Mata 19:22 - Bible Zulgo

²² Ama wele ata a tsaraka bazlam ŋgar ata tsara ka, tsùkwaɗ a daba i fataya tsara nda gà matsəɓatsəɓ, aɗaba ana ŋgat Əbay ŋa hinne ya.

Mata 19:22 ပူးပေါင်းရင်းမြစ်များ

Mata 13:22

Gà mìsle ŋgiɗ pam asa ka, ti ndzikiɗ ba wur daw ata a dza aà huɗ adak a. Ti tsereke a bazlam Mbulum, ama madzala gà gər mesewere are a be a tar i gəzləŋ a hinne. Tar ihər ti dzele a gà gər aka limana, a bene a tar. Aɗaba taŋa gà dukw ata tserdze ya ka, ta bets a bazlam Mbulum i gəzləŋ tar a. Ta gis a ka, gà dukw ata ɗekɗek. Bazlam Mbulum a ge a ter a ŋgulum asa tsa.

Mata 14:9

Əbay ata a tsaraka kataya ka, a tsəɓar hinne, ama a sle aà meniwer a dər tsa, aɗaba aka mbər mimbeɗe ika miɗ gà mburma ata tə daha a megirive ya asa. A gwaɗa a gà ɓəzla meslire ŋgar: «Haya, sàsakwarra ikəka ya.»

Mata 16:26

A gwaɗa a tar asa: «Na wura aka ŋgat ka, dukw gər ahəɗ tserdze, a ŋgayar ba i gəzləŋ, dite a dzeye a dər à mesife ŋgar ana, duwa a riŋ a ger a ŋgulum a? Awaŋ. Tsəna, duwa a riŋ na mburma à mbìrwìɗ a dərra mesife ŋgar a təv Mbulum a ya? Awaŋ.

Mata 19:21

Yesuw a gwaɗar: «Na a sàsak magəsa Mbulum nda ndzer ka, daha, ka dzawa à gà dukw yak fit, dite kà dzaya siŋgwe ŋa a gà ɓəzla matawak. Na kàa ge dər kataya ka, ki ŋget a limana ana batsah ŋa, à ndìv a tsa i təv Mbulum a. I dəba ŋa ya ka dara, ka zezem iye kuɗa.»

Mata 19:23

Aləka i dəba ŋa ya, Yesuw a gwaɗa a gà ɓəzla mazazama ŋgat: «Iye ihər i tsik a kurum a nda ndzer: Mawùràba aà mada a mekwere Əbay Mbulum gà ɓəzla limana kaɗəŋ.

Mata 6:24

Aləka, i dəba ŋa ya, a gwaɗa a tar asa: «Wura a sle aà megewe akaba a megemir gà mburma sula tsa. Aɗaba pat ŋgiɗ ka, a ge a swalwa a mìsle ŋgiɗ, a weye a biy ŋgiɗ lele. Kige tsa, à gis a ahəm aà biy ŋgiɗ aaha lele, i ŋgiɗ ka, à gis ahər a tsa, kùrtìtìk a niw a bazlam ŋgar. Kamala taŋa ya, kurum tekeɗe, ki slwim a aà megemir a Mbulum, dite ka, a siŋgwe asa sula sula tsa.»

Markus 10:22

Ama wele ata a tsaraka bazlam ŋgar ata tsara ka, a mət i are ya sə̀rràt. A daba i fataya tsara nda gà matsəɓatsəɓ, aɗaba ana ŋgat ka, Əbay ŋa hinne ya.

Markus 6:26

Əbay aaha a tsaraka kataya tsara ka, arəv a da ihər a, gəzləŋ a wur ahər hinne, agəra makə̀ɗà wele aaha. Ama a sle aà meniwer a dər asa tsa, aɗaba aka mbər mimbeɗe ika miɗ gà bàba gà mburma aaha tə zəm akaba ɗaf ndeɗiŋa tserdze ya.

Luka 18:23

Ama wele ata a tsaraka mifefile ŋgar ata kataya tsara ka, a mət i are ya sə̀rràt, aɗaba ana limana ŋgar a riŋ hinne ya.

Yuhana 16:20

Iye ihər i tsik a kurum a nda ndzer, pàrsa iɗəm tsa: Ki gwim a arəv tur tur tur nda gà tuwa hinne, ama gà mburma ana ti zezem a gər ahəɗ a ka, ta ŋgeye a ba. Malahalah ŋa ka, ki gwim a arəv hinne, ama i dəba ŋa ya ka, arəv kurum ata a ne a maŋgayaba kuɗa.

EFESIYA 5:5

Sərum dər ka, gà mburma ana ta ge a muva nda mezelme ana pampam biy metsike tsiye ka, ta ŋget a təv mendze i təv mekwere gà Mbulum nda Kiristi tsa. Gà mburma ana ta ge a are ya tekeɗe ka, ti ta ŋget a ɓav tsa. Aɗaba ta ŋgaya ba a mege kataya ka, hinne, a za dər Mbulum. Na ta ge a kataya ka, kamala ana ti zezem a fəla gà tsir tar a.

KULUSIYA 3:5

Aɗaba taŋa, miyakum à dukw ana ŋgwala tsa, kà dzalawum i gəzləŋ kurum a. Fə̀rum aà dukw ata ka, kamala ana aka mət, a sle a aà makwàrà kurum asa tsiye ya. Miyakum à mege mezelme nda təv muva, nda mege dukw hwarwa ana pampam a, nda gà ka ti nwim gà mìbìylà ŋa tsa mbaŋa. Ama meèweke ba kurum ma ta kwara kurum asa tsidze. Izittè ka ta gwim are aka dukw mburma tsa asa mbaŋa, aɗaba ana kàa gwim are aka duwa kamala taŋa ya ka, dukw ata a ne a kamala mbulum kurum a.