Mata 20:20 - Bible Zulgo

²⁰ I dəba ŋa ya, məkəs Zebede a da a təv Yesuw, tar nda gà ɓəza ŋgar. A daha ka, a dza gurmits a bəɗ aka miɗ ŋgar, a hamar hinne, a sasar mewize ahər duwa.

Mata 20:20 ပူးပေါင်းရင်းမြစ်များ

Mata 10:2

Zləm gà ɓəzla meslire ata a zal a tar kurwa gəra sula ya ka, malahalah ŋa Simun ana ti ɗer Piyer a, nda damər ŋgar Andire, dite gà Zakup ibam, nda damər ŋgar Yuhana, gà ɓəza Zebede.

Mata 14:33

Ama gà asiŋ gà ɓəzla mazazama ŋgat aaha i slə̀làh yam a, ta ŋgatar kataya ka, tə dzar gurmits a bəɗ lele. Ta gwaɗar: «Kər ka, Kəla Mbulum kaɗəŋ ndzer.»

Mata 15:25

Ama məkəs ata a daha, a dza gurmits a bəɗ aka miɗ ŋgar, a hamar hinne asa. A gwaɗar: «Zlak iye te, Əbay gà.»

Mata 2:11

Tə daha, ta pəts a ga ana ta ŋgat iɗəm gà kəla ata nda məmər ŋgar Mariya ya. Tə daha, tə dzar gurmits a bəɗ, tə zàmbaɗa à kəla ata kuɗa. I dəba ŋa ya, ta pətsàk gà kàzlàŋa tar, tə dzàyar dukw maslawa tar ana tsakala ŋa hinne ya: Gà gura nda wirdè dizl dukw ana a ze hwaŋŋà lele ya, nda gà atwa dizl dukw ana ta wene a ka, a ze a lele ya mbaŋa asa.

Mata 27:56

Zləm gà məkəs ata ka, Mariya ana a dara i Magədala ya, nda gà Mariya məmər gà Zakup nda Yasufa, nda gà məmər gà ɓəza Zebede tar riŋ i liwiŋ gà məkəs ata mbaŋa.

Mata 28:17

Aləka, ti ndzeha a fata ka, tàa ŋgat a Yesuw kuɗa. Tə daha, tə dza gurmits a biye ika miɗ ŋgar. Ama gà mìsle ŋgiɗ ika magər tar tsavəvvà ti ndze a ka, ta gəs nda gəzləŋ tar kalkal tsa.

Mata 4:21

A da aka miɗ zaakwa asa ka, aka ŋgataha a gà mìsle ŋgiɗ sula asa, a gà Zakup nda damər ŋgar Yuhana, gà ɓəza Zebede. Tar riŋ i slə̀làh yam i duluv nda gà tsir tar ata tserdze, tì lèmbeɗe a à gà ndzàràwà tar mbaŋa. Yesuw a zal a taraha aɗəm.

Mata 8:2

I təv ana ti de a ya ka, mala vèdègwè duwa a riŋ, a daha a təv ŋgar. A ndzeha a təv ŋgar tsara ka, a dzar gurmits a bəɗ, a gwaɗar: «Əbay, na mege kà waya ka, ki sle a aà mimbile à iye te.»

Markus 15:40

Akahər ata ka, gà məkəs duwa tekeɗe, tar riŋ i fata mbaŋa. Ta hitse dzìrìk diriŋ nda təv tar ata zaakwa, aà məfəraha aà tar. Zləm gà məkəs ata ka, gà Mariya ana a dara i Magədala ya, nda gà Mariya məmər gà Zakup kəla ŋana nda Yusas, nda gà Salume tar riŋ i liwiŋ gà məkəs ata mbaŋa.