Mata 2:1 - Bible Zulgo

¹ Ta wa Yesuw ka, i kwite Betelehem ika ahəɗ Yuda, akahər ana *Hiridus ŋgat batsah Əbay ana i fataya. I təv ana ta wa ŋgat a ka, gà ɓəzla metsiɗike gər a gà mawusawus ana ti de a aà gəza mbulum a, tə dara ika tsèke pat ana à mbizera a ya. Tə da a Yeruzalem.

Mata 2:1 ပူးပေါင်းရင်းမြစ်များ

Mata 1:25

Ama tàa həna nda ŋgat tsa, haa a pat ana a wara iɗəm kəla ata Yasufa a zeler a Yesuw a dzekwiŋ.

Mata 2:16

Aləka i dəba ŋa ya, Əbay Hiridus a fə̀r ka, gà ɓəzla metsiɗike gər a mede gà mawusawus ata ta gəs bazlam ŋgar ata tsa, ti lèlekwe ihər a ma ndaka tsèke ŋgiɗ a ka, a tsəɓar hinne. Tsam ka, a slər gà mburma asa, a gwaɗa a tar: «Dumaha, batsum gà ɓəza ndirkiz gà asləka ŋana ika ahəɗ Betelehem a, nda gà na i gà kwite ana ta mberra ya fit. Ki giswim a, ki betswim a ka, daga aà gà ɓəza ana mive sula ya, tsikw aà gà na ta waya kinehe ya.» A ziwe aɗəm taŋa ka, tits ahər ana gà mburma ata tə daha, ta gwaɗar ka, maa ŋgat a mawusawus a.

Mata 2:19

Aləka Əbay *Hiridus a mət ka, gawla Mbulum a pàt aba a Yasufa i sunwa ya, ika ahəɗ Ezipt asa.

Mata 2:3

Batsah Əbay Hiridus a tsaraka bazlam tar ata tsara ka, a wiser a tar gər hinne, nda gà asiŋ gà mburma ana i Yeruzalem a tserdze.

Mata 2:5

Ta gwaɗar aaka: «I kwite Betelehem ana ika ahəɗ Yuda ya. Aɗaba mala məma à guma Mbulum a tsik ahər, a gwa:

Mata 2:7

Aləka i dəba ŋa ya, Hiridus a zal a gà ɓəzla metsiɗike gər a gà mawusawus ata nda akəl, a tsam aà tar, a gwaɗa a tar: «Ndeɗime na kə̀ ŋgatum a mawusawus ata a mbəzara dze ya?»

Luka 1:5

Akahər ata *Hiridus a riŋ a kwere a gà Yuda ya ka, mala mandəva kuɗa a Mbulum duwa a riŋ, zləm ŋgar Zakari, gwala gà ɓəzla mandəva kuɗa a Mbulum Aviya.*fa* Daala ŋgar a riŋ, zləm ŋa Elisabet, gà gwala Haruna, *batsah mala mandəva kuɗa a Mbulum mbaŋa.

Luka 2:11

Aɗaba tàa wa a kurum mala məmbə̀là à mburma i Betelehem i kwite Dawda mbakum. Ŋgat ka, *Kiristi, wele ana Mbulum a gwa, i slir a kurumaha a ya. Ŋgat ka, Əbay batsah ŋa, ika gər ahəɗ tserdze.

Luka 2:15

I təv ana gà gawla Mbulum ata tə da aà gà ɓəzla makəva gà dukw ata ya, ta mbəɗ gər a mbulum a gər ŋa ya ka, gà ɓəzla makəva gà dukw aaha ta gwaɗaba: «Tàkwa a Betelehem, ka tə samatakwa dukw ana Əbay Mbulum a ɗif a kwa dər a.»

Yuhana 7:42

Aɗaba wakita Mbulum a gwa ka, Kiristi a dere a ka, i gwala Dawda a i kwite Betelehem ana Dawda a ndzawa iɗəm akahər ata ya ana, meme?»*fc*