Mata 16:21 - Bible Zulgo

²¹ I dəba ŋa ya, Yesuw a dza ba aà metsìkè dukw ana a ti le a aà ŋgat aka miɗ mba ya, a gà ɓəzla mazazama ŋgat, i təv are tar tserdze. A gwaɗa a tar: «Iye ka, bàlaarì i ti de a a Yeruzalem mba, dite gà bàba gà mburma ana ta kwere a gà Yahuda ya, nda gà Əbay gà ɓəzla mandəva kuɗa a Mbulum, nda gà ɓəzla medzeŋge məpala ahəm Mbulum tserdze, ti ti sèwèriŋ a are hinne i fata. Dite ta kiɗ a iye. Ama i huɗ mehinne makər a ka, i mbilere a i məməta ya asa.»

Mata 16:21 ပူးပေါင်းရင်းမြစ်များ

Mata 12:40

Kamala Yunas ana batsah kilif a nde, a ger i hitwis gà həvəɗ makər, gà həpat makər a ka, iye, *wur ana a dara i təv Mbulum a tekeɗe ka, i ti ndze a i biye, gà həpat makər, gà həvəɗ makər a mbaŋa te.

Mata 16:22

I dəba bazlam ŋgar ata ya ka, Piyer a daha, a gəs ŋgat a zlawak, dite a dza ba aà məpàlàr ahəm. A gwaɗar: «Kataya tsa, Əbay ga, Mbulum mə pala ahəm aà maslàlà medzibe dukw ata ma ta gik ba a gər tsidze.»

Mata 16:28

Iye ihər i gweɗe a kurum a nda ndzer: Gà mìsle ŋgiɗ ɗa ika magər kurum aaha kinehe ya ka, ta mete a zukw tsa, say ta ŋgetiŋ a, a iye, wur ana i dara i təv Mbulum a, i mère a ka, kamala Əbay a dzekwiŋ.»

Mata 17:12

Ama iye ihər i gweɗe a kurum ŋa: Iliya ka, aka mbər medera, gà mburma tə sər ŋgat tsa. Ama tàa sèwèrer are hinne, kamala ana gəzləŋ tar a waya ya. Ti ti sèwèriŋ a are a iye, wur ana a dara i təv Mbulum a tekeɗe, kamala taŋa ya mbaŋa.»

Mata 17:9

I təv ana tar riŋ ti terre a i gər kwite ata ya ka, Yesuw a gwaɗa a tar: «Dukw ana ka ŋgatumar mbakum a ka, ka ti tsikwim a wura tsidze, say a pat ana kàa ŋgetwimiŋ, a iye, *wur ana a dara i təv Mbulum a, i mbilere a i məməta ya dzekwiŋ.»

Mata 20:28

Aɗaba iye, *wur ana a dara i təv Mbulum a tekeɗe, i dara ka, aà mazlàkà mburma ya, tsəka, mburma na mà zlak iye ya tsa. Iye i dzeye a à mesife gà ka, aà mumbùruɗà dərra mburma i bakal a.»

Mata 26:2

«Kinehe ka, kà sərum nda gər kurum, *megirive Paska a zeha ka, mehinne sula pəra na a ndze aɗəm a ya. Dite pat ata ka, ta gis a iye, iye, *wur ana a dara i təv Mbulum a, ta vile a iye a ahər a mburma, dite ti ndwendwey a iye aà dizl magə̀làwà ŋa.»

Mata 26:47

I təv mifefile Yesuw ata ya tsara ka, Yudas ika magər gà ɓəzla mazazama ŋgat aaha kurwa gəra sula ya, aka slalaha a təv ŋgar. Tə daha ka, nda gà mburma hinne. Gà mburma ata tə daha ka, nda gà dukw ahər aà tar, gà màsalamà nda gà matakwazum. Na a sləraha tar ka, gà Əbay gà ɓəzla mandəva kuɗa a Mbulum nda gà bàba gà mburma ana ta kwere a gà Yahuda ya.

Mata 27:12

Tsaatsa i huɗ bazlam tar ata ya ka, gà Əbay gà ɓəzla mandəva kuɗa a Mbulum nda gà bàba gà mburma ana ta kwere a gà Yahuda ya, tàa ŋgawa gər a Yesuw nda pàrsa hinne. Ama Yesuw ka, aka fàfəl a tar aaka tsidze.

Mata 27:63

Tə daha, ta gwaɗar: «Əbay, mì dara a təv yak a ka, aɗaba dukw ana mala pàrsa aaha a tsikewa akahər ana aka mət zukw tsiye ya, a gwaɗawa: ya ka, aka mà mərra a gər a.

Mata 28:6

Ama ka, ar ɗa i faha tsa, Mbulum aka mbəl à ŋgat i məməta ya, kamala ana a tsikewa ya. Dumara, fə̀rum aà təv ana ti tike aɗəm a kwaŋ.

Markus 8:31

I dəba ŋa ya, Yesuw a dza ba aà metsìkè dukw ana a ge a ba ika miɗ mba ya, a gà ɓəzla mazazama ŋgat. A gwaɗa a tar: «Iye, *wur ana a dara i təv Mbulum a, say i ti sèwèr a are aka miɗ mba hinne. Gà bàba gà mburma ana ta kwere a gà Yahuda ya, nda gà Əbay gà ɓəzla mandəva kuɗa a Mbulum, nda gà ɓəzla medzeŋge məpala ahəm Mbulum tserdze, ti ti lìmiŋ a aba ya, dite ta kiɗ a iye. Ama i huɗ mehinne makər a ka, i hitsere a i məməta ya a mesife asa.»

Markus 9:12

Yesuw a gwaɗa a tar: «Iliya à mère a dzekwiŋ kaɗəŋ. Aɗaba à mère a ka, à lèmbeɗe a à gà dukw ana ti de a ndaka vatwa Mbulum tsiye tserdze.» Yesuw a gwaɗa a tar asa: «Aàmala na mewetse ŋa a riŋ i wakita Mbulum mbaŋa ka, wur ana a dara i təv Mbulum a, à sèwèr a are hinne, dite gà mìsle ŋgiɗ ta ger a matawak hinne asa ya?

Luka 17:25

Ama ka, say i sèwèr a are hinne, gà mburma ana kinehe ya, ti lìmiŋ a aba ya dzekwiŋ.

Luka 24:46

Dite a gwaɗa a tar: «I fata mewetse ŋa iɗəm ka, say *Kiristi, mala məmbàlà à mburma ana Mbulum a gwa, i slir a kurumaha a ya ka, à sèwèr a are hinne, dite i huɗ mehinne makər a ka, a mbilere a i məməta ya.*fa*

Luka 9:31

Mede tar ata tə daha a təv Yesuw a ka, nda gà ndzəɗa Əbay Mbulum ana a vəl a tar a. Gà mburma ata sula ya, ta fàfəl ka, aka gər megemir Yesuw ana a ti ndìv a dər a Yeruzalem, dite meme na à mìt a ya ya.