Mata 15:31 - Bible Zulgo

³¹ Gà mburma ata tə daha a təv Yesuw tserdze ya, ta ŋgat a gà ɓəzla dukw məməta ana a mbala à tar a ka, a ge aà tar kamala dukw mene aà mburma ya. Aɗaba ta fə̀r ka, gà na ta mbàwa aà mifefile tsiye ka, tar riŋ ta fèfil a lele. Gà na magàha a bəɗ ŋa tekeɗe, tar riŋ ti de a nda sik tar zə̀bak zə̀bak lele mbaŋa. Dite gà ɓəzla videl ibam, tàa mbala, gà ɓəzla guluf tekeɗe ka, tàa ŋgat a vatwa ndzih ndzih lele kuɗa. Gà mburma ata i fataya tserdze, tə dza ba aà mazàmbàɗà à Mbulum gà Isərayel ŋgəlakəkka.

Mata 15:31 ပူးပေါင်းရင်းမြစ်များ

Mata 15:30

A ndze riŋ zàkwayiya ka, gà mburma hinne tə daha a təv ŋgar. Tə ndzaka dərraha gà ɓəzla videl nda gà ɓəzla magàha a bəɗ, nda gà ɓəzla guluf, nda gà na ta mba aà mifefile tsiye, nda gà asiŋ gà ɓəzla dukw məməta ŋgiɗ pam pam hinne. Tə daha, ta həna à tar aka miɗ Yesuw, dite a mbala à tar i dukw məməta tar a.

Mata 18:8

Na ahər yak, kige tsa sik yak à gis a kər a bakal ka, ɗasl ɗasl sasa aba ya, kà dza dər a dala. Ŋgulum na ki ŋget a mesife i təv Mbulum a, nda gà ahər yak ilik, kige tsa sik yak ilik a, ndəna tì yè a kər a akwa ana a mbete a tsa aà biybiy a, nda gà ahər yak sula ya, kige tsa nda gà sik yak sula məma fit a.

Mata 21:14

Dite i dəba ŋa ya, gà ɓəzla guluf nda gà ɓəzla magàha a bəɗ, tə dara a təv Yesuw a ga Mbulum batsah ŋa ata ya. A mbala à tar.

Mata 8:10

Yesuw a tsaraka bazlam ŋgar ata ka, a ge ahər kamala dukw mene aà mburma ya. Dite a gwaɗa a gà mburma ana ti zezem a ŋgat a: Iye ihər i gweɗe a kurum a nda ndzer, pàrsa iɗəm tsa, Yàa ŋgat a wura aka gis iye nda gəzləŋ, ku mege i gwala Isərayel tekeɗe, kamala wele aaha ya ilik tsidze.

Mata 9:32

Aləka i təv ana gà mburma ata sula ya, tə da iɗəm a ka, gà mburma ŋgiɗ tə daha à wele duwa a Yesuw. Wele ata ka, ndəkəmma a mba aà mifefile tsa. Aɗaba sitene aka danar aka bazlam.

Mata 9:33

I dəba ŋa ya, Yesuw a dalawa ikəka sitene ata ya. A da ikəka ya tsara ka, wele ata a dza ba aà mifefile wìlè wìlè lele kuɗa. Gà mburma ana tar riŋ i fataya, ta ŋgatar kataya tsara ka, a ge aà tar kamala dukw mene aà mburma ya. Ta gwa: «Maa ŋgat a duwa ika ahəɗ kwa gà Isərayel ilik kamala naha ya tsa.»

Mata 9:8

Ama gà mburma ana tar riŋ i fata tserdze ya, ta ŋgat a dukw mene à mburma ata Yesuw a ge ya ka, ta ge magəɗa hinne, tə zàmbaɗa à Mbulum, aɗaba ana a dara, a vəl ndzəɗa a mburma kataya ya.

Markus 2:12

I təv ana ə̀ba gà mburma ta fə̀r aakaha ya ka, wele aaha a hitse tsara, a zla slə̀làh ŋgar ata, a daba. Gà mburma ata i fataya, tə dzadzar hinne, agəra dukw mene aà mburma ata Yesuw a ge ya. Ta gwa: «Yweh, yweh, yweh, maa ŋgat a duwa ilik kamala naha ya tsidze.» Dite i fataya ka, tə zàmbaɗa à Mbulum hinne tsara.

Markus 7:37

Aɗaba dukw ana Yesuw a ge a ka, dukw mene aà mburma hinne. Ta gwaɗawa ahər: «Dukw ana a ge a ya ka, à lèmbeɗe a lele ndzer. Ku mege mandakazləm ibam, à hìndìker a i zləm a, à fèfil a lele.»

Markus 9:43

Na ahər yak à gis a kər a bakal ka, ə̀ndats sàs aba ya. Ŋgulum na ki ŋget a mesife i təv Mbulum nda gà ahər yak ilik a, na ndəna ki de a akwa ana ŋgarŋgar a mbete a tsa aà biybiy nda gà ahər yak sula ya.

Luka 14:13

Ama kàa de dukw mezime a bəɗ a mburma ka, ŋgulum ki zel a dər ka, a gà ɓəzla matawak nda gà ɓəzla videl, nda gà ɓəzla magàha a bəɗ, dite nda gà ɓəzla guluf ivaɗ.

Luka 14:21

Aləka, mala meslire ata a mbəɗ gər a ma, a daha, a mà à bazlam gà mburma ata a mala ga ŋgar. Mala ga a tsaraka kataya ka, a ge arəv hinne. A gwaɗa a mala meslire ŋgar ata: I fataya ka, wele ata a da tsara.

Luka 18:43

I dəba bazlam Yesuw ata a tsiker kataya ya tsara ka, wurat are ŋgar a hə̀ndə̀k ba. Dite a zazam Yesuw nda gà mazàmbàɗà aà Mbulum, tə dəɗ akaba tserdze. Gà mburma ana i fataya tekeɗe, ta ŋgat a dukw ata ka, tə zàmbaɗa à Mbulum mbaŋa.

Luka 7:16

Dukw ata Yesuw a ge ya ka, a ge magəɗa a gà mburma ata i fata tserdze ya hinne. Tə zàmbaɗa aà Mbulum. Ta gwaɗawa: «Batsah mala məma à guma Mbulum aka dara aka magər kwa ya. Dite Mbulum aka dara, aà mazlàkà gà mburma ŋgar a mbaŋa asa.»

Yuhana 9:24

I dəba ŋa ya, gà Farisa tə zal a wele ata a ndzawa guluf ŋa ya masula ŋa asa. Ta gwaɗar: «Tsik dukw Mbulum ndzer ŋana kwaŋ, aɗaba mì sər ndzer, wele ata ka, mala bakal.»