Mata 23:5 - Bible Zulgo

⁵ Aɗaba megemir tar ana ta ge a ya ka, ika miɗ mburma, dite gà mburma ta fə̀r aà tar, ta gwa ka, tar ka, gà ŋgwal ŋa. Kamala taŋa ya, i təv ana ta heme a a Mbulum a ka, ti ndìwìɗewa gà petek ana slàrra ya a gər, kige tsa aà ahər. Tì dèneye a màdaŋgwàla duwa aka gùva petek tar zigwindindiɓɓe, ti ndze a dər kuɗa ka, ŋgakŋgakəkka asa mbaŋa.

Mata 23:5 ပူးပေါင်းရင်းမြစ်များ

Mata 9:20

I təv ana ti de a ya ka, məkəs duwa a riŋ a sèwèrewa are hinne. Məmbəz a zlalawara ihər a. Aka ge ihər ka, mive kurwa gəra sula dze. A sìrìkeha a təv Yesuw ndaà dəba, a daha, a ləm aà gùva petek ŋgar.

Luka 16:15

Ama Yesuw a gwaɗa a tar aaka: «Kurum ka, gà mburma ana ta ge a duwa ka, ika are mburma ya ɗekɗek a. Ama Mbulum ka, a sər gà gəzləŋ kurum. Aɗaba dukw ana gà mburma ta fir ahər a ŋgwal ŋa lele ndzer a ka, i təv Mbulum ka, ŋgwal ŋa tsa ndeyndey.

Luka 20:47

Tì dzik a gà duwa aà gà madakwa gà məkəs a, nda haram. Dite ta heme a a Mbulum ika miɗ mburma kuɗa ka, vìrìɗìɗɗe, kərga tar ka, gà ŋgwal ŋa, tsaatsa pàrsa. Gà taŋa ka, seriye tar a ta ge a ka, mawùràba ŋa ndeyndey na i təv Mbulum a.»

Yuhana 12:43

A sàs a tar ka, tə da a gər a mburma, mà za biy Mbulum.

Yuhana 5:44

A sàs a kurum ka, mazàmbaɗàyà à ba kurum ɗekɗek pəra. Ama a sàs a kurum mayaha mezlibe ana a dara i təv Mbulum ana ŋgat ilik a tsa. Na kataya ana, dite meme na ki slwim a aà magəsa iye ɗar ɓav a?

Yuhana 7:18

Wur ana a tsik a bazlam ana a dara i madzala gà gər ŋgar a ka, a yehe a ka, meɗè zləm, dite gà mburma tə̀ zlə̀b à ŋgat. Ama wur ana a waya ka, mburma tə̀ zlə̀b à wele ana a slərra ŋgat a ka, ŋgat ka, mala ndzer, bakal i təv ŋgar tsidze.

FILIPIYA 1:15

Ama kəla ka, gà asiŋ ŋa ika magər tar ti tsik a bazlam Yesuw Kiristi ŋgwìriŋŋà, ta ge a are ka, aka iye. Kige tsa a sàs a tar ka, mayaha aà iye ahəm. Ama gà asiŋ gà biy ŋgiɗ ti tsik a bazlam Mbulum ka, nda gəzləŋ ilik.

FILIPIYA 2:3

Ka tə dzalum ka, ba kurum ɗekɗek tsa. Dite ka tə sə̀ŋgə̀rum à ba kurum ɓav tsa asa. Hənum à gər kurum a bəɗ tiɓìzl ivaɗ. Fə̀rum aà gà asiŋ gà mìsle ŋgiɗ kamala ana tar ka, gà ŋgwal ŋa hinne, tə za dər kurum a.

2 TESALUNIKE 2:4

Mala mene are ŋgar ata ka, a ge a gùvəl aà gà dukw ana gà mburma tì zlibe a dər a tserdze, ku mege nda təv Mbulum, mege nda təv dukùla tekeɗe ya. A gweɗe a ka, iye na a za gà dukw ata tserdze ya. Ama ndeyndey ŋa ka, a de a a ga Mbulum Batsah ŋana, a ti ndze a aka təv mendze ana gà mburma tì zlibe a dər a. A gweɗe a ka, iye na Mbulum a.