Mata 22:16 - Bible Zulgo

¹⁶ I dəba mandza akaba ahəm tar ata ya ka, tə slər gà mburma tar, tə da akaba nda gà mburma *Hiridus i ŋgal a təv Yesuw. Tə daha ka, ta gwaɗar: «Əbay, mì sər kər ka, mala ndzer ŋa, kər ihər ki ɗif a à vatwa Mbulum ka, nda ndzer ŋa, aɗaba ki ge a magəɗa a dukw ana gà mburma ti dzele a ya tsa, aɗaba ki ge a gər a gà mburma ana ti ne gà ŋgwal ŋa ika miɗ mburma ya tsa.

Mata 22:16 ပူးပေါင်းရင်းမြစ်များ

Mata 22:24

Ta gwaɗar: «Əbay mər, Musa a gwa i təv məpala ahəm Mbulum a ka: *fa*

Mata 22:26

I dəba ŋa ya, damər ŋgar ata tekeɗe, aka wa ahər kəla ɓav tsa. Damər tar məmakər ŋana tekeɗe, a zazəɗ dər asa mbaŋa, haa tar ata təsəla ya, tàa zazaɗa à məkəs ata tserdze. Ama ka, ilik tàa wa ahər kəla tsa.

Mata 26:18

A gwaɗa a tar: «Dumaha a huɗ kwite a təv wele duwa a riŋ ka, gwaɗumar: <Əbay mər a gwa ka, mendze gà a riŋ hinne asa tsa. Aɗaba a sèsiŋ ka, mìi dehe a, mìi zim a ɗaf Paska a ma yak nda gà ɓəzla mazazama iye.> «

Mata 26:49

Aləka Yudas a ndzeha a təv Yesuw tsara ka, a sìrìkaha a təv ŋgar. A daha, a gwaɗar: «Wusa Əbay gà.» Dite a ndzìwìɗer ahəm.

Markus 10:17

I dəba ŋa ya, Yesuw à meh a ba. I təv ana a riŋ a de a ya ka, wele duwa a riŋ a valaha a təv ŋgar. A làhar a bəɗ, a dzar gurmits a biye aka miɗ ŋgar. A gwaɗar: «Əbay gà, kər na ŋgwal ŋa ya. I ge a dze ana, là, na dite i ŋget a mesife ana à ndìv a tsa aà biybiy a?»

Markus 12:13

I dəba ŋa ya, gà mburma ata tə sləraha gà *Farisa duwa nda gà mburma *Hiridus əŋgal a təv Yesuw, aɗaba a sàs a tar maslàlà à ŋgat i yam a.

Markus 12:14

Tə daha ka, ta gwaɗar: «Əbay, mì sər, kər ka, mala ndzer ŋa, ki ge a magəɗa a dukw ana gà mburma ti dzele a ya tsa, aɗaba ki ge a gər a gà mburma ana ti ne gà ŋgwal ŋa ika miɗ mburma ya tsa. Ama kər ihər ki ɗif a à vatwa Mbulum ka, nda ndzer ŋa. Aɗaba taŋa, tsik a mər məpala ahəm kwa kwaŋ, dze ana, wànà aka vəl vatwa aà mandza hadam a batsah Əbay gà Ruma ana a kwere a kwa ya ya? Tsəna, aka vəl tsiye? Mì dzar a, wànà mì dzar tsiye?»

Markus 3:6

Gà mburma ata ta ŋgatar kataya tsara ka, gà *Farisa ana i liwiŋ tar a, ta wiyera ba i ga mahàmà a Mbulum ata ya sùtùtùtwara a bəra ya. Tə dara i fataya ka, tə da a təv gà mburma Əbay *Hiridus tsara. Tə daha ka, ta mà akaba à bazlam ika magər tar. Ta gwa: «Meme na ki slekwe a aà medzeye à mesife Yesuw a?»

Markus 8:15

Aləka i dəba ŋa ya, Yesuw a be a tar à ɗaf. A gwaɗa a tar: «Gwim metsehe agəra giɗe gà Farisa nda biy Hiridus ana a kwasawa à duwa ya, lele.»

Luka 20:21

Tə daha, ta wiz ahər bazlam, ta gwaɗar: «Əbay, mì sər kər ka, mala ndzer ŋa. Ki ge a magəɗa a dukw ana gà mburma ti dzele a ya tsa. Ku mege tar gà ŋgwal ŋa ika miɗ mburma tekeɗe, ama kər ihər ki ɗif a à vatwa Mbulum ka, nda ndzer ŋa.

Luka 7:40

Ama Yesuw aka səraraha aka madzala gà gər ŋgar ata tsara. A gwaɗar: «Simun, duwa a riŋ ilik i tsikikiŋa.» Simun a gwaɗar aaka: «Haya, fàfəl, Əbay gà.»

Yuhana 14:6

Yesuw a gwaɗar aaka: «Iye na a ne vatwa ata ya. Ki ŋgetwim a ndzer nda mesife ka, i təv ga ya mbaŋa. Wura a sle a aà mede a təv Tsir gà tsa, say na nda təv ga ilik tsiye.

Yuhana 18:37

Pilatus a gwaɗar aaka: «Tsaka kər ana Əbay dukw ŋgar a?» Yesuw a gwaɗar: «Kataya, iye ka, Əbay kaɗəŋ, kamala ana kà tsik a. I dara ka, aà metsìkè dukw ana ndzer ŋa ya, a gà mburma. Aɗaba taŋa na ta wa ɗa iye ika gər ahəɗ a. Wele ana a sasar ndzer ŋa ya ka, à dze a zləm a dukw ana i tsik a ya.»

Yuhana 7:18

Wur ana a tsik a bazlam ana a dara i madzala gà gər ŋgar a ka, a yehe a ka, meɗè zləm, dite gà mburma tə̀ zlə̀b à ŋgat. Ama wur ana a waya ka, mburma tə̀ zlə̀b à wele ana a slərra ŋgat a ka, ŋgat ka, mala ndzer, bakal i təv ŋgar tsidze.

2 Kurintiya 2:17

Ama mər ka, mìi sle a aà mege ŋa, agəra ana Mbulum a slər ahər mər a, tsəka, mìi sle a ɓav tsa. Aɗaba gà mburma hinne, na ti tsikewa bazlam Mbulum a mburma ka, ta fə̀r ahər kamala dukw metsèkèle ya. A sàs a tar aà maŋgata dər nuba. Ama mər ka, mì gewa dər kamala taŋa ya tsa. Mì tsikewa bazlam ŋgar a mburma ka, nda gəzləŋ ilik ika miɗ ŋgar, agəra ana mər ka, gà ɓəzla meslire Kiristi ya.

2 Kurintiya 4:2

Maa niw gà dukw ana mburma ta ge a nda wirwir kìtsèh kìtsèh, a ndeɗe aka mər a hwarwa ya tserdze. Mər ka, mìi kèhe a dukw ana mìi ge a ya tsa. Dite mìi bene a mburma, kige tsa mìi mbìɗ a à bazlam Mbulum tsa asa mbaŋa. Ama mìi ɗif a ka, à ndzer ŋana parakkà ivaɗ. Mì waya ka, ku weke mà sər dər, bazlam ana mìi tsik a ya ka, ika miɗ Mbulum ndzer, pàrsa iɗəm tsa.

2 Kurintiya 5:16

Aɗaba taŋa, mər kinehe ka, mìi fir a aà gà dukw ana mburma ta ge a i metìkè ba tar ana nda bəra pampam asa ya tsa. Akahər ata piŋŋe ka, maa ge kataya kaɗəŋ, maa fə̀r aà Kiristi kamala taŋa ya. Ama kinehe ka, pam, tsəka, mìi ge a dər kamala taŋa ya asa tsa.

GALATIYA 1:10

Kurum kà dzalum, i tsik taŋa dze ana, na dite gà mburma tə̀ zlə̀b à iye ya? Awaŋ, kataya tsa. A sèsiŋ ka, na Mbulum à zlibe a à iye ya. Kurum kù gwaɗum, dukw ata i ge a kataya ana, na dite i da a gər a mburma ya ya? Awaŋ, i ge a ka, meslire Yesuw Kiristi na iye ya. Aɗaba na mege i waya matsahəna aà mburma hiywe mba ka, ana ka, i ge a meslire ŋgar tsa.

GALATIYA 2:6

I təv ana i ɗifewa a tar à bazlam ŋgwal ŋa ata i tsikewa ya ka, gà na ta fə̀rawa aà tar kamala gà bàba ŋa ika magər gà mburma Mbulum a ka, tàa tsikiŋ aaka bazlam ŋgiɗ awiya ŋa tsidze. Ama ku mege tar gà bàba ŋa, mege tar gà ɓəzla dəba tekeɗe ana, əla gà te ya. Aɗaba gà mburma tserdze ika miɗ Mbulum ka, ilik, tsəka, pampam tsa.

1 TESALUNIKE 2:4

Ama mì tsik ka, dukw ana a sàs a Mbulum mì ɗif a tar dər a ivaɗ. Aɗaba a samata, mər ka, mì tsahən ahər, na dite a vəl a mər bazlam ŋgwal ŋa ata a ahər, mì ɗif a dər a mburma ya. I təv ana mì tsikewa ya ka, a sàs a mər, dite na mì da a gər a mburma ya tsa. Ama mì waya ka, na mìi de a a gər a Mbulum a ivaɗ. Ŋgat na a sər dukw ana i gəzləŋ mər tserdze ya.

YAKUBA 3:17

Ama metsehe ana ndzer ŋa a dere a i təv Mbulum i gər ŋa ya ka, pam, tsəka, duwa a riŋ ihər manəsa ŋa tsa. A ndze a ka, tsəɗaŋŋa. Na wura a ndze a nda gà medzibe metsehe ata i gəzləŋ ŋgar ka, a zlere a mandza zayzay a, nda masə̀ràba ya, nda gà magəsa aba ahəm a. Dite ŋgat asa ka, mburma a ndzer a are tsehe hinne. A ge a ka, dukw ana ŋgwal ŋa ya kəla pat. A wele a ikaba mburma ya tsa. Melèvekè nda məbànà mburma i təv ŋgar tsa asa mbaŋa.

1 Yuhana 5:20

Kà sərakwa dər asa ka, Kəla Mbulum a dara aka gər ahəɗ a ka, a vəl a kwa metsehe, na dite ka, kà sərakwa Mbulum ndzer ŋana ya. Kà ndzakwa i təv ilik ŋa nda gà Mbulum ndzer ŋana ka, agəra ana kà ndzakwa i təv ilik ŋa nda gà Yesuw Kəla ŋgar a mbaŋa, kàa gawakwa ba ya. Ŋgat na Mbulum ndzer ŋana ya, dite ŋgat asa na a vəl a kwa mesife ana à ndìv a tsa aà biybiy a asa mbaŋa.