Mata 17:27 - Bible Zulgo

²⁷ Ama kinehe ka, dzàma a tar pəra, tsəka, à tsìɓ a teriŋa. Ama ka, daha, zla kwèndzere, kà da dər aà guva duluv, kà yà a huɗ yam, dite kilif ana kàa lah megìsera iɗəm a ka, kà hə̀ndə̀kar ikaba bazlam a, tsam ka, ki ŋgeter a iɗəm siŋgwe ya. Dite ka dara, kà dzàma a tar mbaŋa.»

Mata 17:27 ပူးပေါင်းရင်းမြစ်များ

Mata 17:26

Piyer a gwaɗar: «Aà gà slele ya.» Yesuw a gwaɗar aaka: «Yawwa, na kataya ka, gà gwala tar ta vile a tsa. Dite taŋa Mbulum tekeɗe, a wiz a siŋgwe aà gà mburma ŋgar tsa mbaŋa.

Mata 18:6

Yesuw a gwaɗa a tar asa: «Wur ana a bene a medzibe gà ɓəza aaha ta gəs iye ya, a bakal ka, wur ata ka, ŋgulum tə̀ danar batsah zal kur a ɗa, dite tì yè a dər akaba ŋgat a batsah duluv, ndəna, seriye Mbulum a le ahər a ya.

Mata 18:8

Na ahər yak, kige tsa sik yak à gis a kər a bakal ka, ɗasl ɗasl sasa aba ya, kà dza dər a dala. Ŋgulum na ki ŋget a mesife i təv Mbulum a, nda gà ahər yak ilik, kige tsa sik yak ilik a, ndəna tì yè a kər a akwa ana a mbete a tsa aà biybiy a, nda gà ahər yak sula ya, kige tsa nda gà sik yak sula məma fit a.

Mata 5:29

Kamala taŋa ya, na bəla are yak a bene a kər a bakal ka, ə̀ndzuɗ ndzàhara aba ya, kà yà a dala diriŋ. Ŋgulum dzerisl ba yak ma dzeye ilik, ndəna ki de a akwa ana a mbete a tsa aà biybiy nda gà ba yak fit a.

Mata 5:30

Kige tsa asa, na ahər mezime yak à gis a kər a bakal ka, ə̀ndats sàs aba ya, kà yà a dala diriŋ. Ŋgulum dzerisl ba yak ma dzeye ilik asa, ndəna ba yak fit a wene a a akwa ana a mbete a tsa aà biybiy a mbaŋa.»

Markus 9:42

Yesuw a gwaɗa a tar asa: «Wur ana a bene a medzibe gà ɓəza aaha ta gəs iye ya, a bakal ka, ŋgulum tə̀ danar batsah zal kur a ɗa, dite tì yè a dər akaba ŋgat a duluv batsah ŋana, ndəna seriye Mbulum a le ahər a ya.

Markus 9:43

Na ahər yak à gis a kər a bakal ka, ə̀ndats sàs aba ya. Ŋgulum na ki ŋget a mesife i təv Mbulum nda gà ahər yak ilik a, na ndəna ki de a akwa ana ŋgarŋgar a mbete a tsa aà biybiy nda gà ahər yak sula ya.

Luka 17:2

Seriye Mbulum ana a le ahər a ya ka, ŋgulum tə̀ danar batsah zal kur a ɗa, dite tì yè a dər akaba ŋgat a batsah duluv, ndəna a bene a medzibe gà ɓəza aaha ta gis iye ya, a bakal a.

Yuhana 6:61

Yesuw a səraha aka dukw ana i gər gà ɓəzla mazazama ŋgat ata tə dzala ya. A sər ka, a wir a ter a i gəzləŋ hinne. Aɗaba taŋa a gwaɗa a tar: «Wànà bazlam ata dze ana, a tsəɓ a kurum a?

RUMA 14:21

Aɗaba taŋa, dukw ana ta gwa ahər, ŋgwal ŋa tsa, à dìɗ a à damər yak ika vatwa Mbulum a ka, ŋgulum ki ge tsa. Bəla məpapəɗa slu ata, kige tsa masà guzum nda gà ku mege dukùla tserdze tekeɗe ya.

1 Kurintiya 8:13

Aɗaba taŋa, na damər gà a ge a bakal, aɗaba iye, agəra ana i pèpìɗ a slu ata ya ka, ŋgulum i pèpìɗ a tsidze. Aɗaba i waya tsa na damər gà a dzeye a ika vatwa Mbulum a ya.

1 Kurintiya 8:9

Kurum ka, ki ziwim a gər kurum aà mazəma gà duwa ya tserdze kamala ana a sàs a kurum a dukw kurum. Ama kəla ka, gwim metsehe lele, tsəka, gà na tàa sime ika vatwa Mbulum zukw tsiye ka, ti ta ge a bakal aɗaba kurum.

2 Kurintiya 6:3

A sàs a mər na mìi ge a dukw ana a vile a mendìfè sik a mburma ya te tsidze. Aɗaba mì waya na ta wele a aà mege megemir mər a ya tsa.

2 Kurintiya 8:9

Kurum kà sərum ŋgwal ana Yesuw Kiristi BATSAH kwa ŋa a ge a kurum a. Ŋgat ka, Əbay ŋa hinne. Ama ku mege kataya tekeɗe, a ne à ba ŋgar mala matawak aɗaba kurum ivaɗ. A ge aba matawak kataya ka, dite na kurum ki nwim a gà Əbay ŋa i gəzləŋ kurum a.

1 TESALUNIKE 5:22

Ama ka, miyakum à mege dukw bakal fit kweleŋ.

YAKUBA 2:5

Kurum gà damər gà ana i waya kurum hinne ya, tsarakum. Aɗaba Mbulum a pala gà ɓəzla matawak ata ika gər ahəɗ a ka, dite ta ŋgat dukw ana ŋgwal ŋa ya, agəra megìse ana ta gəs Yesuw Kiristi ya. Mbulum a ta vile a ter a mekwere Əbay ŋgar ana a gwa i sida ya, i ta vile a a gà mburma ana ta waya iye ya.