Mata 18:14 - Bible Zulgo

¹⁴ Kamala taŋa ya, Mbulum Tsir kurum ana i gər ŋa ya tekeɗe, a waya wura ilik ma dzeye i təv gà mburma aaha ndeɗiŋa ti ne gà ɓəza ndirkiz i təv are kurum a tsidze.»

Mata 18:14 ပူးပေါင်းရင်းမြစ်များ

Mata 18:13

Iye ihər i gweɗe a kurum a asa: Na wele ata aka ŋgat təmaŋ ŋgar ata ilik a dzeye ya ka, a ŋgeye a ba hinne, aɗaba təmaŋ ata, à zè a dər gà asiŋ gà təmaŋ aaha ndeɗiŋa, dzik tswiɗ gər a tswiɗ ŋa ata a dzeye ya tsiye.

Mata 18:15

Yesuw a gwaɗa a tar asa: «Na wele ana aka ne damər yak, bəla aka ge bakal ka, da a təv ŋgar, dite kà fàfəlum akaba ika magər kurum sula nda ŋgat. Na aka gəs aà kər bazlam yak ata ka, taŋa ka, kàa mbəl à ŋgat i bakal ŋgar ata ya.

Mata 5:16

Aɗaba taŋa, mede kurum ana ŋgwal ŋa ya, mə̀ pàt aba ika miɗ mburma tserdze, kamala dzaydzay ata ya, dite ta fə̀r aà megemir kurum ana ki gwim a a Mbulum ŋgwal ŋa lele ya ka, tar ibam, tə̀ zàmbaɗa à Mbulum Tsir kurum ana i gər ŋa ya mbaŋa te.»

Mata 6:32

Aɗaba gà dukw ata tserdze ya, tsəŋgawwa na a dzele a ka, gà na tə sər Mbulum tsiye. Ama kurum ka, Mbulum Tsir kurum ana i gər ŋa ya, a sər gà dukw ata a sle aà kurum, kà wayum a fit dze.

Mata 6:9

Na ki dzwìm a ba aà mahàmà a Mbulum ka, araha na dukw ana ki gweɗwim a ya:

Luka 12:32

A kurum palam gà təmaŋ ana hinne tsiye: Ki gwim magəɗa tsa, aɗaba Mbulum Tsir kurum aka ŋgaya ba aà məvəla kurum təv mendze i mekwere ŋgar.»

Yuhana 17:12

I huɗ mendze mər ana mì ndzawa akaba ɗa nda gà tar a ka, i kaslawa tar nda ndzəɗa yak ana kà viliŋ a. I gəs tar lele. Wura ilik ika magər tar a aka dzeye tsa, say wele ana a dzeye à ba ŋgar a, kamala ana akahər ata mewetse ŋa a riŋ i wakita Mbulum, ta gwa ka, a ta ge a ba ya.

Yuhana 21:15

Tə zəm aba ɗaf ata ya lele ka, Yesuw a gwaɗa a Simun Piyer: «Simun, kəla Yuhana, kà waya iye ana, kinehe, a za dər gà asiŋ gà dukw tserdze ya?» A gwaɗar aaka: «Haya, Batsah ga ŋa, kà sər ka, i waya kər.» Yesuw a gwaɗar: «Na kataya ka, ge gər a gà mburma gà ana ti zezem a iye kamala gà ɓəza gà təmaŋ a lele.»

2 TIMUTE 2:10

Aɗaba taŋa, i simehe a mesewere are tserdze ka, agəra gà mburma ana Mbulum a pala tar a, dite tar tekeɗe ka, ta mbele a nda ahər Yesuw Kiristi, ti de a a təv mipìsè ahəm ŋgar nda təv maŋgayaba ŋgar ana a ndze a aà biybiy a.

IBƏRANIKWA 12:13

Dum aka miɗ ndaka vatwa ana a de a ser lele ya, dite gà sik kurum ana gà magàha a bəɗ ŋa ya ka, ta wur aà kurum asa tsa. Ama ka, tə tə təɗa ivaɗ.

2 Piyer 3:9

Gà asiŋ gà mburma ŋgiɗ ihər ta gweɗe a: «Mbulum ka, mala mèhìnèkw, a dere a bise tsa, aɗaba dukw ana a tsik i sida ya, a gwa, i ge a ya ka, a ge a ba bise tsa ana, meme?» Ama ka, kataya tsa, a riŋ a ge a mba dukw ŋgar. A veve a ka, kurum seyiŋ ivaɗ. Aɗaba a sasar ka, a ze a kurumaha aà mendze kataya ka, ki mbiɗwim a à madzala gà gər kurum, wura ilik ma dzeye tsa. A waya mburma tserdze ta mbəɗ à gəzləŋ tar, ta miyak à bakal tar ivaɗ.