Mata 21:11 - Bible Zulgo

¹¹ Ama mayahaba gər gà mburma ata tə dəɗ aakaha ya, ta gwaɗa a tar: «Naha ka, Yesuw, mala məma à guma Mbulum ana a dara i Nazaret, ika ahəɗ Galile ya.»

Mata 21:11 ပူးပေါင်းရင်းမြစ်များ

Mata 2:23

A ndzawa riŋ i kwite ana tə zalar Nazaret a i fata. Kamala taŋa ya, dukw ana gà ɓəzla məma à guma Mbulum ti tsik akahər ata ya ka, aka ge ba kaɗəŋ. Ta gwa: «Ti ti zel a a kəla ata ka, gà Nazaret.»

Mata 21:10

Zàkwayiya ka, Yesuw a ndze a Yeruzalem. A ndzeha a fata ka, gà mburma ana i huɗ batsah kwite ata ya tserdze, gər a wise a tar. Ta mà akaba à bazlam. Ta gwa: «Weke na naha a dere a a huɗ kwite kamala taŋa ya?»

Mata 21:26

Ama na kù gwaɗakwar: Gà mburma na tə slər ahər ŋgat a ka, a ge a ba tsa asa. Aɗaba gà asiŋ gà mburma hinne ika magər kwa aaha, ta gwa, Yuhana ka, mala məma à guma Mbulum, ta miyek a à kwa tsa asa.»

Mata 21:46

I fataya tsara ka, ti yaha vatwa aà magəsa Yesuw. Ama ka, magəɗa a ge a tar aà magəsa ŋa. Aɗaba gà mburma a riŋ hinne i fata, ta fə̀r aà ŋgat ka, mala məma à guma Mbulum ndzer. e

Markus 6:15

Gà mìsle ŋgiɗ ibam, ta gwa ahər: «Iliya, mala məma à guma Mbulum ana akahər ata ya.» Gà mìsle ŋgiɗ ibam asa, ta gwa ahər: «Wele aka ka, i liwiŋ gà bàba gà ɓəzla məma à guma Mbulum ana akahər ata ya» mbaŋa.

Luka 13:33

Ama ka, i de a à megemir ŋa aka miɗ mbakum nda ndidwe, dite ndidwe aaka asa. Aɗaba a da dər tsa na ta kiɗ a mala məma à guma Mbulum i təv ŋgiɗ pam a, na i Yeruzalem asa tsiye ya.> «

Luka 24:19

Yesuw a gwaɗar a tar: «Gà dukùla na a ge ba ya?» Ta gwaɗar aaka: «Dukw ana a ge ba nda təv Yesuw gà Nazaret ana mala məma à guma Mbulum a. Aɗaba ŋgat ka, ndzəɗa ŋa hinne nda təv megemir, ku mege nda təv bazlam ika miɗ Mbulum a, dite ika miɗ mburma tserdze tekeɗe ya.

Luka 7:16

Dukw ata Yesuw a ge ya ka, a ge magəɗa a gà mburma ata i fata tserdze ya hinne. Tə zàmbaɗa aà Mbulum. Ta gwaɗawa: «Batsah mala məma à guma Mbulum aka dara aka magər kwa ya. Dite Mbulum aka dara, aà mazlàkà gà mburma ŋgar a mbaŋa asa.»

Luka 7:39

Farisa ana a zal a Yesuw a, a ŋgat a məkəs ata a leme ahər a ya tsara ka, a gwa i gər ŋgar ka: «Na wele aaha ka, mala məma à guma Mbulum ndzer ka, a sir a məkəs aaha a ləm ahər a ka, mala bakal, a delewe a aba ŋgat a.»

Yuhana 1:21

Tə tsaraka bazlam ŋgar ata kataya ka, ta gwaɗar: «Kər ana, weke? Kər ana, Iliya ana akahər ata ya ya?»*fa* Yuhana a gwaɗa a tar aaka asa: «Iye ka, ŋgat tsa.» Ta gwaɗar aakaha asa mbaŋa: «Kər ana, mala məma à guma Mbulum ata Mbulum a gwa, i ti slir a kurumehe a ya ya?»*fb* A gwaɗa a tar aaka: «Awaŋ, iye ka, ŋgat tsa.»

Yuhana 1:25

Tə daha, ta gwaɗar: «Na kər Kiristi tsa, dite kər Iliya tsa, nda gà kər mala məma à guma Mbulum ata tsidze ana, aàmala na ki tsilwiɓ a à mburma a yam a?»

Yuhana 4:19

Məkəs ata a gwaɗar: «Əbay, i sər ka, kər mala məma à guma Mbulum.

Yuhana 6:14

Gà mburma ata i fataya, ta ŋgat a dukw mene aà mburma ata Yesuw a ge ya ka, ta gwa: «Wele aaha ka, mala məma à guma Mbulum ana ta gwa, a dere a aka gər ahəɗ a ndzer kaɗəŋ.»

Yuhana 7:40

Gà mìsle ŋgiɗ ika magər gà mburma ata tə tsaraka bazlam ata tsara ka, ta gwa: «Wele aaka ka, mala məma à guma Mbulum ana ndzer, Mbulum a gwa, i slir a kurumehe a ya.»

Yuhana 9:17

Gà Farisa ta gwaɗa a wele ana are ŋgar a hə̀ndə̀k ba ya asa: «Dite kər a gè, kù gwa aà wele ana a hə̀ndə̀k are yak ana, meme?» A gwaɗa a tar: «I gweɗe a là, ŋgat ka, mala məma à guma Mbulum ndzer.»

Gà Ɓəzla Meslire 7:37

Musa aaha asa na a gwaɗa gà Isərayel ka: *fo*