Mata 24:31 - Bible Zulgo

³¹ Dite aləka mezleliŋ aka ɗe hinne ka, i slirre a gà gawla gà ya. Ti dere a ka, aà mayaha gər a gà na i pala tar a, daga ara aà zlile mbulum a tserdze.»

Mata 24:31 ပူးပေါင်းရင်းမြစ်များ

Mata 13:41

Iye, wur ana a dara i təv Mbulum a, i slirre a gà gawla gà ya. Ta pele a iɗəm gà mburma ana ta vile a mendìfè sik a mburma, nda gà na ta ge a dukw ana ŋgwala tsiye tserdze, i liwiŋ gà mburma ana ti de a a *mekwere Mbulum a.

Mata 24:22

Na mege Mbulum mà nikiɗ ihər à pat mesewere are ŋa ata ya tsa àsla ka, ana ka, wura ilik a mbil a tsidze. Ama a nikiɗ à pat ŋa ka, agəra gà mburma ŋgar ana a pala tar a.

Mata 24:24

Aɗaba taŋa ka, gà na ti ne aba Kiristi ya, nda gà na ti ne aba gà ɓəzla məma à guma Mbulum nda pàrsa ya, ta hitsiŋa. Ta ge a gà dukw mene aà mburma pampam hinne, aà məbàzà dər za a gà na Mbulum a pala tar zləmana, na mege ti sle a ya.

Mata 24:32

Yesuw a gwaɗa a tar asa mbaŋa: «Tsarakum bazlam minew gùrùv aaha kwaŋ. Aɗaba dizl ɗaf gùrùv ka, à gègìriŋa, dite à dze a ba aà mibìzè, nda mewiɗe. Agəra taŋa, kurum tekeɗe, ki sirwim a dər ndzer, viye aka à mege.

Mata 25:31

I dəba ŋa ya, Yesuw a gwaɗa a tar asa: «Aka təv ana iye, *wur ana a dara i təv Mbulum a, i mère a ya ka, i mère a nda ndzəɗa Mbulum ana a viliŋ a hinne, mər nda gà gawla Mbulum a tserdze. Dite ka, i ndze a aka təv mendze Əbay gà kuɗa.

Mata 28:18

Dite Yesuw a sìrìkaha a təv tar kuɗa. A daha, a gwaɗa a tar: «Mbulum aka viliŋ mekwere ŋgar ana i gər ŋa ya, ndəna ɗa ika gər ahəɗ a tserdze ka, a ahər gà.

Markus 13:27

I slirre a gà gawla Mbulum a. Ti dere a ka, aà mayaha gər a gà na i pala tar a, daga ara aà zlile mbulum a tserdze.»

Luka 24:47

Dite i dəba ŋa ya asa, a slir a mburma aà metsikeye guma ŋgar a gà mburma, ku mege a ŋga tserdze. Mburma ta mbəɗ à madzala gà gər tar, dite ka, Mbulum à pìl a à bakal tar kuɗa. Tì dze a ba aà metsikeye ŋa ka, i Yeruzalem a, dite ti de a dər ku mege a ŋga tserdze.

Yuhana 11:52

Ama kə̀la ka, agəra tar ɗekɗek tsa, agəra gà mburma ana tar gà ɓəza Mbulum, tə dzaya ba vatwa sweyèh sweyèh ika gər ahəɗ tserdze ya mbaŋa. Dite ti yahaba gər a təv ilik ŋa, ti ne ba ilik.

RUMA 10:18

Yaw taŋa ka, i wiziŋa. Wànà gà Yahuda dze ana, tàa tsik a tar bazlam ŋgwal ŋa ata ti tsiye? Haya, tàa tsik a tar ndzer dukw ŋgar. Ar ka, kamala ana a riŋ mewetse ŋa i wakita Mbulum ka, ta gwa: «Gà mburma tàa da aà metsìkè bazlam ata, ku mege a ŋga aka gər ahəɗ tserdze. Mifefile tar aka lə̀ma aka gər ahəɗ fit.»*fg*

1 Kurintiya 15:52

Aka mandəvandəv gər ahəɗ ka, ta vèt a mezleliŋ. Tàa vàt ka, ki ta mbìɗekwe a ba ŋgiɗ sùrat kataya tsara, kamala ana wura a ge a mbitsèkw a. Na bəla tàa vàt mezleliŋ ata ka, gà na tàa mbər mimete ya, ti ta mbilere a i məməta ya. Ti ta ŋget a ka, ba ana à mìt a asa tsiye. Ama kwa ana kinehe kwa riŋ nda mesife hiywe mba ya ka, ki ta ŋgetekewe a ba ana awiya ŋa ya asa mbaŋa.

EFESIYA 1:10

Dukw ata Mbulum a ti ndìv a dər ka, a pat məpàslà ahər ŋgar ana a tsik a. A gewe akaba a gà dukw ana i gər ŋa ya nda gà dukw ana ɗa ika gər ahəɗ a tserdze a təv ilik ŋa. A dze a ahər a Yesuw Kiristi, dite a ne a Əbay ŋa.

1 TESALUNIKE 4:16

A pat ata ka, Mbulum à fèfil a nda magala ŋgəlakəkka, na dite dukuməŋa à dze ahər a ba ya. Əbay ana ika magər gà gawla Mbulum a, a zeliŋa, dite ta vèt a mezleliŋ Mbulum mbaŋa. I dəba ŋa ya ka, BATSAH kwa ŋa a terre a i gər ŋa i mbulum a kuɗa. Dite gà mburma ana ta mata ya, tàa gəs ŋgat nda gəzləŋ tar a ka, tar na ti lèh a aà mimbilera i məməta ya.

2 TESALUNIKE 2:1

Gà damər mər, kurum ihər ki vevwim a ka, pat ana Yesuw Kiristi BATSAH kwa ŋa à mère a ka, dite ki yehekwebe a gər a təv ŋgar a. Ama kəla ka, mìi ge a kurum a kamkam:

IBƏRANIKWA 12:19

Gà mburma ata tə tsaraka meɗè mezleliŋ ana a ɗera i fataya. Tə tsarakara mifefile ana a fàfəl a tarra ya mbaŋa. Mifefile ana tə tsarakara ya ka, a dza aà tar magəɗa hìriɓ hìriɓ hinne, ta ge kamkam, ta gwa, mə̀ fàfəl asa tsa.*fc*

Sunwa Yuhana 1:20

Ama gà mawusawus a təsəla ŋa aaha kə̀ ŋgatar i ahər mezime gà ya, dite gà lalampa ana təsəla, akwa iɗəm məvàɗà ŋa nda gura ana tsakala ŋa hinne ya ka, i ɗifek a à ndzer ŋana aka gər gà dukw ata. Aɗaba gà mawusawus ata təsəla ya, kamala megweɗe ya ka, gà gawla Mbulum ana a dza tar aka gà mayahaba gər gà mburma Mbulum ata təsəla ya. Dite gà məvàɗà gà lalampa ata təsəla ya tekeɗe, kamala megweɗe ya ka, gà mayahaba gər gà mburma Mbulum ata təsəla ya mbaŋa asa.»

Sunwa Yuhana 11:15

I dəba ŋa ya ka, gawla Mbulum matəsəla ŋana a vizl a mezleliŋ ŋgar. A vizl aɗəm ka, i tsarakara gà mifefile duwa ndzəɗa ŋa, a ɗeyera i mbulum a parakkà lele. I huɗ mifefile ata ya ka, ta gwa: «Gà Mbulum batsah kwa ŋa nda mala məmbə̀là à mburma ŋgar ana a zla ŋgat kamala Əbay a, na tar ihər ta kwere a gər ahəɗ a kuɗa. Mekwere tar ata a ndze a ka, aà biybiy.»

Sunwa Yuhana 7:1

I dəba ŋa ya ka, i ŋgataha a gà gawla Mbulum faɗ, tar gà mehìtsèyè ŋa i gà təv ana himbiɗ a dawara iɗəm a təv pampam faɗ a. Ta pala ahəm a gà himbiɗ ata faɗ a, dite ka, ta ge ika gər ahəɗ, tə ləm aà gà ahəɗ nda yam, nda gà dizl ɗaf asa tsiye.

Sunwa Yuhana 8:2

I dəba ŋa ya, i ŋgataha a gà gawla Mbulum ana tar təsəla, tar gà mandzàyà ŋa ika miɗ Mbulum a. Tə dzaya a tar gà mezleliŋ təsəla a ahər, ku weke nda biy ŋgar.