Mata 24:25 - Bible Zulgo

²⁵ Taŋa ka, Yàa tsik a kurum aba ya daga aà kinehe ya, ndzum dər i zləm lele.

Mata 24:25 ပူးပေါင်းရင်းမြစ်များ

Mata 10:16

Aləka i dəba ŋa ya, Yesuw a gwaɗa a tar asa: «Araha, i slir a kurum ana kà nwim kamala gà təmaŋ, ndzəɗa kurum a riŋ tsa liɓèt a liɓèt a ya. Ama ki dwim a kəla ka, a liwiŋ gà mburma ana ti ne kamala gà də̀var a. Aɗaba taŋa, nwim ka, gà ɓəzla metsehe kamala gà mesiwiɗ ana slìrmiɗ slìrmiɗ ta kesle a ba tar aà gà məmba ya. Ki nwim a asa ka, kamala huɗgum ana a səraha duwa tsa, a ndzebe a tsìkeffe ya.

Mata 24:24

Aɗaba taŋa ka, gà na ti ne aba Kiristi ya, nda gà na ti ne aba gà ɓəzla məma à guma Mbulum nda pàrsa ya, ta hitsiŋa. Ta ge a gà dukw mene aà mburma pampam hinne, aà məbàzà dər za a gà na Mbulum a pala tar zləmana, na mege ti sle a ya.

Mata 24:26

Aɗaba taŋa, na bəla tàa gwaɗa a kurum: ka, ka tə dum tsa. Kige tsa, na tàa gwaɗa a kurum: ka, ka ta gəsum bazlam tar tsa mbaŋa.

Luka 21:13

Dite i fataya ka, kurum tekeɗe, ki ŋgetwim a vatwa aà mege sida gà lele ika miɗ tar kuɗa.

Yuhana 16:1

I tsik a kurum a kataya ka, dite i təv ana gà mburma ti sèwèr a kurum a are ya ka, ka ta miyakum à megìse iye i gəzləŋ kurum a tsa.

2 Kurintiya 13:2

Aka ana i daha a təv kurum masula ŋa ya ka, Yàa be à ɗaf a gà na ta ge bakal a, nda gà asiŋ ŋa ana ika magər kurum tserdze ya mbaŋa. Kinehe, Yàa ndzeha a təv kurum zukw tsəka, i be a kurumehe a à ɗaf asa mbaŋa. Aɗaba i gwaɗa a kurum: Na Yàa màra asa ka, i ti tètìk a a gà mburma ata tserdze ya.