Mata 17:12 - Bible Zulgo

¹² Ama iye ihər i gweɗe a kurum ŋa: Iliya ka, aka mbər medera, gà mburma tə sər ŋgat tsa. Ama tàa sèwèrer are hinne, kamala ana gəzləŋ tar a waya ya. Ti ti sèwèriŋ a are a iye, wur ana a dara i təv Mbulum a tekeɗe, kamala taŋa ya mbaŋa.»

Mata 17:12 ပူးပေါင်းရင်းမြစ်များ

Mata 11:2

Akahər ata ka, Yuhana metsìlwìɓè à mburma a yam a riŋ i ga daŋgay. Ama a tsaraka meɗè zləm megemir Yesuw ana a gewa ya, ta gwa là, ŋgat ka, *Kiristi, mala məmbə̀là à mburma ana Mbulum a gwa, i slir a kurumehe a ya ka, a slər gà asiŋ gà ɓəzla mazazama ŋgat a təv ŋgar.

Mata 16:21

I dəba ŋa ya, Yesuw a dza ba aà metsìkè dukw ana a ti le a aà ŋgat aka miɗ mba ya, a gà ɓəzla mazazama ŋgat, i təv are tar tserdze. A gwaɗa a tar: «Iye ka, bàlaarì i ti de a a Yeruzalem mba, dite gà bàba gà mburma ana ta kwere a gà Yahuda ya, nda gà Əbay gà ɓəzla mandəva kuɗa a Mbulum, nda gà ɓəzla medzeŋge məpala ahəm Mbulum tserdze, ti ti sèwèriŋ a are hinne i fata. Dite ta kiɗ a iye. Ama i huɗ mehinne makər a ka, i mbilere a i məməta ya asa.»

Mata 17:11

A gwaɗa a tar aaka: «Kaɗəŋ ndzer seyiŋ, Iliya à mère a dzekwiŋ. Aɗaba à mère a ka, à lèmbeɗe a à gà dukw ana ti de a ndaka vatwa Mbulum tsiye tserdze.

Mata 17:13

Dite i dəba ŋa ya, gà ɓəzla mazazama ŋgat tə sər, a tsik a tar taŋa ka, aà Yuhana metsìlwìɓè à mburma yam.

Mata 17:22

A pat duwa ka, gà Yesuw nda gà ɓəzla mazazama ŋgat ti yahaba gər aka ahəɗ Galile. I təv mayahaba gər tar ata ka, Yesuw a gwaɗa a tar: «Iye, *wur ana a dara i təv Mbulum a ka, ta gis a iye mba. Ta vile a iye a ahər a gà mburma,

Mata 17:9

I təv ana tar riŋ ti terre a i gər kwite ata ya ka, Yesuw a gwaɗa a tar: «Dukw ana ka ŋgatumar mbakum a ka, ka ti tsikwim a wura tsidze, say a pat ana kàa ŋgetwimiŋ, a iye, *wur ana a dara i təv Mbulum a, i mbilere a i məməta ya dzekwiŋ.»

Mata 21:32

Aɗaba Yuhana metsìlwìɓè à mburma a yam, a dara a təv kurum a, a ɗif a kurum à vatwa ana ŋgwal ŋa ya ka, kàa gəsum bazlam ŋgar tsa. Say na a gəs guma ŋgar ata ka, gà ɓəzla duwan, nda gà məkəs ana tə dzawuwa à ba tar a ɗekɗek. Ama kurum ka, ku mege kàa ŋgatumar nda are kurum, na gà mburma ata ta gəs bazlam ŋgar ata ya tekeɗe, kà mbəɗum à madzala gà gər kurum, dite kwets, kə̀ gəsum bazlam ŋgar ata ɓav tsa.»

Mata 8:20

Yesuw a tsaraka kataya ka, a gwaɗar: «Dzala dzekwiŋ, aɗaba ŋgulum gà mbayakà ka, biye tar a riŋ, gà ɗiyeŋ tekeɗe ibam, ga tar a riŋ mbaŋa, na ta hinne a iɗəm a. Ama iye, *wur ana a dara i təv Mbulum a ka, ga gà a riŋ, na i hinne a iɗəm, dite i sifik a ba ya tsa.»

Luka 7:33

Aɗaba Yuhana metsìlwìɓè à mburma a yam a dara ka, a gewa ndəra, a sawa makwàsà duwa tsa asa. Ama kurum kù gwaɗum ahər ka:

Yuhana 1:11

A dara ka, aka ahəɗ ŋgar a. Ama gà mburma ŋgar tàa gəs ŋgat tsa.

Gà Ɓəzla Meslire 2:23

Ama ta vəl a kurum vatwa aà makə̀ɗà ŋgat ka, kamala na Mbulum a tsik daga piŋŋe, a ta ge a ba ya dukw ŋgar. Ka vəlum ŋgat a ahər gà na tə sər Mbulum tsiye, tə ndwandway ŋgat aà dizl magə̀làwà ŋa.

Gà Ɓəzla Meslire 4:10

Araha kinehe ka, sərum dər, kurum tserdze nda gà asiŋ gà mburma Isərayel ana ɗa ya: Wele aaha a hitse aka miɗ kurum nda zay lele ka, nda ndzəɗa zləm Yesuw Kiristi ana a dara i Nazaret a. Ŋgat ana kà ndwandwayum ŋgat aà dizl magə̀làwà ŋa ya. Ama ka, Mbulum a mbəl à ŋgat i məməta ya a mesife.

Gà Ɓəzla Meslire 7:52

Gà ɓəzla məma à guma Mbulum awara na gà tsir kurum tàa sèwèr a tar are tsiye? Tàa bats gà mburma ana ti ɗif a tar à mede mala meslire ŋgar ndzer ŋa na a dere a ika miɗ a. Ama kinehe ka, ŋgat ŋa kuɗa na ki gwim ahər ɗaf, dite kə̀ kəɗum ŋgat a.