Mata 16:8 - Bible Zulgo

⁸ Ama Yesuw ka, a sər a taraha aka dukw ana ti tsik ahər a. A tsam aà tar, a gwaɗa a tar: «Aàla na kà dzalum ka, agəra dukw mezime ana a riŋ aà kurum tsiye ya?» A gwaɗa a tar asa: «Kurum dze ana, kàa gəsum iye a gəzləŋ kurum lele tsiye?

Mata 16:8 ပူးပေါင်းရင်းမြစ်များ

Mata 14:31

I fataya tsara ka, làndaw Yesuw a gəsara ŋgat i ahər a. A gwaɗar: «Aàla na kə̀ gəs iye nda gəzləŋ yak lele tsiye? Wànà kà zlaŋa ana, ndzəɗa gà a riŋ aà mazlàkà kər tsiye?»

Mata 16:7

Gà ɓəzla mazazama ŋgat ata tə tsaraka kataya ka, ta mà akaba à bazlam ika magər tar. Ta gwa: «A tsik kataya ana, agəra ana kàa sə̀kəmakwa dərra dukw mezime aà ahər a tsiye ya?»

Mata 6:30

Aɗaba taŋa, na Mbulum a riŋ ihər à dìweye a gà gər gà kwizir ana i dala ya lele, a biziŋa, ama ndidwe ŋana ka, ta wene a tsara dze seyiŋ ana, sakwàn kurum a. A dìweye a kurum ana, à zè a taŋa tsiye, na kurum ana kə̀ gəsum iye nda gəzləŋ kwizikw a.

Mata 8:26

Yesuw a gwaɗa a tar: «Aɗaba la na ki gwim a magəɗa dze ya? Kurum ka, kàa gəsum iye a gəzləŋ kurum lele tsa.» I dəba ŋa ya, Yesuw a hitse aà mbulum, a kwara akaba gà himbiɗ ata nda yam a, a gwaɗa a tar: «Ndzum ɗikɗik.» Tsam ka, tə ndza ɗikɗik kaɗəŋ, kislef tàa ɓə̀zl aba asa tsa.

Markus 16:14

Aləka i dəba ŋa ya, i təv ana gà ɓəzla mazazama ŋgat kurwa gəra ilik ŋa aaha tar riŋ ti zim a ɗaf a ka, Yesuw a pàt a tar aba asa kuɗa. A pala a tar ahəm, agəra ana tàa gəs ŋgat nda gəzləŋ lele tsiye. Aɗaba ana tàa gəs bazlam gà mburma ata ta gwaɗa a tar ka: «Maa ŋgatar, aka mbəlara i məməta ya» ka, ta gəs tsiye.

Yuhana 16:30

Kinehe mì sər ka, kà sər duwa tserdze, ku mege ələk wura a dzele a, a wiz aà kər a duwa ka, kàa mbər mesirer aakaha. Aɗaba taŋa na mì gəs kər nda gəzləŋ, mì sər, kà dara ka, i təv Mbulum a ya.»

IBƏRANIKWA 4:13

Duwa a riŋ ilik na makàhà ŋa aà are Mbulum a tsa. Gà dukw ana a ge tserdze ya ka, a ŋgatar tseɗey tseɗey lele. Ki ti ɗemekwe a gà dukw ana ki gekwe a ya fit dze aka miɗ ŋgar.

Sunwa Yuhana 2:23

tsəka, i ta bets a gà ɓəza ŋgar mbaŋa, na dite gà mayahaba gər gà mburma Mbulum tserdze ti sir a dər ka, iye na i sər dukw ana gà mburma tə dzala i gər tar, nda gà dukw ana a tsahən aà tar a ya. Kurum tserdze ka, i ti dzèye a kurum a gà dukw mayaba kurum, ku weke kalkal nda megemir ŋgar ana a ge ya.