Aɗaba kwa tserdze ka, bàlaarì, ki ta hitsekwe a aka miɗ Yesuw Kiristi, na dite à ses a kwe a ikaba seriye kwa ya ya. Ku weke a ŋget a duwa kalkal kamala megemir ŋgar ana a gewa ɗa ika gər ahəɗ a mbaŋa. Na bəla kàa gekwa dukw ana ŋgwal ŋa ya ka, a ta vile a kwe a dukw maya ba kwa. Ama na bəla kàa gekwa dukw ana ŋgwal ŋa tsiye ka, a ti sèwèr a kwe a are.
Mata 16:27 - Bible Zulgo27 Taŋa iye, *wur ana a dara i təv Mbulum a, i mère a ka, nda ndzəɗa Tsir gà ana ti zlibe a dər a ndzer, dite nda gà gawla ŋgar a. Na Yàa dara ka, ku weke a ŋget a dukw mayaba ŋgar kalkal kamala megemir ŋgar ana a ge ya mbaŋa. အခန်းကိုကြည့်ပါ။ |
Mata 16:27
45 ပူးပေါင်းရင်းမြစ်များ
I fataya asa ka, i ŋgataha a gà məməta tserdze asa mbaŋa, ku mege gà bàba ŋana nda gà ɓəza ŋana tekeɗe ya. Tar gà mehìtsèyè ŋa ika miɗ təv mendze Əbay ata. I dəba ŋa ya asa ka, mìsle ŋgiɗ a handaka ikaba gà wakita ya. Ta wetse aɗəm ka, dukw ana gà mburma ta geye ya, dite ka, ta hə̀ndə̀k ikaba wakita ŋgiɗ a asa mbaŋa. Ama i huɗ wakita ŋgiɗ ata ka, ta wetse aɗəm zləm gà mburma ana tàa ŋgat mesife ya. Ta handaka ikaba wakita ata ya ka, Mbulum a ge seriye a gà mburma ata ta mata ya. A sàs a tar ikaba seriye ŋa ya ka, kalkal dukw megemir tar ana ta geye ya. Dukw ata ka, a riŋ mewetse ŋa i huɗ wakita ata dukw ŋgar.
tsəka, i ta bets a gà ɓəza ŋgar mbaŋa, na dite gà mayahaba gər gà mburma Mbulum tserdze ti sir a dər ka, iye na i sər dukw ana gà mburma tə dzala i gər tar, nda gà dukw ana a tsahən aà tar a ya. Kurum tserdze ka, i ti dzèye a kurum a gà dukw mayaba kurum, ku weke kalkal nda megemir ŋgar ana a ge ya.
Kurum gà mburma ana kinehe, kurum riŋ i magər gà na ti niw Mbulum a. Dite ka, wur ana a gweɗe a ter a ka, i sər Yesuw tsa, nda bazlam ana i tsik a tsəka, iye, wur ana a dara i təv Mbulum a tekeɗe, i ti tsik a kataya mbaŋa. I ti niw a ŋgat i təv ana i dere a nda ndzəɗa Tsir gà ana ti zlibe a dər a, dite nda gà gawla Tsir gà ana a ndzək tar a.»
A pat ata ka, gà mburma ta ŋgetiŋŋa, a iye, wur ana a dara i təv Mbulum a ka, gà mburma ana ika gər ahəɗ a tserdze, sùwwa ti tiwe akabiŋa, aɗaba ana ta ŋgetiŋehe a, a iye, wur ana a dara i təv Mbulum a, i dere a ka, nda hulɓukw a, nda ndzəɗa Mbulum a hinne, dite nda mezlibe gà ana tì zlibe a à iye ya.
I təv ana kà hamawumar a ka, kà zalawumar «Mbulum Tsir mər.» Ama taŋa ka, lele. Aɗaba mendze kurum ana ɗa ika gər ahəɗ a ka, kamala gà slele ya. Ku mege kurum i slele tekeɗe, ndzum ka, nda magəɗa Mbulum i gəzləŋ kurum lele. Aɗaba ŋgat a ge a seriye gà mburma tserdze ka, nda ndzer ŋa, tsəka, a wele a ikaba mburma ya mewele tsa. A ge a ter a seriye ka, ku weke nda megemir ŋgar ana a ge ya.
A pat ata ka, Mbulum à fèfil a nda magala ŋgəlakəkka, na dite dukuməŋa à dze ahər a ba ya. Əbay ana ika magər gà gawla Mbulum a, a zeliŋa, dite ta vèt a mezleliŋ Mbulum mbaŋa. I dəba ŋa ya ka, BATSAH kwa ŋa a terre a i gər ŋa i mbulum a kuɗa. Dite gà mburma ana ta mata ya, tàa gəs ŋgat nda gəzləŋ tar a ka, tar na ti lèh a aà mimbilera i məməta ya.
Ama pat ana Mbulum a ta ge a seriye a gà mburma ya ka, ku mege weke, dukw megemir ŋgar à pèt a aba ndərzayya lele. Aɗaba a pat ata ka, Mbulum a ti dzik a à megemir gà mburma ŋgar tserdze nda akwa, dite ku weke a sir a dər kuɗa, wànà megemir ana a gewa ya ana, ŋgwal ŋa ya, tsəna, ŋgwal ŋa tsiye ya.
Aɗaba taŋa, gà damər gà, gəsum gəzləŋ, haa a pat ana Yesuw Kiristi BATSAH kwa ŋa à mère a a təv kwa ya ya. Fə̀rum aà mala mifìte ana à gis a gəzləŋ a kwaŋ. A veve a yam daw, a sligiŋa. I dəba ŋa ya, a veve a pat ana duwa à nèh a, yam a de a a ma ya, haa a pat ana a pele a gà dukw ŋgar ata i bəɗ a ya mbaŋa.
ကြော်ငြာတွေ