Mata 23:8 - Bible Zulgo

⁸ Ama kurum ka, wura ma tə zal a kurum <Əbay medzeŋge a mburma> tə tsa. Aɗaba kurum tserdze ka, nda gà damər. Əbay medzeŋge a kurum ka, ilik, tsəka, sula tsa.»

Mata 23:8 ပူးပေါင်းရင်းမြစ်များ

Mata 10:25

Ama aləka wele ana ti ɗifer a à metsehe mba ya, tàa geye akaba nda wele ana a ɗifer à metsehe ya ka, ma ŋgaya ba lele. Na ta ge a dukw ana bəla meme a mala meslire kamala dukw ana ta ge a a mala ga ŋgar a ka, ma ŋgaya ba mbaŋa. Na tàa gwa aà iye ana mala ga ya, *Beldzebul seyiŋ ana, sakwàn gà mburma ana i ma gà ya ya?»

Mata 17:5

I təv ana a riŋ ihər à fèfil a mba ya ka, magùdwagùdwa a tarra aka gər tar a herrè, tits a le a tar. Zàmma tsəka, tə tsarakara iɗəm mifefile i huɗ magùdwagùdwa ata ya, Mbulum a gwaɗa a tarra: «Naha ka, Kəla gà mandərkwasla gà ana i waya hinne ya. Maŋgayaba gà fit dze ka, ika gər ŋgar. Dzum zləm a dukw ana a tsik a kurum a ya.»

Mata 23:10

I dəba ŋa ya asa ka, wura ma ta zal a kurum tsa. Aɗaba batsah kurum ŋa ka, *Kiristi, mala məmbə̀là à mburma ana Mbulum a gwa, i slir a kurumehe a ya ilik pəra.

Mata 23:7

Na tàa da a liwiŋ mburma ibam, a sàs a tar mburma ta ge a tar wusa ka, say nda mazàmbàɗà à tar ɗekɗek. Ta waya ti zel a ter a ka, gà Əbay gà ɓəzla medzeŋge a mburma.

Mata 26:25

Yudas, wele ana a ge ahər a ɗaf a, a tsam ahər, a gwaɗar: «Kù gwa ana, iye kəla ya, Batsah gà ŋa?» Yesuw a gwaɗar aaka: «Haya, kamala ana kà tsik a.»

Mata 26:49

Aləka Yudas a ndzeha a təv Yesuw tsara ka, a sìrìkaha a təv ŋgar. A daha, a gwaɗar: «Wusa Əbay gà.» Dite a ndzìwìɗer ahəm.

Markus 10:51

A daha ka, Yesuw a gwaɗar: «I gek dze ana, dukùla na a sàsak a?» Mala guluf ata a gwaɗar aaka: «Əbay, a sèsiŋ ka, lèmbeɗiŋ are gà te.»

Markus 11:21

Bazlam ana Yesuw a tsik a dizl ɗaf aaha ndeɗiŋa ya ka, aka məts gər a Piyer tsa. A gwaɗa a Yesuw: «Əbay gà, fə̀r kwaŋ, dizl ɗaf aaha kà vəlar mezelme ya ka, aka kula.»

Markus 14:45

Aləka Yudas a ndzeha a təv Yesuw tsara ka, a sìrìkeha a təv ŋgar. A daha, a gwaɗar: «Wusa Əbay gà.» Dite a ndzìwìɗer ahəm.

Markus 9:5

Piyer a ŋgatar kataya ka, a gwaɗa a Yesuw: «Lele Əbay gà, na kwa ɗa i faha ya. Mìi kiriw a kurum a ga makər a faha: ilik biy yak, ilik biy Musa, dite ilik ŋa aaha biy Iliya.»

Luka 22:32

Ama kə̀la ka, Yàa hama a Mbulum agəra kər, dite ka, ka miyak à megìse ana kə̀ gəs ŋgat a kweleŋ tsa. Dite i təv ana, aləka, kàa màra a təv ga ya ka, ki ta vile a ndzəɗa a ba a gà damər yak mba.»

Yuhana 1:38

Wudəgə̀r Yesuw a mbəɗ à ba ka, aka ŋgat a a taraha, tar riŋ ti zezemehe a ŋgat. I dəba ŋa ya, a gwaɗa a tar: «Ki yehwim a là?» Ta gwaɗar: «Kər ana, mandza ŋa ana, i ŋga, Rabi?» Rabi ka, kamala megweɗe ya, mala medzeŋge duwa a mburma.

Yuhana 1:49

Nataniyel a gwaɗar: «Batsah mala mesìnèkè à duwa a mburma, kər ka, Kəla Mbulum. Kər ka, batsah Əbay gà Isərayel.»

Yuhana 11:8

Gà ɓəzla mazazama ŋgat ata ta gwaɗar aaka: «Ee mala medzeŋge mər, aka ndza ka, hinne tsa na gà mburma ana i fataya, ta waya makàlàwà kər nda kur a ka, dite ki mbìɗekwehe a gər a fata asa ana, meme kuɗa ya?»

Yuhana 20:16

Yesuw a gwaɗar aakaha: «Mariya.» Məkəs aaha a tsaraka kataya ka, a mbəɗ ahəm a təv ŋgar, a gwaɗaraha ndaka ahəm tar gà Yahuda: «Rabuni,« kamala megweɗe ya ka, mala medzeŋge mər, a de a dər a təv ŋgar.

Yuhana 3:2

A pat duwa a da a təv Yesuw ndaàvəɗ. A daha, a gwaɗar: «Mala medzeŋge a mburma, mì sər ka, Mbulum na a slərra kər aà mesìnìkè à duwa a mburma ya kaɗəŋ, aɗaba wura a sle a aà mege gà dukw mene aà mburma kamala ana ki gewa ya tsa, na ahər Mbulum a riŋ aà ŋgat tsiye.»

Yuhana 3:26

Aɗaba taŋa, gà ɓəzla mazazama Yuhana ata tə daha a təv ŋgar. Tə daha ka, ta gwaɗar: «Mala medzeŋge a mər, wele ana kà lə̀mum akahər ata ika lìdè dulwa Yurdan, kà ɗe a mər dər a ka, ŋgat a riŋ a tsilwiɓewe a à mburma a yam, dite gà mburma tserdze ti dehe a a təv ŋgar asa ana, meme?»

Yuhana 4:31

I təv ana ndeɗiŋa, məkəs aaha a da iɗəm a, a huɗ kwite ya ka, gà ɓəzla mazazama Yesuw ta hamar, ta gwaɗar: «Mala medzeŋge mər, zəm dukw mezime aaha zaakwa te.»

Yuhana 6:25

Ti ndze aka lìdè duluv ŋgiɗ ka, ti le aà Yesuw a fata kaɗəŋ. Ta gwaɗar: «Mala medzeŋge a mburma, kà dara a faha ya ana, ndeɗime?»

Yuhana 9:2

Gà ɓəzla mazazama Yesuw ta gwaɗar: «Mala medzeŋge a mər, ta wa wele aaha guluf ŋana, aɗaba bakal ŋgar a? Tsəna, agəra biy gà tsir ŋgar a?»

2 Kurintiya 1:24

Ama mər ka, maa ne gà Əbay aà makwàrà kurum nda təv megìse kurum ana kə̀ gəsum a ɓav tsa. Aɗaba mì sər ka, kàa gəsum Yesuw Kiristi nda gəzləŋ kurum ɓəŋɓəŋ lele. Mì waya ka, ki gekwe a megemir nda gà kurum seyiŋ ivaɗ, na dite maŋgayaba kurum à sìkèh a ya.

2 Kurintiya 4:5

I təv ana mìi tsik a bazlam ŋgwal ŋa ata ya ka, mìi tsik a aka gər ba mər ŋa tsa. Mìi tsik a ka, aka gər Yesuw Kiristi. Mì gwaɗawa a tar ka, ŋgat na Batsah ŋa ika gər gà mburma tserdze ya. Mər mì ne ka, gà ɓəzla meslire kurum pəra, aɗaba Yesuw.

EFESIYA 3:15

Gà mburma ŋgar ana i gər ŋa ya, nda gà na ika gər ahəɗ a ka, tar riŋ mandza ŋa i bəra tsir tar, kamala gà ɓəza ana ti ndze a nda gà tsir tar a. Aɗaba ŋgat na a ne Tsir kwa ana ndzer a.

FILIMUN 1:16

Aɗaba ŋgat kinehe ka, kamala ana ɓele ya hiywe asa tsa. Aka ne ŋgwal ŋa. Aka ne ka, damər ma ana ika vatwa Mbulum, ki weyeme a ŋgat hinne ya. Iye ka, mandərkwasla gà, i waya ŋgat hinne. Ama i dzala ka, kər tekeɗe, ki weye a ŋgat, a zè a taŋa. Ka ta waya ŋgat ka, kamala mala megemir yak a pəra tsa. Ki weye a ŋgat ka, kamala damər yak ana ndzer ika vatwa Mbulum a mbaŋa.

YAKUBA 3:1

Gà damər gà, gà mburma ana ika magər kurum a fit tsa na ti ti ne a gà ɓəzla meɗìfè à bazlam Mbulum i ga Mbulum a mburma ya. Aɗaba kà sərum, seriye ana ti ta ge a à kwa, a kwa ana ki ɗifekwe a à guma Mbulum a ka, mawura ba ŋa, à zè a biy gà asiŋ gà mìsle ŋgiɗ.

1 PIYER 5:3

Ka ta kwarum gà mburma ata nda ndzəɗa tsa. Ama zazamum ka, mendze ana ŋgwal ŋa ya, na dite a ɗif a ter a à vatwa, ti zezem a kurum i dəba ya lele ya mbaŋa.

Sunwa Yuhana 1:9

Iye Yuhana, damər kurum na a wetse a kurumaha wakita aaha ya. Iye nda gà kurum ka, kwa mandza ŋa i təv ilik ŋa nda gà Yesuw Kiristi. Aɗaba taŋa, iye kinehe ka, i sèwèr a are kamala kurum a mbaŋa. Iye riŋ ihər i bès a gəzləŋ mesewere are ata nda gà kurum, na dite ki ndzekwe a i *mekwere Mbulum ana a kwere a ya, nda gà kurum tserdze asa mbaŋa ya. Iye ka, ta gəs iye, tə da à iye aka ahəɗ ana malàwàrà ŋa nda yam, tə zalar Patmus a. Megìse ana ta gəs iye ya ka, agəra ana i tsikewa bazlam Mbulum parakkà, i gwaɗawa ka: «Yesuw na a ɗif a kwa à vatwa ndzer ŋana ya.»

Sunwa Yuhana 19:10

I tsaraka kataya ka, i dza gurmits a bəɗ aka miɗ ŋgar, i waya mazàmbàɗà à ŋgat. Ama a gweɗiŋ: «Ki ge kamala taŋa ya tsa. Aɗaba iye tekeɗe ka, mala mege megemir Mbulum taf masakəŋa, kamala kurum ana nda gà damər yak kà zazamum ndzer Yesuw ana a ɗif dər a ya. Seyiŋ tsa, zàmbaɗa ka, à Mbulum ivaɗ.» Ndzer Yesuw ata a ɗif dər a, na a vile a ndzəɗa a gà ɓəzla məma à guma ŋgar a.

Sunwa Yuhana 22:9

Ama ka, aka viliŋ vatwa tsa. A gweɗiŋ asa: «Iye tekeɗe ka, mala meslire Mbulum, kamala kurum ana nda gà damər yak kà màwum à guma ŋgar, kə̀ gə̀sawum ahəm aà gà bazlam ana i huɗ wakita aaha tserdze ya mbaŋa. Ama seyiŋ tsa, zàmbaɗa ka, à Mbulum ivaɗ.»