Mata 17:18 - Bible Zulgo

¹⁸ Gà mburma ata tə daha à kəla ata a təv ŋgar a fata. A daha, a kwara akaba sitene ata nda magala hinne, dite a dara i ba kəla ata ya kuɗa, a mbəl tsara.

Mata 17:18 ပူးပေါင်းရင်းမြစ်များ

Mata 12:22

Aləka i dəba ŋa ya, tə daha à wele duwa a Yesuw. Wele ata ka, sitene i ba ŋgar, a ge à ŋgat mandək ŋa nda guluf. Yesuw a mbəl à ŋgat, tsam ka, a fàfəl lele, a ŋgat a vatwa lele asa mbaŋa.

Mata 15:28

I dəba ŋa ya, Yesuw a gwaɗa a məkəs ata: «Daala aaha, megìse yak ana kə̀ gəs iye nda gəzləŋ a ka, nda ndzer lele. Aɗaba taŋa, dukw ana a sàsak ka, i vilekiŋa.» I təv ana Yesuw a tsiker kataya ya ka, dəm ŋgar ata i ma ya, a mbəl tsara.

Mata 17:17

Yesuw a gwaɗa a tar akaba tserdze: «A kurum gà mburma ana kì giswim iye nda gəzləŋ kurum tsa, dite kurum gà manəsa ŋa asa ya. Wànà iye dze ana, i gesl a aà metsike a kurum dze ana, hilè, na dite ki giswim a iye ya. I ndze a dze ana, hilè ɓav a, na ika magər kurum a. A za dumaha, ka zlwimiŋara kəla ŋa a faha ya kwaŋ.»

Mata 17:19

I dəba ŋa ya, gà ɓəzla mazazama ŋgat aaha, tə dara a təv Yesuw a, à gər tar. Tə daha ka, ta wiz ihər bazlam a, ta gwaɗar: «Aàla na mər ka, mì sle aà madalawa sitene à kəla ata ya ti tsiye?»

Mata 9:22

I dəba ŋa ya, ə̀ba Yesuw a fə̀r aakaha ka, aka ŋgat a məkəs ata. A gwaɗar: «Dəm gà, arəv ma da aà kər a tsa, megìse yak ana kì gis iye nda gəzləŋ a ka, aka mbəl à kər.» I fataya tsara ka, tsèwrèw məkəs ata a mbəl.

Markus 1:34

Yesuw a mbala à gà mburma i dukw məməta tar a pampam hinne. A dalawa gà sitene aà gà mburma ana duwa a gasawa tar a mbaŋa. A hə̀ndə̀kaha aà bazlam a gà sitene, aɗaba tar ka, tə sər ŋgat, a dara ka, i təv Mbulum a ndzer.

Markus 5:8

A tsikar kataya ka, aɗaba ana Yesuw aka mbər megweɗeha a sitene ata i ba ŋgar a: «Dara i ba wele aka ya» ya.

Luka 4:41

A beye à tar i ahər sitene ya, dite tə dara i ba tar a nda gà Mewideye ya hinne mbaŋa. Ta gwaɗa a Yesuw nda gà Mewideye: «Kər ka, Kəla Mbulum.» Ama Yesuw a tirɓe akaba tar hinne. A gwaɗa a tar: «Kà fàfəlum tsa.» Aɗaba ana tar ka, tə sər ŋgat, ŋgat ka, *Kiristi, mala məmbàlà à mburma ana Mbulum a gwa, i slir a kurumehe a ya.

Luka 8:29

A tsiker kataya ka, aɗaba ana Yesuw aka mbər megweɗeha a sitene ata i ba ŋgar a: «Dara i ba wele aka ya» ya. Ama sitene ata ka, a gasawa ŋgat kəla pat. Tə dzawuwa ŋgat nda tsitsirɓe i sik a nda ahər a lele tekeɗe ka, ndìrìtsìtse a ŋgazlahawa dər aba ya. A sàs a gà sitene ata ka, say ma ndza i kusak tsàkàlàk aà mburma ya.

Luka 9:42

I təv ana tə daha à kəla ata ya ka, sitene ata i ba ŋgar a, a kal à ŋgat a bəɗ. Iŋgwits ìŋgwits ìŋgwits a dzadzar akaba à kəla ata hinne. Ama Yesuw a kwara akaba sitene ata nda magala hinne, a dalawa ihər a, a mbəl à kəla ata, dite a mà dər a tsir ŋa kuɗa.

Gà Ɓəzla Meslire 16:18

Mehinne diŋ, ŋgat riŋ aà metsìkè ŋa pərra. A ta megeha ka, a tsəɓ a Pul hinne, tsam ka, a mbəɗara aba à daala ata ya, a gwaɗa a sitene ana i ba ŋgar a: «Iye ihər, i gweɗek a nda zləm Yesuw Kiristi, dara i ba daala aaha ya.» Sitene ata a tsaraka kataya tsara ka, a dara i ba daala ata ya.