Mata 16:6 - Bible Zulgo

⁶ Yesuw a gwaɗa a tar: «Gwim metsehe lele, agəra giɗe gà Farisa nda biy gà Saduki ana a kwasawa à duwa ya.»

Mata 16:6 ပူးပေါင်းရင်းမြစ်များ

Mata 16:1

Aləka gà Farisa duwa nda gà Saduki, tə dara a təv Yesuw a, aɗaba a sàs a tar maslàlà à ŋgat i yam a. Ta wiz aà ŋgat dukw mene aà mburma. Ta gwaɗar: «Ge dukw mene aà mburma yak ana Mbulum a slər dərra kər a, dite na mìi sir a dər ka, ndzer kaɗəŋ a.»

Mata 16:11

Aɗaba la na kà sərum tsiye? I gwaɗa a kurum ka, kaslum gà gər kurum i təv giɗe gà Farisa ana nda biy gà Saduki a kwasawa à duwa ya, tsəka, agəra ana dukw mezime aà kurum tsiye tsa.»

Mata 16:12

I dəba bazlam ŋgar ata ya tsara ka, gà ɓəzla mazazama ŋgat aaha pìɗek tàa tsaraka dukw ana a tsik a tar a kuɗa. Aɗaba tə sər, a tsik a tar ka, agəra giɗe ana a kwasawa à duwa ya tsa. Ama a gwaɗa a tar ka, ta ge metsehe i təv bazlam gà Farisa nda biy gà Saduki ana ti tsikewa a mburma pampam ŋgwala tsiye.

Mata 16:5

I dəba ŋa ya, gà Yesuw nda gà ɓəzla mazazama ŋgat tə tsala a slə̀làh yam, ti de a dər aka lìdè gìgìze ŋgiɗ. Ta mah ba, tə da. I təv ana ti de a ya, gà mburma ŋgar ata ta fə̀r ikaba i slə̀làh yam a ka, tàa zla dərra dukw mezime aà ahər a tsa, aka məts a tarra gər i təv ana tə dara iɗəm a ya.

Mata 16:7

Gà ɓəzla mazazama ŋgat ata tə tsaraka kataya ka, ta mà akaba à bazlam ika magər tar. Ta gwa: «A tsik kataya ana, agəra ana kàa sə̀kəmakwa dərra dukw mezime aà ahər a tsiye ya?»

Mata 3:7

Ama Yuhana a fə̀r ka, gà asiŋ gà *Farisa nda gà *Saduki riŋ ti dere a a təv ŋgar a hinne mbaŋa. Aɗaba a sàs a tar ka, mà tsilwiɓ à tar a yam. A gwaɗa a tar: «A kurum gà ɓəza palas aaha. Weke na a gwaɗa a kurum ka, ki ta beywim a i matsəɓatsəɓ Mbulum ana a dere a mba ya seyiŋ a?

Markus 8:15

Aləka i dəba ŋa ya, Yesuw a be a tar à ɗaf. A gwaɗa a tar: «Gwim metsehe agəra giɗe gà Farisa nda biy Hiridus ana a kwasawa à duwa ya, lele.»

Luka 12:1

Zàkwayiya ka, gà mburma hinne ti yahaba gər a fata, a ɗeme a ba tsa. Ta ɓelebe a aka sik. Yesuw a lah mifefile a gà ɓəzla mazazama ŋgat dzekwiŋ. A gwaɗa a tar: «Kaslum ba kurum i təv giɗe gà *Farisa ana a kwasawa à duwa ya, kərga megweɗe ya ka, i təv mimbèhè are tar a.

Luka 12:15

I dəba ŋa ya, Yesuw a gwaɗa a mburma tserdze: «Gwim metsehe nda təv məburnun mawàyà limana ana hinne ya. Aɗaba mesife mburma ana ndzer a ka, a ndze a ka, nda gà dukw ŋgar tsa, na mege ku ŋgat a riŋ nda gà limana hinne tekeɗe ya.»

Yuhana 4:33

Gà ɓəzla mazazama ŋgat ata tə tsaraka kataya ka, ta gwaɗaba ika magər tar: «Ee, wura aka zlarra dukw mezime ŋgiɗ a kəla ya?»

GALATIYA 5:9

Dukw ana gà mburma ti tsikewa ya ka, mə̀ məts a kurum gər tsa. Ta gwa: «Giɗe ana a kwasawa à duwa ya, ku mege tə ndà aaka kwizikw tekeɗe ka, a kwese a dər hinne.»