Mata 18:10 - Bible Zulgo

¹⁰ I dəba ŋa ya, Yesuw a gwaɗa a tar asa: «Gwim metsehe, aɗaba ka ta fə̀rum aà gà asiŋ gà mburma ana ta gəs iye nda gəzləŋ, dite ka, ti ne gà ɓəza i təv are kurum a ka, kamala za ya tsa. Aɗaba iye ihər i gweɗe a kurum a nda ndzer: Gà gawla Mbulum ka, tar riŋ kəla pat mandza ŋa ika miɗ Mbulum Tsir gà i gər ŋa, aɗaba tar mbaŋa.

Mata 18:10 ပူးပေါင်းရင်းမြစ်များ

Mata 1:20

I təv ana a riŋ a dzele a gà gər kataya, aka miyak dər zukw tsiye ka, gawla Mbulum ilik a patar aba i sunwa ya, a gwaɗar: «Yasufa gwala Dawda, ka ta ge magəɗa aà mazla Mariya kamala daala yak a tsa, aɗaba a ŋgat kəla ka, nda ndzəɗa Mezite Mesife Mbulum, tsəka, ahəm mburma tsa.

Mata 12:20

Kwizir ana dzùŋgurra madzàdzàkà ŋa ya ka, à hìɓ a dər ikaba ya tsa. Dite a mbete a à akwa ana a zeha ndwizzwè i lalampa, aka à mimbete ya ɓav tsa asa. A ye a ba tsidze, haa tsikw a təv ana aka burwa à dukw ana ŋgwala tsa, a ta ge a nda ndzer a ya.

Mata 18:14

Kamala taŋa ya, Mbulum Tsir kurum ana i gər ŋa ya tekeɗe, a waya wura ilik ma dzeye i təv gà mburma aaha ndeɗiŋa ti ne gà ɓəza ndirkiz i təv are kurum a tsidze.»

Mata 18:6

Yesuw a gwaɗa a tar asa: «Wur ana a bene a medzibe gà ɓəza aaha ta gəs iye ya, a bakal ka, wur ata ka, ŋgulum tə̀ danar batsah zal kur a ɗa, dite tì yè a dər akaba ŋgat a batsah duluv, ndəna, seriye Mbulum a le ahər a ya.

Mata 2:13

Gà ɓəzla metsiɗike gər a mede gà mawusawus ata, tə da iɗəm a tsara ka, gawla Mbulum ilik a pàt aba a Yasufa i sunwa ya asa, a gwaɗar: «Hitse, val à gà kəla aaha nda mama ŋgar aka ahəɗ Ezipt, tsəka, aɗaba *Hiridus a riŋ a yehe a kəla aaha teftef. A waya medzeye à ŋgat. Kàa daha ka, ka ndza riŋ i fata haa a pat ana Yàa gwaɗak, mbəɗara gər a.»

Mata 2:19

Aləka Əbay *Hiridus a mət ka, gawla Mbulum a pàt aba a Yasufa i sunwa ya, ika ahəɗ Ezipt asa.

Mata 24:31

Dite aləka mezleliŋ aka ɗe hinne ka, i slirre a gà gawla gà ya. Ti dere a ka, aà mayaha gər a gà na i pala tar a, daga ara aà zlile mbulum a tserdze.»

Luka 1:19

Gawla Mbulum ata a gwaɗar aaka: «Iye ka, Gabriyel, iye ika miɗ Mbulum, i ger a megemir ŋgar. A slərra iye ya ka, aà məfàfə̀lak, dite aà meɗifek à bazlam aaha ŋgwal ŋa ya.

Luka 10:16

Aləka i dəba ŋa ya, Yesuw a gwaɗa a gà ɓəzla mazazama ŋgat ata asa: «Wur ana aka dza zləm a bazlam kurum a ka, a dza zləm taŋa ka, a biy gà. Dite wur ana aka niw bazlam kurum a ka, a niw taŋa ka, biy gà mbaŋa. Ama ka, biy gà ɗekɗek tsa. A niw ka, biy wele ana a slərra iye ya mbaŋa asa.»

Luka 16:22

Aləka i dəba ŋa ya, mala matawak ata a mət ka, gà gawla Mbulum tə daha, tə zla ŋgat a təv Abəraham a gər ŋa. Ama mala limana aaha tekeɗe ka, a mət asa, ti le ŋgat ka, a biye.

Gà Ɓəzla Meslire 10:3

A pat duwa i hawa, dàyday nda ndzemde makər ŋa, sunwa a da aaka. Ama ŋgat a riŋ nda are. A ŋgat a gawla Mbulum parakkà lele. A pə̀tsaha a ga a təv ŋgar a fata. A daha, a gwaɗar: «Kwarney.»

Gà Ɓəzla Meslire 12:15

Gà mburma ata tə tsaraka bazlam ŋgar ata kataya ka, ta gwaɗar: «Ki be a a dala, kəla yà?» Ama a gwaɗa a taraha asa: «Piyer i bəra kaɗəŋ ndzer, pàrsa tsa.» Ta gwaɗar aakaha asa: «A ge a ka, gawla Mbulum ana a kesle a ŋgat a.»

Gà Ɓəzla Meslire 12:23

I dəba mifefile tar ata ya tsara ka, gawla Mbulum a dara, a lak a Hiridus, aɗaba ana a zla mezlibe Mbulum nda mezembeɗe ŋa fit aka gər ŋgar a. Əsam a war aba hinne, dite a mət dər.

Gà Ɓəzla Meslire 27:23

Aɗaba i huɗ həvəɗ aaha mbakum a ka, gawla Mbulum ana iye mburma ŋgar, iye riŋ i ger a meslire ŋgar a, aka dara a təv ga ya.

Gà Ɓəzla Meslire 5:19

Aləka ndaàvəɗ ka, gawla Mbulum ilik a daha, a handakaya i gà biye hərmaga ya fit, a pə̀lara iɗəm à gà ɓəzla meslire Mbulum ata ya. A gwaɗa a tar:

RUMA 14:10

Na kataya dze ana, aàla na ki me a à bakal a mìsle ŋgiɗ a? Kige tsa aàmala dze ya na ki fir ahər a kamala za ya? Aɗaba kà sər tsiye, kwa tserdze ki tèkwe a a təv seriye aka miɗ Mbulum a. Ŋgat na a ses a ikaba bazlam ŋa ya.

RUMA 14:21

Aɗaba taŋa, dukw ana ta gwa ahər, ŋgwal ŋa tsa, à dìɗ a à damər yak ika vatwa Mbulum a ka, ŋgulum ki ge tsa. Bəla məpapəɗa slu ata, kige tsa masà guzum nda gà ku mege dukùla tserdze tekeɗe ya.

RUMA 15:1

Kwa ana ndzəɗa aà kwa ika vatwa Mbulum a ka, say ki zlèkikwe a dər gà na ndzəɗa aà tar zukw tsiye. Ka ta gekwa dukw ana a tsahən aà ba kwa ɗekɗek a tsa.

1 Kurintiya 11:22

Na ki gwim a kataya ana, dite aàla na a sàs a kurum mazəmaya aba gà dukw mezime ŋa, nda gà masàyà gà duwa i gà ma kurum a tsiye? Wànà a sàs a kurum ana, mene à gà mburma Mbulum kamala za ya kəla ya? Tsəna, a sàs a kurum ana, mandàɗà hwarwa aka gà mburma Mbulum ana gà matawak ŋa ya ya? Wànà i tsik a kurum a dze ana, dukùla asa ya? Kà dzalum dze ana, i zlibe a à kurum a ya. Awaŋ, i zlibe a à kurum tsidze.

1 Kurintiya 16:11

Aɗaba taŋa, wura ilik ma ta fə̀r ahər ka, kamala za ya tsa. Zlakum ŋgat nda təv mesìweye ŋgar ata a dere a ya, na dite a de a dər aka miɗ aka miɗ nda zayya lele, tsìm a ndzere a a təv ga ya tekeɗe, lele asa mbaŋa ya. Aɗaba mər tserdze nda gà asiŋ gà mburma Mbulum ana ɗa i faha ya ka, mər ihər mìi veve a ɗa ŋgat.

1 Kurintiya 9:22

Ama na iye riŋ ika magər gà mburma ana tàa sime ika vatwa Mbulum zukw tsiye ka, i newa à ba gà kamala tar a mbaŋa, na dite i yehere a tar a təv Mbulum a. Ku mege gà dukùla tekeɗe ka, na Yàa ndze a təv tar ka, i ndze a kamala tar a mbaŋa. I gewa dər kataya ka, aà dite gà asiŋ ŋana i liwiŋ tar a, ta mbala, na mege a ge a ba ya.

2 Kurintiya 10:1

Iye Pul, a sèsiŋ i fèfil a kurum a aka gər ba gà. Kamkam kurum, aɗaba gà mìsle ŋgiɗ ika magər kurum tar riŋ ihər ta gweɗe a aà iye ka, akahər ana ŋgat ɗa mandza ŋa ika magər kwa ya ka, tiɓìzl a hənawakwa à gər a bəɗ. Ama i təv ana aka da aà kwa ya diriŋ a ka, ŋgakŋgakəkka, à fèfil a kwere a nda ndzəɗa ya kuɗa. Ar ka, kamala ana magəɗa kwa a ger a asa tsiye. Ama iye ka, a sèsiŋ i ge a ŋgwal ŋa a mburma ivaɗ, i fèfil a ter a ka, nda himmè bazlam, kamala *Kiristi ya mbaŋa.

2 Kurintiya 10:10

Aɗaba gà asiŋ gà mìsle ŋgiɗ ika magər kurum ta gweɗe a, Pul a wetse a mər wakita ŋgar ata, dukw ana a wetse aɗəm a ka, mawura ba ŋa hinne, nda ndzəɗa na a tsik aɗəm a. Ama akahər ana ŋgat mandza ŋa ɗa ika magər kwa ya ka, mbile ŋa, dite bazlam ŋgar ana a tsikewa ya tekeɗe ibam, biy taf masakəŋa ana, meme?

GALATIYA 6:1

Gà damər gà, na kàa fə̀rum mìsle ŋgiɗ a riŋ a ge a bakal ka, taŋa kurum ana kàa ŋgatum Mezite Mesife Mbulum a ka, zlakum ŋgat, dite mə̀ màra aka vatwa ŋgwal ŋana ya. Ama kə̀la ka, gwim nda mawàyà ba lele. Dite ku weke mege metsehe a gər ŋgar mbaŋa, na dite à dìɗ a a bakal ŋgar ata tsiye.

1 TESALUNIKE 4:8

Aɗaba taŋa, na wura tətstəts aka raraɗaba ahər a zləm, a waya mandza zləm a bazlam ata tsəka, a niw taŋa ka, bazlam mburma tsa. Ama a niw ka, biy Mbulum, wele ana a vəl a kurum Mezite Mesife ŋgar ana tsəɗaŋŋa ya ivaɗ.

1 TIMUTE 4:12

Aɗaba na kər gawla, gà ɓəza mba ya ka, wura ma ta fə̀r aà kər ka, kamala kəla ndirkiz a ndeyndey ɓav tsa. Ama say ki ɗif a à vatwa a gà ɓəzla mazazama Yesuw Kiristi ivaɗ. Tə dəɗ aka bazlam yak ana ki tsik a ya, mege nda gà dukw ana ki ge a ŋgwal ŋa ika miɗ tar tekeɗe ya, bəla nda təv mawàyà mburma ya, kige tsa nda təv guma ana kə̀ gəs nda gəzləŋ yak ika miɗ Mbulum a, ku mege nda təv gəzləŋ yak ana lele, aruwaŋ iɗəm tsiye tserdze mbaŋa. Na kàa ge kataya ka, mede yak a ɗe a ter a à vatwa, dite na ti zezem a vatwa ata ŋgwal ŋa ya.

IBƏRANIKWA 1:14

Dite gà gawla Mbulum dze ana, gà dukùla? Tar ka, gà ɓəzla megemir Mbulum ɗekɗek pəra, a slir a tar aà mazlàkà gà mburma ana a sasar ta mbala ya.

IBƏRANIKWA 9:24

Aɗaba Yesuw Kiristi ka, aka da a ga ata ta kiriw nda petek a tsa. Aɗaba ta ge təv ata ka, mendzikiɗe ba təv ata Mbulum mandza ŋa iɗəm a pəra. Aɗaba taŋa na kinehe ka, ŋgat a riŋ mandza ŋa ika miɗ Mbulum, dite a riŋ a hemer a aɗaba kwa ya.

Sunwa Yuhana 8:2

I dəba ŋa ya, i ŋgataha a gà gawla Mbulum ana tar təsəla, tar gà mandzàyà ŋa ika miɗ Mbulum a. Tə dzaya a tar gà mezleliŋ təsəla a ahər, ku weke nda biy ŋgar.