Mata 26:14 - Bible Zulgo

¹⁴ I dəba ŋa ya, mìsle ŋgiɗ ilik i liwiŋ gà ɓəzla mazazama Yesuw ana kurwa gəra sula ŋa ata ya, zləm ŋgar Yudas Iskariyut, a da i fataya ka, a da a təv gà bàba gà ɓəzla mandəva kuɗa a Mbulum.

Mata 26:14 ပူးပေါင်းရင်းမြစ်များ

Mata 10:4

dite gà Simun ana a niw bazlam ŋgumna piŋŋe, a waya makwàrà ba tar i gwala ŋgar a, nda Yudas Iskariyut, wele ana a ta ge a ɗaf aà Yesuw a.

Mata 26:25

Yudas, wele ana a ge ahər a ɗaf a, a tsam ahər, a gwaɗar: «Kù gwa ana, iye kəla ya, Batsah gà ŋa?» Yesuw a gwaɗar aaka: «Haya, kamala ana kà tsik a.»

Mata 26:47

I təv mifefile Yesuw ata ya tsara ka, Yudas ika magər gà ɓəzla mazazama ŋgat aaha kurwa gəra sula ya, aka slalaha a təv ŋgar. Tə daha ka, nda gà mburma hinne. Gà mburma ata tə daha ka, nda gà dukw ahər aà tar, gà màsalamà nda gà matakwazum. Na a sləraha tar ka, gà Əbay gà ɓəzla mandəva kuɗa a Mbulum nda gà bàba gà mburma ana ta kwere a gà Yahuda ya.

Mata 27:3

Aləka i dəba ŋa ya, Yudas, mala mege ɗaf aà Yesuw aaha ndeɗiŋa ya, a fə̀r gà mburma ata ta ge seriye Yesuw ka, biy makə̀ɗà ŋa, tsam ka, a mbəɗ à madzala gà gər ŋgar, a daha, a màra à kur siŋgwe aaha ndeɗiŋa dzik makər tə dzàɗar a, a gà bàba gà ɓəzla mandəva kuɗa a Mbulum a, nda gà bàba gà mburma ana ta kwere a gà Yahuda ya.

Yuhana 12:4

Ama mìsle ŋgiɗ ilik ika magər gà ɓəzla mazazama ŋgat a, zləm ŋgar Yudas Iskariyut, wele ana a ta ge a ɗaf aà Yesuw a, a gwa:

Yuhana 13:2

A pat ata i hawa ka, tar riŋ ti zim a akaba a ɗaf nda gà ɓəzla mazazama ŋgat. Taŋa Əbay sitene aka mbər mivile madzala gà gər a gəzləŋ a Yudas, kəla Simun Iskariyut, dite ka, ma ge ɗaf aà Yesuw.

Yuhana 13:26

Yesuw a gwaɗar aaka: «Yàa sàs ɗaf, Yàa ge ahər ala bùnùt, Yàa vəlar ka, wele ata na a ta ge aà iye a ɗaf a.» Aləka Yesuw a sàs ɗaf ata, a ge ahər ala, a vəl a Yudas, kəla Simun Iskariyut.

Yuhana 13:30

Yudas a zəm ɗaf ata tsara ka, a dara a bəra ya ndaàvəɗ ata, aɗaba həvəɗ aka ge.

Yuhana 18:2

Yudas ana a ta ge a ɗaf aà Yesuw a tekeɗe, a sər təv ata mbaŋa. Aɗaba gà Yesuw nda gà ɓəzla mazazama ŋgat tə dawa aɗəm kəla pat tserdze.

Gà Ɓəzla Meslire 1:16

«Gà damər gà, say dukw ana Mezite Mesife Mbulum a tsik piŋŋe i wakita Mbulum a ka, aka ge ba kaɗəŋ. Aɗaba a tsik nda ahər Dawda akahər ata, a tsik aà Yudas ana a ti ne a mala meɗìfè à vatwa a gà mburma ana tàa gəs Yesuw a.

Gà Ɓəzla Meslire 1:18

Ama siŋgwe ana tə dzàɗar aɗaba bakal ŋgar a ka, a səkəm dər gùvàh. I dəba ŋa ya, a dəɗ i gùvàh ata, à gər ŋgar, a ndə̀zl ika ba ya, dukw hitwis gàtsak gàtsak i bəra.