Mata 24:3 - Bible Zulgo

³ Aləka i dəba ŋa ya, Yesuw a tsəl a gər kwite Ndzendzebire. I təv ana ŋgat a riŋ mandza ŋa i fataya ka, gà ɓəzla mazazama ŋgat tə daha a təv ŋgar, à gər tar. Tə daha, ta gwaɗar: «Tsik a mər te, ndeɗime na bazlam yak ata kà tsik a, a ta ge a ba ya, dite meme na mìi sir a dər ka, kàa à meslele, nda gà gər ahəɗ aka à mendìve asa ya?»

Mata 24:3 ပူးပေါင်းရင်းမြစ်များ

Mata 13:36

Aləka i dəba ŋa ya, Yesuw a dara i təv gà mburma ata ya, a da a ma. A daha ka, a da a ga. Gà ɓəzla mazazama ŋgat ata tə zazamaha ŋgat a fata. Tə daha, ta gwaɗar: «Bazlam minew tìzèmiŋ ata ndeɗiŋa ya ka, mì sər tsəna, pàt a mər dərra iɗəm a lele kuɗa kwaŋ.»

Mata 13:49

Kamala taŋa ya, a pat ana Mbulum à ndìv a à gər ahəɗ a tekeɗe, a ge a dər kataya mbaŋa. Gà gawla Mbulum ti deriŋa, aà mandzàkà i ba gà mburma ana gà ŋgwal ŋa ika miɗ Mbulum nda gà na gà ŋgwal ŋa tsiye.

Mata 15:12

I dəba ŋa ya, gà ɓəzla mazazama Yesuw ti sìrìkaha a təv ŋgar. Tə daha ka, ta gwaɗar: «Kà tsik kataya ana, meme? Kà sər ti tsiye, bazlam yak ana kà tsik a ka, a riŋ à tsìɓ a a gà *Farisa i gəzləŋ hinne ya.»

Mata 16:27

Taŋa iye, *wur ana a dara i təv Mbulum a, i mère a ka, nda ndzəɗa Tsir gà ana ti zlibe a dər a ndzer, dite nda gà gawla ŋgar a. Na Yàa dara ka, ku weke a ŋget a dukw mayaba ŋgar kalkal kamala megemir ŋgar ana a ge ya mbaŋa.

Mata 16:28

Iye ihər i gweɗe a kurum a nda ndzer: Gà mìsle ŋgiɗ ɗa ika magər kurum aaha kinehe ya ka, ta mete a zukw tsa, say ta ŋgetiŋ a, a iye, wur ana i dara i təv Mbulum a, i mère a ka, kamala Əbay a dzekwiŋ.»

Mata 17:19

I dəba ŋa ya, gà ɓəzla mazazama ŋgat aaha, tə dara a təv Yesuw a, à gər tar. Tə daha ka, ta wiz ihər bazlam a, ta gwaɗar: «Aàla na mər ka, mì sle aà madalawa sitene à kəla ata ya ti tsiye?»

Mata 21:1

I dəba ŋa ya, gà Yesuw nda gà ɓəzla mazazama ŋgat ti de a a Yeruzalem. Ti ndze a kwite Betfedze, tàa à mendze bise nda Yeruzalem, aà sik kwite duwa tə zalar kwite Ndzendzebire. I fataya ka, Yesuw a slər gà ɓəzla mazazama ŋgat sula aka miɗ.

Mata 24:27

Dukuməŋa a ge a ba ka, kamala mewìtìɗè mbulum ana ndiɗèy à wìtiɗe a aà gəza mbulum a. A dze ahər a ba ka, ara ndaka dwa ya, dite à wìtiɗe a nda gwa asa mbaŋa. Kamala taŋa ya, na iye, *wur ana a dara i təv Mbulum a, i dere a ka, parakkà, i təv are mburma tserdze.

Mata 24:30

A pat ata ka, gà mburma ta ŋgetiŋŋa, a iye, wur ana a dara i təv Mbulum a ka, gà mburma ana ika gər ahəɗ a tserdze, sùwwa ti tiwe akabiŋa, aɗaba ana ta ŋgetiŋehe a, a iye, wur ana a dara i təv Mbulum a, i dere a ka, nda hulɓukw a, nda ndzəɗa Mbulum a hinne, dite nda mezlibe gà ana tì zlibe a à iye ya.

Mata 24:37

Aɗaba dukw ana a ge ba akahər Nuhu ata ya ka, a ta ge a ba aka təv ana iye, *wur ana a dara i təv Mbulum a, i mère a ya mbaŋa.

Mata 24:39

Aɗaba gà taŋa ti ndiɗik gər aà taŋa ya ka, tàa sər aaba tsa. Dukw ana Nuhu a tsikewa a tar a tekeɗe, tàa dzar zləm tsidze, haa yam batsah ŋa ata a dara kuɗa, a rah aka gər ahəɗ fèɗìɗe, a dzeye à gà asiŋ gà mburma ata fit. Ama a pat ana iye, wur ana a dara i təv Mbulum a, i ta mère a ya tekeɗe, dukuməŋa a ta ge a ba ka, kamala taŋa ya mbaŋa asa.

Mata 24:43

Ama ka, tsarakum dukw aaha i tsik a kurum a ya lele: Na bəla mala ga a sər mala akəl a dere a, a time a ga ŋgar ka, a ndze a are a pat ata tsa. A viler a vatwa aà mada a ga a ma ŋgar tsidze.

Mata 28:20

Dite ka dzeŋgwim a tar, ta gəs bazlam ana i tsik a kurum tserdze ya mbaŋa. Sərum dər lele, mə̀ məts a kurum gər tsa: Iye ŋa tekeɗe ka, i ndze a i təv kurum kəla pat, i zlèk a kurum haa aka təv gər ahəɗ ana à ndìv a ya.»

Luka 21:7

Gà mburma ana tar riŋ i təv ŋgar ata ya, tə tsam ahər, ta gwaɗar: «Əbay, ndeɗime na bazlam yak ata kà tsik a, a ta ge a ba dze ya? Dite meme na mìi sir a dər ka, gà dukw ata tàa à mege ba ya?»

Gà Ɓəzla Meslire 1:7

Yesuw a gwaɗa a tar aakaha: «Gà pat ŋa ana ta ge a ba ya ka, kurum tsa na ki sirwim a ya. Aɗaba Tsir gà na a tike məpàslà ahər pat ŋa ya, à gər ŋgar ilik.

IBƏRANIKWA 9:26

Na mege kataya tsəka, ana ka, a ŋgetewe a mesewere are hinne daga aà gər ana Mbulum a ge gər ahəɗ a. Ama ka, kataya tsa, aɗaba a dara kinehe ka, sik ilik pəra, aka mandəvandəv gər ahəɗ aaha kinehe ya. A vəl ba ŋgar ka, na dite sifek à pìl a dər à bakal gà mburma ana ta gewa ya, aà biybiy.