Mata 17:22 - Bible Zulgo

²² A pat duwa ka, gà Yesuw nda gà ɓəzla mazazama ŋgat ti yahaba gər aka ahəɗ Galile. I təv mayahaba gər tar ata ka, Yesuw a gwaɗa a tar: «Iye, *wur ana a dara i təv Mbulum a ka, ta gis a iye mba. Ta vile a iye a ahər a gà mburma,

Mata 17:22 ပူးပေါင်းရင်းမြစ်များ

Mata 16:21

I dəba ŋa ya, Yesuw a dza ba aà metsìkè dukw ana a ti le a aà ŋgat aka miɗ mba ya, a gà ɓəzla mazazama ŋgat, i təv are tar tserdze. A gwaɗa a tar: «Iye ka, bàlaarì i ti de a a Yeruzalem mba, dite gà bàba gà mburma ana ta kwere a gà Yahuda ya, nda gà Əbay gà ɓəzla mandəva kuɗa a Mbulum, nda gà ɓəzla medzeŋge məpala ahəm Mbulum tserdze, ti ti sèwèriŋ a are hinne i fata. Dite ta kiɗ a iye. Ama i huɗ mehinne makər a ka, i mbilere a i məməta ya asa.»

Mata 16:28

Iye ihər i gweɗe a kurum a nda ndzer: Gà mìsle ŋgiɗ ɗa ika magər kurum aaha kinehe ya ka, ta mete a zukw tsa, say ta ŋgetiŋ a, a iye, wur ana i dara i təv Mbulum a, i mère a ka, kamala Əbay a dzekwiŋ.»

Mata 17:12

Ama iye ihər i gweɗe a kurum ŋa: Iliya ka, aka mbər medera, gà mburma tə sər ŋgat tsa. Ama tàa sèwèrer are hinne, kamala ana gəzləŋ tar a waya ya. Ti ti sèwèriŋ a are a iye, wur ana a dara i təv Mbulum a tekeɗe, kamala taŋa ya mbaŋa.»

Mata 17:23

dite ta kiɗ a iye. Ama i huɗ mehinne makər a ka, i ta mbilere a i məməta ya asa.» Aləka i dəba ŋa ya, gà ɓəzla mazazama ŋgat tə tsaraka kataya ka, a tsəɓ a tar hinne, kamala ana ti tiwe a ya.

Mata 17:9

I təv ana tar riŋ ti terre a i gər kwite ata ya ka, Yesuw a gwaɗa a tar: «Dukw ana ka ŋgatumar mbakum a ka, ka ti tsikwim a wura tsidze, say a pat ana kàa ŋgetwimiŋ, a iye, *wur ana a dara i təv Mbulum a, i mbilere a i məməta ya dzekwiŋ.»

Mata 24:10

A ndze a a fata ka, gà mìsle ŋgiɗ pampam hinne ta gis a iye a gəzləŋ tar asa tsa. Tì dze a ba ka, aà megeye aaba ɗaf nda mene ba are.

Mata 26:16

A ŋgatar kataya tsara ka, hèlèwrèw a ge metsehe tsara, a dza ba aà mayaha vatwa aà mege ɗaf aà Yesuw.

Mata 26:46

Hitswim aà mbulum, tàkwa a təv wele ana a ge aà iye a ɗaf a. Araha, aka à mendzera a faha ya.»

Markus 8:31

I dəba ŋa ya, Yesuw a dza ba aà metsìkè dukw ana a ge a ba ika miɗ mba ya, a gà ɓəzla mazazama ŋgat. A gwaɗa a tar: «Iye, *wur ana a dara i təv Mbulum a, say i ti sèwèr a are aka miɗ mba hinne. Gà bàba gà mburma ana ta kwere a gà Yahuda ya, nda gà Əbay gà ɓəzla mandəva kuɗa a Mbulum, nda gà ɓəzla medzeŋge məpala ahəm Mbulum tserdze, ti ti lìmiŋ a aba ya, dite ta kiɗ a iye. Ama i huɗ mehinne makər a ka, i hitsere a i məməta ya a mesife asa.»

Luka 24:26

Wànà kà sərum tsiye, na *Kiristi, mala məmbàlà à mburma ana Mbulum a gwa, i slir a kurumaha a ya ka, say à sèwèr a are dzekwiŋ a, dite ka, a ndze a a təv Əbay ŋgar ana gà mburma ti zlibe a à ŋgat a?»

Luka 24:46

Dite a gwaɗa a tar: «I fata mewetse ŋa iɗəm ka, say *Kiristi, mala məmbàlà à mburma ana Mbulum a gwa, i slir a kurumaha a ya ka, à sèwèr a are hinne, dite i huɗ mehinne makər a ka, a mbilere a i məməta ya.*fa*

Luka 9:22

I dəba ŋa ya, Yesuw a gwaɗa a tar asa: «Iye, *wur ana a dara i təv Mbulum a, say i ti sèwèr a are aka miɗ mba hinne. Gà bàba gà mburma ana ta kwere a gà Yahuda ya, nda gà Əbay gà ɓəzla mandəva kuɗa a Mbulum, nda gà ɓəzla medzeŋge məpala ahəm Mbulum tserdze, ti ti lìmiŋ a aba ya, dite ta kiɗ a iye. Ama i huɗ mehinne makər a ka, i ta mbilere a i məməta ya asa.»

Luka 9:43

Ama batsah ndzəɗa Mbulum ata Yesuw a pàt dər a ka, a ge aà gà mburma ata i fata tserdze ya, kamala dukw mene aà mburma ya. I təv ana gà mburma ata tserdze ya, tar riŋ ti dzele a gà gər aka dukw ana Yesuw a geye mba ya ka, Yesuw a gwaɗa a gà ɓəzla mazazama ŋgat ata:

Gà Ɓəzla Meslire 7:52

Gà ɓəzla məma à guma Mbulum awara na gà tsir kurum tàa sèwèr a tar are tsiye? Tàa bats gà mburma ana ti ɗif a tar à mede mala meslire ŋgar ndzer ŋa na a dere a ika miɗ a. Ama kinehe ka, ŋgat ŋa kuɗa na ki gwim ahər ɗaf, dite kə̀ kəɗum ŋgat a.

1 Kurintiya 11:23

Taŋa bazlam ana i dzeŋge a kurum a ka, Yesuw Kiristi BATSAH kwa ŋa na a ɗifiŋ dər a. I tsik a kurum ka, dukw ana a ge ɗa ba ya. A ge ba ka, a pat duwa ndaàvəɗ, dite ti ta ge a ɗaf aà Yesuw BATSAH kwa ŋa a gà ɓəzla mene are ŋgar a ka,