Mata 17:20 - Bible Zulgo

²⁰ Yesuw a gwaɗa a tar aaka: «Aɗaba ana megìse kurum ana kì giswim iye nda gəzləŋ a ka, a sle tsiye. Iye ihər i tsik a kurum a nda ndzer ŋa: Na mege kàa gəsum iye a gəzləŋ kurum kwizikw, kamala wur meserek a tekeɗe, ki slwim aà megweɗe a a kwite aaha: ka, a de a kaɗəŋ, duwa a riŋ mawura ba ŋa i təv kurum asa tsa.

Mata 17:20 ပူးပေါင်းရင်းမြစ်များ

Mata 13:31

I dəba ŋa ya, Yesuw a tsik a tar bazlam minew ŋgiɗ pam asa. A gwaɗa a tar: «*Mekwere Mbulum a ndzikiɗ ba ka, wur dukw ana hinne tsa, kamala wur meserek a. Ama ka, wele duwa a ndzək, a slige a gùvàh ŋgar.

Mata 14:29

Yesuw a gwaɗaraha: «Dara.» Piyer a tarra i slə̀làh yam a, a dza ba aà mede ndaka gər yam, a de a a təv ŋgar.

Mata 17:17

Yesuw a gwaɗa a tar akaba tserdze: «A kurum gà mburma ana kì giswim iye nda gəzləŋ kurum tsa, dite kurum gà manəsa ŋa asa ya. Wànà iye dze ana, i gesl a aà metsike a kurum dze ana, hilè, na dite ki giswim a iye ya. I ndze a dze ana, hilè ɓav a, na ika magər kurum a. A za dumaha, ka zlwimiŋara kəla ŋa a faha ya kwaŋ.»

Mata 17:19

I dəba ŋa ya, gà ɓəzla mazazama ŋgat aaha, tə dara a təv Yesuw a, à gər tar. Tə daha ka, ta wiz ihər bazlam a, ta gwaɗar: «Aàla na mər ka, mì sle aà madalawa sitene à kəla ata ya ti tsiye?»

Mata 17:9

I təv ana tar riŋ ti terre a i gər kwite ata ya ka, Yesuw a gwaɗa a tar: «Dukw ana ka ŋgatumar mbakum a ka, ka ti tsikwim a wura tsidze, say a pat ana kàa ŋgetwimiŋ, a iye, *wur ana a dara i təv Mbulum a, i mbilere a i məməta ya dzekwiŋ.»

Mata 21:21

Yesuw a gwaɗa a tar aaka: «Iye ihər i tsik a kurum a nda ndzer, pàrsa iɗəm tsa: Na kàa gəsum iye nda gəzləŋ kurum lele, madzala gà gər kurum wàkit wàkit tsəka, dukw ana i ge nda dizl ɗaf aaha ya ɗekɗek tsa na ki gwim a ya. Ku mege kwite aaha kinehe ya tekeɗe, ki gweɗwimer a: ka, a de a kaɗəŋ.

Mata 8:26

Yesuw a gwaɗa a tar: «Aɗaba la na ki gwim a magəɗa dze ya? Kurum ka, kàa gəsum iye a gəzləŋ kurum lele tsa.» I dəba ŋa ya, Yesuw a hitse aà mbulum, a kwara akaba gà himbiɗ ata nda yam a, a gwaɗa a tar: «Ndzum ɗikɗik.» Tsam ka, tə ndza ɗikɗik kaɗəŋ, kislef tàa ɓə̀zl aba asa tsa.

Markus 11:22

Yesuw a gwaɗa a gà ɓəzla mazazama ŋgat ata tserdze ya: «Duwa ilik ma ta məts a kurum gər tsa: Gəsum Mbulum nda gəzləŋ kurum lele.

Markus 11:23

Kà sərum dər ndzer, kurum tekeɗe, ki slwim aà megweɗe a a kwite aaha: Na kàa tsikwimer ka, nda gà gəzləŋ sula tsa, nda gəzləŋ ilik, dukw ata ma ge ba ndzer ka, a ge a ba kamala taŋa ya mbaŋa.

Markus 4:31

Aɗaba mekwere Mbulum a ndzikiɗ ba ka, wur dukw ana hinne tsa kamala wur meserek a. Ar ka, kwizikw ika magər gà dukw medile ana ti slige a dze ya.

Markus 9:23

Yesuw a gwaɗar aaka: «Aàmala na kù gwa ka, kà sle aà mege duwa ka, zlak mər te ya? Ama dukw tserdze ka, mawùràba ŋa tsa, na kər riŋ kàa gəs iye nda gəzləŋ yak a.»

Luka 1:37

Aɗaba dukw tserdze ka, mawùràba ŋa tsa na i təv Mbulum a.»

Luka 17:6

Batsah tar ŋa a gwaɗa a tar aaka: «Na mege kàa gəsum iye a gəzləŋ kurum kwizikw, kamala wur meserek a tekeɗe, ki slwim aà megweɗe a a batsah kàvə̀ra aaha: ka, à gis a ahəm kurum.»

Luka 18:27

Yesuw a gwaɗa a tar aaka asa: «Dukw ana mawùràba ŋa i təv mburma ya ka, mawùràba ŋa tsa, na i təv Mbulum a.»

Yuhana 11:40

Yesuw a gwaɗar aaka: «Yàa gwaɗak ka, na kàa gəs iye nda gəzləŋ ka, ki ta ŋget a ndzəɗa Mbulum ana, Yàa tsikik tsiye?»

1 Kurintiya 12:9

Biy ŋgiɗ asa ka, Mezite Mesife Mbulum ata a vəlar ndzəɗa aà mege slagama nda təv magəsa Mbulum. A sər ka, a sle a aà mege dukw ana mawura ba ŋa ya tserdze. A mìsle ŋgiɗ asa ka, a vəlar ndzəɗa i ŋgar ka, aà məmbàlà à gà ɓəzla dukw məməta. Taŋa ka, Mezite Mesife Mbulum ŋa ata hiywe ilik ɗekɗek pəra.

1 Kurintiya 13:2

Na mege wura aka ŋgat ndzəɗa aà məma à bazlam Mbulum a mburma lele, nda gà bəla aka sər vatwa ŋgar, nda gà dukw ana makàhà ŋa i təv ŋgar a fit, kige tsa aka gəs bazlam Mbulum maràhà ŋa i gəzləŋ tsìsl, na dite a sle aà megweɗe a a kwite aaha: «Hitse i faha ya,« dite a de a kaɗəŋ tekeɗe ya ka, ama na a waya gà asiŋ gà mìsle ŋgiɗ tsəka, taŋa ka, a ne kamala dukw ana taf masakəŋa ya hiywe mba.

IBƏRANIKWA 3:19

Kamala taŋa ya kaɗəŋ ka, tàa sle aà mada a təv mendze ŋgar ata zayya, tì sifik a ba ya tsəka, aɗaba ana tàa gəs ŋgat nda gəzləŋ tsiye.