Mata 22:5 - Bible Zulgo

⁵ Ama gà mburma ata tə zal a taraha ya ka, tàa dza bazlam tar ata aà zləm tsa, tə daya ba a gà megemir tar pampam hinne. Mìsle ŋgiɗ a daba a gùvàh ŋgar. Mìsle ŋgiɗ asa, a daba a kwaskwa aà madzàwà à gà dukw ŋgar.

Mata 22:5 ပူးပေါင်းရင်းမြစ်များ

Mata 13:22

Gà mìsle ŋgiɗ pam asa ka, ti ndzikiɗ ba wur daw ata a dza aà huɗ adak a. Ti tsereke a bazlam Mbulum, ama madzala gà gər mesewere are a be a tar i gəzləŋ a hinne. Tar ihər ti dzele a gà gər aka limana, a bene a tar. Aɗaba taŋa gà dukw ata tserdze ya ka, ta bets a bazlam Mbulum i gəzləŋ tar a. Ta gis a ka, gà dukw ata ɗekɗek. Bazlam Mbulum a ge a ter a ŋgulum asa tsa.

Mata 22:4

I dəba ŋa ya, a slər gà mìsle ŋgiɗ asa. A gwaɗa a tar:

Mata 22:6

Dite gà mìsle ŋgiɗ gà mezehe ŋana, ta gasa gà ɓəzla meslire Əbay aaha ndeɗiŋa ya, tə ndavaya a tar pìslìɗìɗe. Ta bats tar fit a biye.

Yuhana 2:16

I dəba ŋa ya, a gwaɗa a gà ɓəzla madzàwà à gà huɗgum ata: «Ndzəkum gà dukw aaha i faha ya, ka dum. Kà nwim à ga Tsir gà ka, ga tsakala tsa.»

Gà Ɓəzla Meslire 2:13

Ama gà mìsle ŋgiɗ pam ka, tə dza ba aà masàwlà aà gà ɓəzla magəsa Yesuw ata. Ta gwa: «Tar ka, gà ɓəzla mekweye.»

Gà Ɓəzla Meslire 24:25

Aləka Pul a daha ka, a dza ba aà mifefile a tar. A ɗif a tar à duwa pampam hinne. Ti ta metsereke dukw ana ta ge a nda ndzer a, nda magəsa gəzləŋ, dite nda seriye ana a dere a ika miɗ mba ya ka, Filikus a ge magəɗa hinne, a gwaɗa a Pul: «Yaw, taŋa ka, ki sle a aà medeba na kinehe ya. Aka təv ana Yàa ŋgat vatwa ka, i mèkehe a à mezele asa.»

RUMA 2:4

Dze ana, ki fìrwim a aà Mbulum kamala za ya, agəra ŋgwal ŋgar ana batsah ŋa ya ivaɗ a? Kige tsa agəra ana aka gəs gəzləŋ hinne aɗaba bakal kwa ana ki gekwa ya ya. Kurum kà sərum, Mbulum a ge a kurum ŋgwal ŋa, dite na kàa sərum ahər kataya ka, ki mbiɗwim a à madzala gà gər kurum i təv ŋgar a ivaɗ ana, kà sərum ti tsiye?

RUMA 8:6

Aɗaba na wura a dzele a dukw ana ba ŋgar a waya ya ɗekɗek ka, à mìtiŋa. Ama wur ana a dzele a dukw ana Mezite Mesife Mbulum a waya ya ka, Mbulum a viler a mesife ndzer ŋana, nda matasla yam zayya a gəzləŋ ŋgar.

2 TIMUTE 3:4

Ti dzewe a à mburma a gà ɓəzla mene are tar. Dite tar ka, dukw ana tàa tsik i sida ya, tàa gwa, mìi ge a ya ka, ta ge a tsa. Tì sìkèh a à ba ka, hinne, ta weye a Mbulum tsa. Ta weye a ka, ba tar ɗekɗek ivaɗ.

IBƏRANIKWA 2:3

Na Mbulum aka sèwèr a tar are kataya dze ana, kà dzalakwa ana, kwa ana pam a, na ki fìrekwe a aà ŋgwal vatwa ana a mbil a dər à kwa ya ka, kamala dukw taf masakəŋa ya? Yesuw Kiristi BATSAH kwa ŋa nda gər ŋgar aka lah metsìkè a kwa, meme na Mbulum a ta mbil a kwa ya. Gà na tə tsaraka bazlam ŋgar ata ya, dite ka, ta mà a kwa dər, ta gwa ka, bazlam ŋgar ata ka, ndzer kaɗəŋ, pàrsa iɗəm tsa.

2 Piyer 2:3

Gà ɓəzla medzeŋge a mburma nda pàrsa ata ka, ta geye a are aka dukw mburma hiywe pəra. Ta bene a kurum nda wirwir, tì ses a pàrsa, na dite ki dzwìm a ter a siŋgwe ya. Daga piŋŋe, Mbulum ana ŋgat mala masàsà ikaba seriye mburma ya ka, aka hadzal ba aà mege a tar seriye. Pat ana a dzeye a à tar fit a ka, aka à mendze aɗəm.