Mata 20:26 - Bible Zulgo

²⁶ Ama taŋa ka, a de a tsa na ika magər kurum a. Na aka sàs a wura aà mene batsah Əbay i təv Mbulum ka, say ma ne mala meslire i liwiŋ kurum ivaɗ.

Mata 20:26 ပူးပေါင်းရင်းမြစ်များ

Mata 20:27

Na aka sàs a wura i liwiŋ kurum mene mala aka miɗ ka, say ma ne ɓele ika miɗ kurum tserdze i təv magəsa ahəm a.

Mata 25:44

I dəba ŋa ya, tar tekeɗe, ta gweɗiŋ a mbaŋa: <Əbay mər, ndeɗime na mì ŋgatak ka, may a wir aà kəriŋa, kige tsa yam a kiɗ a kər, nda gà kər mbəlakw ŋa, kige tsa, petek aà kər tsiye? Dite asa mì ŋgatak ka, kər i dukw məməta, nda gà kər i ga daŋgay ka, maa daha, maa gek gər tsa asa ya?>

Mata 27:55

Akahər ata ka, gà məkəs duwa tar riŋ hinne i fata mbaŋa. Ta hitse dzìrìk diriŋ nda təv tar ata zaakwa, aà məfəraha aà tar. Gà məkəs ata tserdze ya ka, tə zazamaha Yesuw daga aà gər ana ŋgat ika ahəɗ Galile mba ya. Aɗaba ta gewar megemir lele, ti dewar ɗaf.

Markus 10:43

Ama taŋa ka, a de a tsa na ika magər kurum a. Na aka sàs a wura aà mene batsah Əbay i təv Mbulum ka, say ma ne mala meslire i liwiŋ kurum ivaɗ.

Markus 10:45

Aɗaba iye, *wur ana a dara i təv Mbulum a tekeɗe, i dara ka, aà mazlàkà mburma ya, tsəka, mburma tsa na mà zlak iye ya. Iye i dzeye a à mesife gà ka, aà mumbùrùɗà dərra mburma i bakal a.»

Markus 9:35

Yaw, Yesuw a ndza a bəɗ. A zal a gà ɓəzla mazazama ŋgat aaha kurwa gəra sula ya. A gwaɗa a tar: «Na aka sàs a wura aà mene mala aka miɗ i magər mburma ka, say ma ne à ba ŋgar mala dəba mburma tserdze, dite ma ne mala meslire tar asa. Wur ana aka ge dər kataya ya ka, a sir a dər, aka ne mala aka miɗ ndzer ŋa ana ika miɗ Mbulum a.»

Luka 18:14

Yesuw a gwaɗa a tar asa: «Iye ihər i gweɗe a kurum ŋa: Mala dùwan aaha, aləka a da a ma ka, aka mbər mene ŋgwal ŋa ika miɗ Mbulum, bakal ŋgar aka pəl kuɗa. Ama Farisa aaha ka, ŋgat ka, a ne ŋgwal ŋa tsa. Aɗaba na wura a sasar, tə zalar batsah ŋa ka, Mbulum a ne a ŋgat kəla ŋa ivaɗ. Ama wur ana aka ne à ba ŋgar kwizikw ika miɗ mburma ya ka, Mbulum a ne a ŋgat batsah ŋa asa mbaŋa.»

Luka 22:26

Ama i təv kurum ka, kataya tə tsa. Wur ana aka sasar mene batsah ŋa ika magər kurum a ka, say ma ne à gər ŋgar kə̀la ŋa ivaɗ. Dite wur ana a sasar makwàrà mburma ya ka, say ma ne mala meslire kurum ivaɗ asa.

Yuhana 18:36

Yesuw a gwaɗar aaka: «Iye ka, Əbay ana ɗa ika gər ahəɗ a tsa. Na mege kataya ka, gà ɓəzla meslire gà ta ge a gùvəl hinne, aɗaba iye, wura à gis a iye a gà bàba gà Yahuda tsa. Ama iye ka, Əbay ana ɗa ika gər ahəɗ a tətsà.»

Gà Ɓəzla Meslire 13:5

Ti ndzeha a kwite ŋa a riŋ iɗəm i fata, tə zalar Salamis ka, tə dza ba aà metsìkè bazlam Mbulum i gà ga mahàmà a Mbulum gà Yahuda ana a riŋ i fata pampam a. I huɗ mesìweye tar ata tserdze ya ka, tar riŋ nda gà Yuhana Markus. Tə zla dər ŋgat aà ahər, dite mà zlàkawa tar aà megemir ŋa.

2 Kurintiya 1:24

Ama mər ka, maa ne gà Əbay aà makwàrà kurum nda təv megìse kurum ana kə̀ gəsum a ɓav tsa. Aɗaba mì sər ka, kàa gəsum Yesuw Kiristi nda gəzləŋ kurum ɓəŋɓəŋ lele. Mì waya ka, ki gekwe a megemir nda gà kurum seyiŋ ivaɗ, na dite maŋgayaba kurum à sìkèh a ya.

2 TIMUTE 1:18

Ama kər nda gər yak ka, kà sər dər lele mbaŋa, meme na akahər ata a giŋ ŋgwal ŋa hinne i kwite Efesiya ya. BATSAH kwa ŋa mà zlak ŋgat, na dite a ndze are tsehe a Mbulum a pat seriye ŋgar a.

FILIMUN 1:13

I waya zləmana ka, ma ndza ɗa i təv ga i daŋgay ana ta gəs iye aɗaba bazlam ŋgwal ŋa ata ya, mà zlak iye, avukw kər ana ki zlèk a iye ya.

IBƏRANIKWA 1:14

Dite gà gawla Mbulum dze ana, gà dukùla? Tar ka, gà ɓəzla megemir Mbulum ɗekɗek pəra, a slir a tar aà mazlàkà gà mburma ana a sasar ta mbala ya.

1 PIYER 4:11

Na wura aka ŋgat ndzəɗa aà metsìkè bazlam ka, ma tsik kamala na Mbulum a tsiker a ika arah a, tsəka, ma zle ahər biy ŋgar pam tsa. Wele ana à zlèk a mburma ya ibam, à zlèk a ka, nda ndzəɗa ana Mbulum a vəlar a mbaŋa. I huɗ gà dukw ana ki gwim a tserdze ya ka, mezembeɗe ma ge ka, biy Mbulum, aɗaba ana kə̀ gəsum Yesuw Kiristi ya. Ŋgat ka, aka ŋgat ndzəɗa ika gər gà duwa ya tserdze aà biybiy, nda gà vatwa mezlibe ana gà mburma tì zlibe à ŋgat a. *Amin.

1 PIYER 5:3

Ka ta kwarum gà mburma ata nda ndzəɗa tsa. Ama zazamum ka, mendze ana ŋgwal ŋa ya, na dite a ɗif a ter a à vatwa, ti zezem a kurum i dəba ya lele ya mbaŋa.

Sunwa Yuhana 17:6

I samata məkəs ata ka, makwàyà ŋa nda məmbəz gà mburma Mbulum ana a sa ya. Ta batsaya gà mburma ata ka, aɗaba ana ti ɗifewa à zləm Yesuw parakkà ya. Dite məkəs ata ka, a sa məmbəz tar. I ŋgatar ka, a ge aà iye kamala dukw mene aà mburma ya hinne.