Mata 23:4 - Bible Zulgo

⁴ Aɗaba tar ka, ta gewe akaba a mibe dukw ana tserdze ya, ìŋgìɓ aka gər mburma. Ama tar ŋana kuɗa ka, idep tì zlèk ahər a mburma tsidze. Ku mege meme tekeɗe, tì lìm ahər a tsa.

Mata 23:4 ပူးပေါင်းရင်းမြစ်များ

Mata 23:23

A kurum gà ɓəzla medzeŋge məpala ahəm Mbulum aaha nda gà Farisa ya, kurum ka, gà ɓəzla mimbèhè are. Ama ka, tuwum ba kurum, aɗaba kurum kà yahawum gər a gà dukw mezime kurum ana i dala ya ka, ku mege dukw ana a ɗe a hinne tsa kwizikw a tekeɗe, ki livwime a kurwa, dite ki vilwim a ihər a Mbulum a ilik. Ama məpala ahəm Mbulum ana ŋgwal ŋa, biy megìse a gəzləŋ nda mezezeme lele ya ka, kà miyakum dər ivaɗ dze ana, meme? Kamala megweɗe ya: Mege dukw ana ndaka vatwa ŋa ya, nda mege dukw ana ŋgwal ŋa ya a mburma, dite magəsa Mbulum nda gəzləŋ. Ana ka, ki gwim a gà taŋa dzekwiŋ, na dite ki gwim a gà naha kuɗa mbaŋa ya.»

Mata 23:3

Aɗaba taŋa, dukw ana tàa tsik a kurum a ka, gwim taŋa, gəsum aà tar ahəm lele. Ama kəla ka, ka tə zazamum dukw tar ana ta ge a ya tsa. Aɗaba dukw ana ti ɗif a dər a mburma ya ka, tar ŋa ta ge a ndaka vatwa ŋa tsa.

Luka 11:46

Yesuw a gwaɗar aaka: «A kurum gà ɓəzla medzeŋge məpala ahəm Mbulum, waya ba kurum a mbaŋa. Aɗaba kà ndzìkìɗwim ba ka, gà mburma ana tì dzèye a gà mibe gà duwa ə̀ŋgiɓ aka gər mburma, tar ŋa kuɗa ka, ìnets tì lìme ahər a tsidze ya.

Gà Ɓəzla Meslire 15:10

Aàmala na ki nwim a bakal à Mbulum nda məfàrà ndzəɗa aka gà mburma ŋgar, dite tə zla ka, say dukw ana mibe ŋa ya ya? Araha, kwets kwa ŋa ana i gwala kwa ya tekeɗe, kà mbàkwa aà mazla ŋa tsiye.

Gà Ɓəzla Meslire 15:28

Aɗaba mər tserdze nda gà Mezite Mesife Mbulum na mì tsik akaba bazlam ŋa ya. Mì gwa, a sàs a mər mìi tike aka kurum a dukw ana a be hinne ya tsa. Ama a sàs a mər kə̀la ka, ki zezemwim a dukw ana a da ndaka vatwa ŋa ya.

GALATIYA 6:13

Ama gà mburma ata ta waya masàsà ba hinne ya tekeɗe, tar ŋa ka, ti tike gər a məpala ahəm gà Yahuda tèrihhwè ɓav tsa. Ama a sàs a tar ki seswim a ba kurum ka, na dite ti sìŋgìr a à ba tar aɗaba kurum a.

1 Yuhana 5:3

Na kà wayakwa Mbulum nda ndzer ka, kamala megweɗe ya, say ki gekwe a dukw ana a tsik a kwe a ya mbaŋa. Aɗaba gà məpala ahəm ŋgar ata ka, mawùràba aà mazazama ŋa tsa.

Sunwa Yuhana 2:24

Ama kurum gà asiŋ ana i Tiyatira ya, kurum ka, kàa zazamum guma məkəs ata tə tsa. Kurum ka, kà sinikwim à dukw ata ta gwa ahər, makàhà ŋa i huɗ ŋa ka, biy Əbay sitene ya tsa. Aɗaba taŋa, duwa ŋgiɗ a riŋ na aà metsike a kurum, dite ki gwim a ya ka, a riŋ asa tsa, say dukw ata pəra.