Mata 15:26 - Bible Zulgo

²⁶ Yesuw a gwaɗar aaka: «Aɗaba wur ana a vile a dukw mezime a gà ɓəza ya ka, say a sle a ter a dzekwiŋ, dite a vile a a gà kəra, ti zimiŋa. Tsəka, malàhà à dukw mezime ika gà ɓəza ya a gà kəra ka, lele tsa.»

Mata 15:26 ပူးပေါင်းရင်းမြစ်များ

Mata 15:25

Ama məkəs ata a daha, a dza gurmits a bəɗ aka miɗ ŋgar, a hamar hinne asa. A gwaɗar: «Zlak iye te, Əbay gà.»

Mata 15:27

Məkəs aaha a gwaɗar aaka: «Kataya kaɗəŋ, Əbay ga, ama kəla ka, na bəla gà ɓəzla ga tar riŋ ihər ti zim a ɗaf ka, gà kəra ti dehe a, ta pele a na a dzawa aà tar a bəɗ a mbaŋa.»

Mata 7:6

Ama ka ta vəlum ŋgwal dukw kurum ana tsəɗaŋŋa lele ya, a gà na ti ne kamala gà kəra ya tsa. Aɗaba i dəba ŋa ya ka, ta mbiɗere a gər a dəba aka kurum ŋa ya, ə̀vaŋ ti dze a kurum ŋa. Ka vəlum gà kur kurum ana tsakala ŋa hinne, à sìkim a ba tsiye, a gà na ti ne kamala wèdèlìŋ a ɓav tsa, tsəka, tipikw tipikw ti ta ɓele a kurum aaka a nda sik.»

RUMA 9:4

Tar ka, gà Isərayel ana Mbulum a pala tar a. A pala tar ka, aà mene à tar gà ɓəza ŋgar. A pàt a tar à ndzəɗa ŋgar, na dite tì zlibe a à ŋgat a. A ɗif a tar à masəra ba ŋgar, nda məpala ahəm ŋgar mbaŋa. A ɗe a tar à vatwa ana, dite ta heme a aà ŋgat a. A tsikewa a tar gà asiŋ gà bazlam ŋgiɗ pampam i sida ya, aka gər dukw ana a vile a ter a ya mbaŋa. Ama ka, ta gəs tsa.

GALATIYA 2:15

Aɗaba kwa ka, ta wa kwa i gwala gà Yahuda, tsəka, kwa gà mburma ŋgiɗ ana tə sər məpala ahəm Mbulum tsiye tsa.

EFESIYA 2:12

Ma ta məts a kurum gər tsa: Akahər ata ka, kà sərum ɗa Yesuw Kiristi tsa. Kurum ka, gà mbəlakw məfàrà ŋa ana ika magər gà Yahuda ana tar gà mburma Mbulum a. Mbulum aka tsik duwa a gà mburma ŋgar ata. Aka mbər megweɗe a tar ka: «I vile a kurum a duwa i sida ya.» Ama kurum gà mbəlakw ka, kurum iɗəm tsa. Kàa slwim madzala aka duwa a təv Mbulum tsidze. Kurum ɗa ika gər ahəɗ ka, kàa sərum ɗa Mbulum tsa.

FILIPIYA 3:2

Gwim metsehe nda təv gà na ta gewa dukw ana ŋgwal ŋa tsiye, ti ne kamala gà kəra ya, haraŋgaf haraŋgaf, dite ti tsetsef a duwa a mburma, ta gweɗe a ter a ka, sasayum ba ya.

Sunwa Yuhana 22:15

Ama gà na tar ti ne kamala gà kəra ya, nda gà ɓəzla mèdè, nda gà na ta gewa muva ya, kige tsa, gà na ta batsawa mburma ya, nda gà na tə dzawa gurmits a bəɗ ka, a fəla tar a, nda gà ɓəzla pàrsa ana ta waya masàsà pàrsa ya ka, bàlaarì tar ti ndze a ka, i bəra, ti de a a ŋgwal kwite ata tsidze.