Mata 16:16 - Bible Zulgo

¹⁶ Simun Piyer a gwaɗar aaka: «Kər ka, Kiristi, mala məmbə̀là à mburma ana Mbulum a gwa, i slir a kurumaha a ya, Kəla Mbulum ana a riŋ nda gà mesife aà biybiy a.»

Mata 16:16 ပူးပေါင်းရင်းမြစ်များ

Mata 1:16

Zakup ibam, a wa Yasufa kuɗa. Ŋgat ka, zal Mariya, məmər Yesuw ana tə zalar *Kiristi ya.

Mata 14:33

Ama gà asiŋ gà ɓəzla mazazama ŋgat aaha i slə̀làh yam a, ta ŋgatar kataya ka, tə dzar gurmits a bəɗ lele. Ta gwaɗar: «Kər ka, Kəla Mbulum kaɗəŋ ndzer.»

Mata 16:15

I dəba ŋa ya, Yesuw a wiz aà tar, a gwaɗa a tar: «Dite kurum a gè, kù gwaɗum i kurum dze ana, iye ana, weke?»

Mata 26:63

Ama Yesuw aka fàfəlar aaka tsidze, a ndza ba ɗikɗik. I dəba ŋa ya, batsah mala mandəva kuɗa a Mbulum ata gwaɗar asa: «Iye ihər i wiz aà kər a duwa nda zləm Mbulum ana a riŋ nda gà mesife aà biybiy a, tsikiŋ wur bazlam ilik kwaŋ: Wànà kər ana, *Kiristi Kəla Mbulum kaɗəŋ a?»

Mata 27:54

Ama gà Əbay gà sliwdze gà Ruma, nda gà mburma ŋgar, tar riŋ ihər ta kesle a Yesuw i fata hiywe. I təv ana ta ŋgat a ahəɗ ata a ɓazla nda gà dukw ana pampam a ge i təv tar i fataya ka, ta ge magəɗa hinne kuɗa. Ta gwa: «Yweh, wele aaha ka, Kəla Mbulum kaɗəŋ ndzer.»

Mata 4:3

Əbay sitene a samata kataya ka, a sìrìkaha a təv ŋgar. A daha, a gwaɗar: «Na kù gwa, iye Kəla Mbulum ka, gwaɗa a kur aaha ma ne ɗaf, dite ka zəm.»

Markus 14:61

Ama Yesuw a gəs mifèfiler aaka ɓav tsa, a ndzaba ɗikɗik. Wele ata a tsam ahər asa. A gwaɗar: «Kər ana, mala məmbə̀là à mburma ana, Mbulum a gwa ka, i slir a kurumehe a ya kəla ya? Nda gà kər ana, Kəla Mbulum ana mburma à zèmbeɗe a dər a ya?»

Luka 2:11

Aɗaba tàa wa a kurum mala məmbə̀là à mburma i Betelehem i kwite Dawda mbakum. Ŋgat ka, *Kiristi, wele ana Mbulum a gwa, i slir a kurumaha a ya. Ŋgat ka, Əbay batsah ŋa, ika gər ahəɗ tserdze.

Yuhana 1:49

Nataniyel a gwaɗar: «Batsah mala mesìnèkè à duwa a mburma, kər ka, Kəla Mbulum. Kər ka, batsah Əbay gà Isərayel.»

Yuhana 11:27

Marta a gwaɗar aaka: «Haya, Yàa gəs, Batsah ga ŋa. I sər, kər ka, mala məmbàlà à mburma ana Mbulum a gwa ka, i ti slir a kurumehe a ya. Kər ka, Kəla Mbulum ana a gwa, a dere a aka gər ahəɗ a ya.»

Yuhana 20:31

Ama gà dukw ana mewetse ŋa i faha ya ka, gà dukw ana, dite ki sirwim a dər, Yesuw ka, Kəla Mbulum ndzer. Ŋgat ka, mala məmbàlà à mburma ana Mbulum a gwa, i ti slir a kurumehe a ya. Ta wetse ka, dite ki ŋgetwim a mesife i təv ŋgar a, agəra ana kàa gəsum ŋgat nda gəzləŋ a.

Yuhana 6:57

Tsir gà, mala məvəla mesife na a slərra iye ya. Iye ihər i ndze a ka, aɗaba ŋgat. Kamala taŋa ya, ku weke na aka zəm slu ba gà ka, a ndze a aɗaba iye mbaŋa.

Yuhana 6:68

Simun Piyer a gwaɗar aaka: «Batsah mər ŋa, mìi de a dze ana, a ŋga, mìi zezem a weke asa ya? Kər na kà vəl a mər bazlam ana a vile a mesife a mburma, à ndìv a tsa aà biybiy a.

Yuhana 6:69

Kinehe ka, maa gəs kuɗa, mì sər ka, kər ka, wele ana tsəɗaŋŋa, kà dara i təv Mbulum a.»

Gà Ɓəzla Meslire 14:15

«Gà wele aaha, ki gwim a kataya dze ana, aàla? Mər na Mbulum a? Mər ka, gà mburma kamala kurum a mbaŋa. Mì da a kurumara ka, à bazlam ŋgwal ŋana, dite a gweɗe a kurum a ka, miyakum à matawala gà dukw ana kù gwaɗum ka, gà mbulum kurum a, tsaatsa ki pezwimebe a za ya. Ama kà mbəɗum ahəm a təv Mbulum ana a riŋ nda gà mesife aà biybiy a. Ŋgat na a ge gəza mbulum nda gər ahəɗ, nda gà duluv, dite nda gà dukw ana ika gər ahəɗ tserdze ya.

Gà Ɓəzla Meslire 8:36

I təv ana tar riŋ ti de a ika vatwa ya, ti ndze a təv ana maŋgə̀rà yam iɗəm a ka, mala megemir ata a gwa: «Yam naha, dukùla na a pala aà iye ahəm dze ka, ti tsilwiɓ à iye a yam tsiye?»

Gà Ɓəzla Meslire 8:37

{Filip a gwaɗar aakaha: «Na kàa gəs Yesuw Kiristi nda gəzləŋ ilik ka, ti tsilwiɓ à kər a a yam.» Wele ata a gwaɗar aakaha asa: «Yàa gəs nda gəzləŋ ga ilik. Ŋgat ka, Kəla Mbulum.»}

Gà Ɓəzla Meslire 9:20

A dza ba aà metsìkè bazlam Mbulum i gà ga mahàmà a Mbulum gà Yahuda ana i fataya tsara. A ɗif à Yesuw a mburma, a gwa: «Ŋgat Kəla Mbulum.»

RUMA 1:4

Ama i təv ana Mbulum a mbəlara à ŋgat i məməta ya, a ɗif dər ka, Kəla ŋgar ana a vəlar ndzəɗa aka gər gà duwa tserdze ya.

2 Kurintiya 1:19

Aɗaba Yesuw Kiristi Kəla Mbulum, wele ana mər nda Silas, nda gà Timute mì ɗif a kurum à ŋgat ika magər kurum a ka, ŋgat a gweɗe a aà duwa «haya», dite i dəba ŋa ya, a gweɗe a «awaŋ» aka gər bazlam ŋa ilik ka, a gweɗe a tsidze. A tsik a ka, dukw ana ndzer a hiywe.

2 Kurintiya 3:3

Ku weke a sir a dər ka, *Kiristi na a wetse wakita ata nda ahər mər, na dite mì da dərraha a təv kurum a. A wetse ka, nda yam dukw mewetse duwa tsa. Ama a wetse ka, nda Mezite Mesife Mbulum ana ŋgat a riŋ nda mesife ya. Dite dukw ata mewetse ŋa asa ka, ika beliŋ kur tsa, ama ar ka, i gəzləŋ mburma ivaɗ.

2 Kurintiya 6:16

Wànà kà dzalum dze ana, dukw ana gà mburma ti ne dər mbulum nda ahər tar ŋa ya ana, a sle a aà mendze i ga Mbulum batsah ŋana ya? Awaŋ, a ge a ba tsidze. Yaw, sərum dər ka, kwa na kà nekwa ga Mbulum batsah ŋa ata ŋgat a riŋ nda mesife ya. Aɗaba Mbulum a gwa ka: «I ti ndze a ika magər gà mburma gà, i ta ŋget a təv mendze gà i fata. Iye i ti ne a Mbulum tar, dite tar tekeɗe, ti ti ne a gà mburma gà mbaŋa.»*fb*

1 TESALUNIKE 1:9

Ku mege i ŋga, i təv ana mì dawa aɗəm a ka, ti tsikewa a mər nda ahər tar, meme na kə̀ gəsum mər lele ya. Ta gwaɗa a mər mbaŋa ka, kàa miyakum aba à gà fəla kurum ana ki gewim a, dite ka, kà dzàwum gurmits a bəɗ a Mbulum ana ndzer, ŋgat a riŋ nda gà mesife ya.

1 TIMUTE 3:15

Aɗaba ku mege Yàa ndzeha bise tsa tekeɗe ka, wakita aaha a ɗifek a à dukw ana i tsikik a zləmana ya, dite ka, ki sir a dər ka, meme na gà mburma ti sle a aà mede ika magər gà mburma Mbulum ndaka vatwa ŋa lele ya. Na a ne gà mburma ata ka, gà na tar riŋ i huɗ mayahaba gər gà mburma Mbulum ana ŋgat a vile a ter a mesife ya. Gà mburma ŋgar ata na ndəzlzlà ti ne mendweŋe bazlam ŋgar ana ndzer a.

1 TIMUTE 4:10

Agəra taŋa na kə̀ gə̀sakwa megemir ŋgar, dite kà vəlakwar ndzəɗa kwa fit, ki mirekwe ahər a aba sah lele ya. Aɗaba kàa tikekwa madzala gà gər kwa fit a təv Mbulum ana a riŋ nda mesife ya. Ŋgat ka, mala məmbə̀là à mburma tserdze. Ndeyndey ŋa ka, gà na tàa gəs Yesuw Kiristi nda gəzləŋ tar ilik a.

IBƏRANIKWA 10:31

Aɗaba Mbulum ka, mala ndzəɗa, ŋgat ana a riŋ nda gà mesife ya. Na seriye ŋgar aka gəs wura ika miɗ ŋgar ka, waya ba ŋgar a.

IBƏRANIKWA 12:22

Ama kurum kà dumara ka, a təv kwite ana tə zalar kwite Siyuna ya. Kà ndzum ka, a kwite ana i gər ŋa, Mbulum a ndze a iɗəm nda gà mesife ya. Tə zal a kwite ata ka, Yeruzalem ana i gər ŋa ya. Gà gawla Mbulum ana ti ɗeme a ba tsiye, tar mayahaba gər ŋa, ta ŋgeye a ba ka, i fata.

IBƏRANIKWA 3:12

Gà damər gà, gwim metsehe, aɗaba gəzləŋ wura ika magər kurum ma ta ge makula ŋa kamala taŋa ya tsa, dite ka, a niw a magəsa Mbulum, à mbìɗer a dəba, a ŋgat ana mala məvəla mesife ya tsa.

IBƏRANIKWA 9:14

Ama na məmbəz gà dukw ata aka sle aà məbàrà tar kamala taŋa ya ka, məmbəz Kiristi à zè a taŋa fit kweleŋ nda ndzəɗa. Ŋgat ana aka ge bakal duwa ilik tsidze ya, a vəl ba ŋgar a Mbulum nda ndzəɗa Mezite Mesife Mbulum ana a ndze a aà biybiy a. Məmbəz ŋgar ata ka, a bere a bakal i gəzləŋ kwa ya lele, na dite ki gekwe a dukw ana a dzeye a à kwa asa tsiye. Ama ki gekwe a ka, megemir Mbulum ana ŋgat mala məvəla mesife a mburma ya ivaɗ.

1 Yuhana 4:15

Wur ana a gweɗe a ka, Yesuw Kiristi ŋgat Kəla Mbulum a ka, Mbulum a ndze a i təv ilik ŋa nda gà ŋgat. Ŋgat tekeɗe ka, ti ndze a i təv ilik ŋa nda Mbulum mbaŋa.

1 Yuhana 5:20

Kà sərakwa dər asa ka, Kəla Mbulum a dara aka gər ahəɗ a ka, a vəl a kwa metsehe, na dite ka, kà sərakwa Mbulum ndzer ŋana ya. Kà ndzakwa i təv ilik ŋa nda gà Mbulum ndzer ŋana ka, agəra ana kà ndzakwa i təv ilik ŋa nda gà Yesuw Kəla ŋgar a mbaŋa, kàa gawakwa ba ya. Ŋgat na Mbulum ndzer ŋana ya, dite ŋgat asa na a vəl a kwa mesife ana à ndìv a tsa aà biybiy a asa mbaŋa.

1 Yuhana 5:5

Weke na a sle a aà məmbà aà dukw bakal gər ahəɗ a? Na a sle aà mimbè ahər a ka, say wur ana aka gəs Yesuw, a sər ŋgat ka, Kəla Mbulum ndzer a.

Sunwa Yuhana 7:2

I fataya ka, i ŋgataha a gawla Mbulum ŋgiɗ asa mbaŋa. A dara ika tsèke pat ana a mbəzawara ya, a riŋ a tsil a aà mbulum. Na magəsa ŋa i ahər ŋgar ka, dukw mege lambà aà gà mburma Mbulum, wele ana nda gà mesife ya. A zal a gà asiŋ gà gawla Mbulum ŋgiɗ ata, a gà na Mbulum a vəl a tar ndzəɗa aà menise à gà ahəɗ nda yam a. A zal a tarra nda magala ya ŋgəlakəkka.