya yam ana Mbulum a tə̀f a tar, a ŋgəzara i kuvəl a asa mbaŋa. Kuvəl ata ka, Yesuw Kiristi ana tə dəɗ akabara, a lakara tar a dze ya.