Mata 22:17 - Bible Zulgo

¹⁷ Aɗaba taŋa, tsik a mər madzala gà gər yak te kwaŋ: Wànà məpala ahəm kwa dze ana, aka vəl vatwa aà mandza hadam a Əbay gà Ruma ana a kwere a kwa ya ya, tsəna, aka vəl tsiye?»

Mata 22:17 ပူးပေါင်းရင်းမြစ်များ

Mata 17:25

Piyer a gwaɗa a tar aaka: «A dze a mbaŋa.» I fataya tsara ka, Piyer a da a ga a təv Yesuw. A daha ka, Yesuw a lah mifèfiler. A gwaɗar: «Kər kà dzala ana, meme, Simun? Wànà gà Əbay tə ndzə̀kawa hadam, nda gà bəla gà dùwan, tə ndzə̀kawa siŋgwe ana, aà gà weke ya? Wànà aà gà gwala tar a ya, tsəna, aà gà slele ya ya?»

Mata 22:18

Ama Yesuw a sər a taraha aka dukw ana tə dzala i gər tar a tsara. I dəba ŋa ya, a gwaɗa a tar: «A kurum gà ɓəzla mimbèhè are. Aàmala na ki dzwìm a ba aà iye kataya ya?

Luka 2:1

Akahər ata ta wa Yuhana metsìlwìɓè à mburma a yam ka, Agustus ŋgat batsah Əbay ana a kwere a ahəɗ gà Ruma ya. Əbay ata a gwaɗa a gà gawla ŋgar: «Ɗamum gà mburma ana ika ahəɗ ga ya fit dze.»

Luka 20:22

Aɗaba taŋa, tsik a mər məpala ahəm Mbulum kwa kwaŋ, dze ana, wànà aka vəl vatwa aà mandza hadam a batsah Əbay gà Ruma ana a kwere a kwa ya, tsəna, aka vəl tsiye?»

Luka 3:1

Akahər ata Yuhana a pàt à ba ŋgar ka, Tiberiyus ŋgat batsah Əbay ana a kwere a ahəɗ gà Ruma ya. Aka ve iɗəm kurwa gəra ə̀zləm. Ŋgat na a tike aɗəm Puntiyus Pilatus ana a kwere a ahəɗ gà Yuda ya. *Hiridus i ŋgar ka, ŋgat a riŋ a kwere a ahəɗ Galile. Damər ŋgar Filip ibam, a riŋ a kwere a gà ahəɗ gà Ituriya nda Tərakunitis. Lisaniyas i ŋgar, Əbay gà mburma ana ika ahəɗ Abilen a.

Gà Ɓəzla Meslire 17:7

Araha, Yasun tekeɗe, a gəs aaba tar aà mendze i ma ŋgar. Aɗaba gà mburma ata tserdze ya, ti tsik aka dukw ana a sàs a Əbay kwa ana i Ruma, a kwere a ahəɗ aaha tsiye. Aɗaba ta gwa ka, batsah Əbay ŋgiɗ a riŋ asa, zləm ŋgar Yesuw dze ana, meme?»

Gà Ɓəzla Meslire 25:8

Bazlam tar ata a ndəv ka, Pul a fàfəl ikaba ya te. A gwaɗa a tar: «Yàa ge bakal duwa nda təv məpala ahəm Musa tsa, kige tsa nda təv ga Mbulum batsah ŋa ana i Yeruzalem a tsa, dite kige tsa nda təv batsah Əbay gà Ruma tsidze asa mbaŋa.»

Gà Ɓəzla Meslire 28:22

Ama a sàs a mər metsereke dukw ana kà dzala ya dzekwiŋ. Aɗaba mì sər, ku i ŋga tserdze, gà mburma ta fèfil a ka, ŋgwal ŋa tsa aka dukw kurum ana ki zezemwim a kinehe ya.»

Gà Ɓəzla Meslire 5:37

I dəba ŋgat a ka, wele ŋgiɗ a riŋ ilik, a tike aɗəm ba i təv ana tar riŋ ta wetse a mburma ya. Tə zalar Yudas gà Galile. A ndzək mburma hinne aà mendzwil. Ama tàa kəɗ ŋgat asa mbaŋa. Gà mburma ana tə zazam ŋgat a, tə tə̀z ihər a asa.