Mata 17:2 - Bible Zulgo

² I təv ana tar riŋ i fataya ka, Yesuw a mbəɗ ba ŋgiɗ pam i təv are tar i fata. Yam are ŋgar a wàwuzl are, kamala pat a. Petek ŋgar ibam, a mbəɗ dər herrè tizlzlè.

Mata 17:2 ပူးပေါင်းရင်းမြစ်များ

Mata 17:1

I dəba mehinne ndilik a ka, Yesuw a ndzək gà Piyer nda gà Zakup, nda gà Yuhana damər Zakup, tə da a gər kwite zùbəl ŋa duwa, à gər tar.

Mata 17:3

I dəba ŋa ya, gà ɓəzla mazazama ŋgat aaha makər ŋa ya, ta fə̀r ikaba ya tsara ka, tàa ŋgat a gà Musa nda Iliya ana tar riŋ ta fèfil a nda gà Yesuw a.

Mata 28:3

Ama gawla Mbulum ata a ndza ka, twiy twiy twiy, kamala mewìtìɗè mbulum a. Petek ŋgar ibam, herrè tizlzlè kamala slewize ya.

Markus 9:3

Petek ŋgar a mbəɗ dər herrè tizlzlè, a za dər madə̀và gà dukw ana ika gər ahəɗ, mburma a ŋgeter a herrè ya tserdze.

Luka 9:29

I təv ana tar riŋ ta heme a ya ka, Yesuw a mbəɗ ba ŋgiɗ pam. A mbəɗ i are ya. Petek ŋgar ibam, a mbəɗ dər herrè, wùzlwùzl a wìtiɗ a are.

Yuhana 1:14

Ŋgat ana tə zalar «Bazlam Mbulum» a, na a ne mburma ya, dite ka, a ndza ɗa ika magər mər zaakwa ya. Maa ŋgat a ndzəɗa ŋgar ana a za gà dukw tserdze, Mbulum a vəl a Kəla ŋgar ata mifèndèz ŋa, a da dərra i təv ŋgar a. Ŋgat ka, mala ndzer ŋa. A gewa ka, dukw ana ŋgwal ŋa ya ɗekɗek.

Yuhana 17:24

Tsir gà, a sèsiŋ ka, gà mburma ana kà dziŋ tar a ahər a ka, ti ndze a a təv ana i ti ndze aɗəm ya mbaŋa, dite ta ŋgetiŋ i təv ndzəɗa gà ana tì zlibe a dər à iye, kà viliŋ Əbay a. Kà viliŋ ka, aɗaba ana kà waya iye daga aà gər ana gər ahəɗ mege ŋa zukw tsiye.

RUMA 12:2

Ka tə zazamum mede gà mburma ana ta ge a dukw gər ahəɗ a tsa. Vəlum vatwa a Mbulum ivaɗ, ma da a gəzləŋ kurum, mə̀ mbəɗ dər, na dite ŋgiletittè ki nwim a gà awiya ŋa ya. Kamala taŋa ya na ki sirwim a dukw ana Mbulum a waya ya. Kamala megweɗe ya, ki sirwim a dər ka, dukw ana ŋgwal ŋa, a tsahən ahər, a de a ndaka vatwa ŋa kalkal a.

Sunwa Yuhana 10:1

I dəba ŋa ya, i ŋgataha a gawla Mbulum ŋgiɗ duwa ndzəɗa ŋa asa, a tarra i mbulum a, aka gər ahəɗ a. Ar ka, tits malàwàrà ŋa nda hulɓukw. A ne aaka kamala petek ŋgar a. Màkə̀làh mbulum a lawara gər ŋgar tits, dite yemere ŋgar ka, a wàwùzl are hinne, kamala pat a. Dite sik ŋgar tekeɗe, a ndzikiɗ ba kamala arah akwa ya.

Sunwa Yuhana 20:11

I dəba ŋa ya ka, i ŋgataha a təv mendze Əbay duwa, a ndza herrè. Wele duwa a riŋ mandza ŋa ikəka. Gà gər ahəɗ nda gəza mbulum ta ge magəɗa kwàrkwàr hinne, silit tə tə̀z ihər a, dite ka, wura a ta ŋget a ter a ziwiɗ asa tsidze.