Mata 24:14 - Bible Zulgo

¹⁴ Ama gər ahəɗ à ndìv a kəla ka, ti tsik a bazlam *mekwere Mbulum aaha ŋgwal ŋa ya a gà slala gà mburma ika gər ahəɗ pampam tserdze dzekwiŋ, ku weke a sle a aà metsereke, na dite à ndìv a ya.»

Mata 24:14 ပူးပေါင်းရင်းမြစ်များ

Mata 10:7

Na kàa ndzwimaha a təv tar ka, gwaɗum a tar:

Mata 18:19

Iye ihər i gweɗe a kurum a asa: Na mburma sula ika magər kurum a, tàa dza akaba ahəm ika gər ahəɗ, aɗaba dukw ana ta wiz a aà iye a nda meheme ya ka, ta ŋget a i təv Mbulum Tsir gà ana i gər ŋa ya ndzer.

Mata 24:3

Aləka i dəba ŋa ya, Yesuw a tsəl a gər kwite Ndzendzebire. I təv ana ŋgat a riŋ mandza ŋa i fataya ka, gà ɓəzla mazazama ŋgat tə daha a təv ŋgar, à gər tar. Tə daha, ta gwaɗar: «Tsik a mər te, ndeɗime na bazlam yak ata kà tsik a, a ta ge a ba ya, dite meme na mìi sir a dər ka, kàa à meslele, nda gà gər ahəɗ aka à mendìve asa ya?»

Mata 24:6

I təv ana kàa tsarakum gà labara gà gùvəl a ɗe a bise i təv kurum, kige tsa, a ɗere a i təv diriŋ ŋa ya ka, gwim metsehe, arəv ma da aà kurum a tsidze. Aɗaba gà dukw ata ka, say ti dere a dukw ŋgar. Ama mandəvandəv gər ahəɗ ka, aka sle zukw tsa na taŋa ya.

Mata 4:23

Aləka i dəba ŋa ya, Yesuw a suwaya ika ahəɗ Galile tserdze. A tsikewa guma ŋgar a mburma i gà ga mahàmà a Mbulum. A tsikewa a tar bazlam ŋgwal ŋa ana biy mekwere Əbay Mbulum a asa mbaŋa. A mbala à gà ɓəzla dukw məməta, nda gà mburma ana gà magàha a bəɗ ŋa ya fit dze.

Mata 9:35

I dəba ŋa ya, Yesuw a sùwaya i gà kə̀sà gà bàba ŋana nda gà ɓəza gà kwite fit dze. A ɗif à metsehe a gà Yahuda ana mayahaba gər ŋa i gà ga mahàmà a Mbulum tar a. A tsik a tar bazlam ŋgwal ŋa ana biy mekwere Əbay Mbulum a. A mbala à gà ɓəzla dukw məməta, nda gà mburma ana gà magàha a bəɗ ŋa ya fit dze.

Markus 13:10

Aɗaba malahalah ŋa, ələk gər ahəɗ à ndìv a ka, say gà mburma tàa tsaraka bazlam aaha ŋgwal ŋa ya fit dzekwiŋ.

Luka 2:1

Akahər ata ta wa Yuhana metsìlwìɓè à mburma a yam ka, Agustus ŋgat batsah Əbay ana a kwere a ahəɗ gà Ruma ya. Əbay ata a gwaɗa a gà gawla ŋgar: «Ɗamum gà mburma ana ika ahəɗ ga ya fit dze.»

Luka 24:47

Dite i dəba ŋa ya asa, a slir a mburma aà metsikeye guma ŋgar a gà mburma, ku mege a ŋga tserdze. Mburma ta mbəɗ à madzala gà gər tar, dite ka, Mbulum à pìl a à bakal tar kuɗa. Tì dze a ba aà metsikeye ŋa ka, i Yeruzalem a, dite ti de a dər ku mege a ŋga tserdze.

Luka 4:5

I fataya tsara ka, Əbay sitene ata a tsəl à ŋgat a gər kwite asa. A daha, a patar à gà ahəɗ ana pampam ika gər ahəɗ tserdze ya tsara.

Gà Ɓəzla Meslire 1:2

haa a pat ana a ndisl dər, a da a gər ŋa ya. Aka ana aka tsəl a gər ŋa zukw tsiye ka, aka ɗe a tar aba à metsehe ya, nda ndzəɗa Mezite Mesife Mbulum, a gà mburma ana a ndzək tar kamala gà ɓəzla meslire Mbulum a.

Gà Ɓəzla Meslire 11:28

Aləka ti ndzeha a fata ka, mìsle ŋgiɗ ilik i liwiŋ tar a, zləm ŋgar Agabus, Mezite Mesife Mbulum i ba ŋgar, a vəlar ndzəɗa, dite a hitse aà mbulum, a gwa: «May batsah ŋa a dere a aka gər ahəɗ a bise. A ge a ika tsèke ŋgiɗ pampam.» Aləka i dəba ŋa ya, may ata a ta medera kaɗəŋ ka, akahər ana ti tike aɗəm Kəlawdiyus, batsah Əbay gà Ruma ya.

Gà Ɓəzla Meslire 17:31

Aɗaba aka zla iɗəm pat ŋa ana a ta ge a seriye a mburma nda ndzer a. Seriye ata a ge a ya ka, nda ahər wele ana ŋgat ŋa a zla i liwiŋ mburma ya ya.*fa* A mbəlara à ŋgat i məməta ya, dite gà mburma tə sər dər ka, kaɗəŋ ndzer a.»

Gà Ɓəzla Meslire 17:6

Ama tə daha, ta fə̀r tar ka, tar riŋ tsa. Tsaw tsaw ta gasa gà Yasun nda gà asiŋ gà damər ŋgar ŋgiɗ ana ta gəs Yesuw a. Tə da à tar aka miɗ gà ɓəzla seriye, nda gà Mewideye. Ta gwa: «Gà mburma aaha ka, ta wise a bazlam ika gər ahəɗ tserdze ka, tàa ndzera a kwite kwa a faha mbaŋa.

Gà Ɓəzla Meslire 19:27

Taŋa a ge a matawak ka, a kwa ana ki gekwe a megemir aaha ya ɗekɗek ɓav tsa. ama a bwire a ka, à batsah ga mbulum Artemis mbaŋa. Ama kinehe ka, ku weke a zlibe a à ŋgat ika ahəɗ Asiya i faha, dite ika gər ahəɗ tserdze asa. Aləka aka miɗ mba ka, gà mburma ti sle a aà mezlibe dər asa tsa ana, meme?»

Gà Ɓəzla Meslire 20:25

Iye i sər, Yàa ndəv à mendze gà ika magər kurum a, a kurum ana i tsik a kurum bazlam Əbay Mbulum a. Ama kəla ka, ki ŋgetwimiŋ a ɗa ika magər kurum asa tsa.

RUMA 10:18

Yaw taŋa ka, i wiziŋa. Wànà gà Yahuda dze ana, tàa tsik a tar bazlam ŋgwal ŋa ata ti tsiye? Haya, tàa tsik a tar ndzer dukw ŋgar. Ar ka, kamala ana a riŋ mewetse ŋa i wakita Mbulum ka, ta gwa: «Gà mburma tàa da aà metsìkè bazlam ata, ku mege a ŋga aka gər ahəɗ tserdze. Mifefile tar aka lə̀ma aka gər ahəɗ fit.»*fg*

KULUSIYA 1:23

Ama kə̀la ka, say na ki zezemwim a aka miɗ aka miɗ nda magəsa Mbulum nda gəzləŋ kurum kəla pat a. Ndzum ka, ɓəŋɓəŋ lele, madzala gà gər kurum ma ta ge wàkit wàkit tsa. Tikwim madzala gà gər kurum ka, aka dukw ana ka tsarakum i huɗ bazlam ŋgwal ŋana ya kəla pat. Bazlam ŋgwal ŋa ata ka, ti tsikeye a gà mburma ana ika gər ahəɗ a tserdze. Aɗaba Mbulum a slər iye, Pul, na dite i ɗif a dər a mburma mbaŋa ya.

KULUSIYA 1:6

Ŋgwal bazlam ata a ɗe a zləm, ku mege i ŋga, ika gər ahəɗ tserdze. Ar ka, kamala dizl ɗaf ana a gil a ba, dite ka, a we a hinne ya. Kamala taŋa ya, kurum tekeɗe ka, dukw ata a riŋ a de a aka miɗ aka miɗ ika magər kurum mbaŋa, daga aà gər pat ana kà lah metserekwim bazlam ata ya ka, kà sərum ndzer, kàa ndzwim are tsehe a Mbulum, aka ge a kurum ŋgwal ŋa.

IBƏRANIKWA 1:6

Ama i təv ana a sàs a Mbulum aà meslirra mandərkwasla Kəla ŋgar mifèndèz ŋana aka gər ahəɗ a ka, a tsik ahər, a gwa: «Say gà gawla gà ana i gər ŋa ya tserdze, tə̀ dzar gurmits a bəɗ.»*fc*

IBƏRANIKWA 2:5

Mbulum à dze a ka, gà gawla ŋgar tsa na aà makwàrà gər ahəɗ awiya ŋana a dere a ika miɗ mba, mì tsik ahər a ya, say gà mìsle ŋgiɗ.

Sunwa Yuhana 14:6

I dəba ŋa ya ka, i ŋgataha a gawla Mbulum ŋgiɗ duwa a riŋ ɗevivivvè diriŋ, a be a ndaà gəza mbulum. A dara ka, aà meɗìfè à bazlam ŋgwal ŋa ana a ndze a aà biybiy a. A tsik a ka, a gà mburma ana ika gər ahəɗ a tserdze, ku mege a gà na slàla tar pam, nda gà təv gà mendze tar pampam, kige tsa gà ahəm tar tekeɗe, pampam a.

Sunwa Yuhana 16:14

Gà sitene ata tə dara ka, i təv Əbay tar ŋana ya. Ta gewa ka, gà dukw mene aà mburma ana pampam a. Ti de a a təv gà Əbay gər ahəɗ tserdze. Ti yehe a ter a gər aà mege gùvəl aà Mbulum BATSAH kwa ŋana a za duwa tserdze ya, a pat ana a ta pèt a à ndzəɗa ŋgar a.

Sunwa Yuhana 3:10

Kurum ka, kàa gəsum aà iye ahəm, kàa mərum aba i təv gà mesewere are ya, kamala ana i tsik a kurum a. Aɗaba taŋa, i kesle a kurum a pat gà mesewere are ana ti ti dere a ika miɗ mba ya. Ama ti dere a ka, aka gər gà mburma ana ika gər ahəɗ a tserdze, aà medzìkè à tar.